1/ Di HN Viện Huyết học- Truyền máu trung ương barau peih họp báo ka danak dak brei darah xuyên Việt hu angan Hành trình Đỏ mbang ka 5. Ngan saong kadha “pambuak pagam darah urang việt”, hành trình đỏ thun ini hu peih tabiak meng harei 1/7 tal harei 31/7 di 28 tỉnh, ban, tui kuhria mek hu jaik 45.000 đơn vị drah, piah pasiam bruk kurang drah duh ka bruk iek ruak dalam bilan hè di dom tỉnh, ban.

2/ Anak bruk hajan ia sua rah tabiak dak harei dak khang di bhum Tây Bắc, jeng yau di tỉnh Điện Biên, gah điện lực tỉnh Điện Biên hu brei urang jakar trun puk palei piah samar mboh saong lanyah chip piah khik siam mekre ka jalan điện 110KV di puk palei

3/ Thun 2017, Khánh Hòa hu 1.555 anek saih bangsa hu mbaok tame danak dak bac bac sap Việt dahlau di tuk tame tal 1 dalam bilan hè kayua sở pato megru tỉnh peih tabiak. Ini lac mbang akaok meti tỉnh Khánh Hòa, lac tỉnh hu 6/9 huyện, ban sit hu bhap bini bangsa takik daok, peih bruk pato sap Việt ka uranaih mầm non.

4/ Kon Tum lac tỉnh hu pren khang patagok dom janih kaya nông hu yaom kinh tế glaong, abih di nyu nan lac cà phê, sâm ngọc linh, njam patam baoh karaoh palei li-ar… Piah paglaong chất lượng pandap panda kaya nông, dalam dom thun jaik di ini, tỉnh Kon Tum hu patagok bruk pandar công nghệ glaong tame ngak nông, oh lac rik daong paglaong năng suất, chất lượng pandap, bo daok paglaong jien mek tame ka urang nông.

5/ Bruk jaleih takai kraong, ribaong di tỉnh Tiền Giang daoh rah tabiak dah harei dak khang, ngak kan kandah tal raidiuk di bhap bini. Tui ong Cao Văn Hóa, Quyền Giám đốc Sở ngak nông saong patagok palei pala tỉnh Tiền Giang, meng akaok thun 2017 tal urak ini,  dalam tỉnh hu labaih 50  labik jaleih barau, atah abih tih 7.220 m;  dalam nan hu yaok pluh labik jaleih khang di ribaong Cái Bè (huyện Cái Bè), kraong Cồ Cò (huyện Cái Bè), kraong Rạch Ruộng (huyện Cái Bè).

6/ Hội Liên hiệp urang kamei huyện Tân Châu, tỉnh Tây Ninh barau peih bruk alin kabau limo binai ka baoh sang urang kamei kan kathaot daok di 5 xã dalam huyện nan lac: Tân Phú, Tân Hưng, Tân Thành, Suối Dây saong Tân Hiệp. Abih tih phun jien ka mbang alin hadiah kubao limo ini, lac 675 triệu đồng. Ini lac bruk ngak daok dalam dự án daong kabau limo binai ka urang hội kamei kan kathaot dalam tỉnh tukvak 2016-2020” di Hội liên hiệp urang kamei tỉnh.

7/ Amuk Nguyễn Thị Tuyến- sa urang ngak pahala daok di ban raya Hồ Chí Minh hu nao sang blei 5 ha taneh di palei Mỹ Thuận, xã Thạnh Mỹ, huyện Tân Phước, tỉnh Tiền Giang piah padang ngak pasak bảo trợ tình thương Thiện Tâm. Ini lac laik raong oh mek jien ka labaih 200 urang taha kan kathaot, daok sa drei pak di palei ini. Abih tih yaom jien padang ngak pasak ini jaik 30 tỷ đồng. 

Patui di ini dom khau tin dunya:

8/ Hội urang Campuchia asal Việt Nam daok di ban ine Phnôm Pênh saong công ty Gâu-đừn Len– sa công ty Việt Nam ngak  gah bất động sản di CPC hu peih bruk alin hadaih 400 paok pandap hu dom nhu yếu phẩm ka urang CPC asal VN saong urang CPC gaok kan kandah. Ini lac dom paok pandap brei mboh bruk jum pataom, pambuak talei rohim di bhap bini dua taneh ia.

9/ Nga daok pasang iek bruk brei trun tanut lambaok gah ngoại giao di taneh ia ini di NATO trun labik  đại biện lâm thời, hadei di tuk urang lambaok ka Nga di NATO, ong A-lếch-xăng-đơ Grut-xcô klak bruk.

10/  Tổng thống Mỹ Đô-nan Trăm ndom lac, taneh ia ini oh pacadu dom  lệnh trừng phạt  Nga tal tuk bruk di Ucraina saong Xyri oh hu langyah, dalam tuk dom nghị sĩ cộng hòa di taneh ia ini caong Mỹ ngak khang jang piah trừng phạt bruk Nga ba tangin tame bruk bầu cử Tổng thống./.