1# Tỉnh Thừa Thiên – Huế hu labaih 15.000 urang njom jru mek klik kruc  /dioxin, dalam nan hu labaih 2.000 urang metai. Yaok thun, dom pakat hội urang njauk jru mek klik kruc  /dioxin ieu pataom hu labaih 4 tỷ đồng piah dong padang ngak sang, dong ka urang kan kandah, pasiam veik dom khut khat kayua ribuk ia sua, pato bruk ngak, peih bruk iek ruak, brei radeih lăn song alin pandap ka dom boh sang hu urang njom jru mek klik kruac/dioxin.

2 # Thun bac bahrau  2017 – 2018 jiak si tal. Dalam dom harei ni, dom amaik ame song anek saih di  Cần Thơ, ba gauk nao blei  dom janih pandap bac daa ka thun bac bahrau. Tui nan darak pasa tapuk, pandap bac ka anek saih  song  cặp anek saih di dom  cửa hàng, nhà sách prong sit di ban jeng chreih chrai jang . Ong Nguyễn Thanh Sơn – Phó Giám đốc Công ty nhà sách thiết bị giáo dục Cần Thơ brei thau“ Yaom kaom thun ni tagok jang dut song thun  bloh, min Công ty hu caga dahlau song blei tame dahlau dom pandap panda song hu tut angan tame danak dak  tani tanat yaom kaom song gah Ủy Ban. Yau nan ye, tapuk, siphau, cặp, hu  công ty blei tame khik piah biak rilo, piah oh rah tabiak bruk tagok yaom.

          3# Tui pasak  Y tế dự phòng Đăk Nông, kuhira tal tuk vak ni, dalam  tỉnh hu 298 mbang urang ruak pandiak tabiak darah, trun labaih 1 ribau mbang dut song tuk vak ni thun dahlau. Ban sit Gia Nghĩa song  huyện Đăk Glong lac 2 labik hu rilo urang ruak dalam thun bloh, min thun ni dua labik ni tok hu 20urang ruak.

4# Harei 10/8, di pasak dịch vụ bruk ngak tỉnh Đồng Nai rah tabiak  sàn giao dịch bruk ngak mbang 133.Hu mbaok mbang ni hu 23 công ty, doanh nghiệp dalam song langiu tỉnh  palih ruah 665 urang ngak, dalam nan urang ngak hu ilamu phổ thông caong palih ruah labaih 80%. Daok urang ngak hu  trình độ đại học tok caong hu labaih 6,4%. Dalam mbang ni, rilo công ty, doanh nghiệp meng ban raya Hồ Chí Minh song  tỉnh Bình Dương hu mbaok tame palih ruah.

         5 # Tui panuac khan di ong Võ Thành Ngoan, Phó Giám đốc Sở ngak nong song patagok palei pala tỉnh Đồng Tháp, ia sua thun  2017  tui kuhria mboh dahlau lac samu atau glaong jang rilo thun  meng 0,1 - 0,3m . Min urak ni di tỉnh Đồng Tháp hu labaih  1.000 ha padai Thu Đông dok trun pajaih langiu quy hoạch, oh nyaih hu ia sua daok tuh mai. Tui kuhria tal puac bilan 8, song kreih bilan  9/2017, mblang padai langiu bhum quy hoạch meda yuak hu, piah khik siam ka pdai, urang nong daok ngak pasiam veik ar pacang.

   6 # Thun 2017, tỉnh An Giang hu peih ngak sarak patagok khik ramik bruk taong cap saong khik caga kaya ikan dalam  tỉnh. Gah chức năng jeng bhian nao tui iek, langyah dom bruk ngak suan dalam tong chap song khik caga kaya ikan. Chi cục kaya ikan An Giang hu harak oh brei tong chap dalam tuk vak meng  1/6/2017 tal harei 31/8/2017 oh brei tong chap ikan rieng anek, tok brei tong chap ikan rieng meng hadei di harei 1/9/2017. 

          7# Chi Cục Thú y tỉnh Bạc Liêu brei thau,kuhria tal harei  9/8, dalam  tỉnh hu tapa  bloh 21 harei oh hu sruh jit ruak menuk ada bahrau, tinh pacang cakak hu siam jit ruak. Urak ni dalam tỉnh hu abih jit, dom bruk pablei salih hu peih veik. 

  Patui di ni dom khau tin dunya

8# Nhật Bản hu adat tong cakak  tên lửa di Triều Tiên pamong tal palao  Goam (Guam). Ni lac panuac khan di Akaok mintri  Quốc phòng Nhật Bản Ít-su-nô-ri Ô-nô-đê-ra (Itsunori Onodera) ba tabiak di nyaom biai Quốc hội negar ni  harei (10/08).Tui ong Ô-nô-đê-ra, Nhật Bản hu adat tong cakak tên lửa di  Triều Tiên pamong tal labik  bhum taneh di Mỹ daok di Thái Bình Dương meyah  tên lửa ni hu mong lac ngak kan kandah ka an ninh Nhật Bản.

          9 # Kuhria tal harei  10/8,  mbang megei boh taneh di  melam  8/8 di Cửu Trại Câu dalam  tỉnh Tứ Xuyên, Trung Quốc hu  19 urang metai, 343 urang njauk rambuac dalam nan hu 15 urang njauk rambuac trak. Gam gam dalam harei  9/8, gah dong duah urang njauk bala hu ba labaih 60 ribau urang song labaih  10 ribau radeih  ô tô dom janih tabiak truh  bhum Cửu Trại Câu.   

          10# Takik di abih  29 urang di cư metai song  22 urang karei lihik,  hadei di tuk  dom urang pablei salih menuac pacap chat truh kapan di langiu tasik Y-ê-men, jiak  tỉnh Xáp-oa (Chabwa). Tui Gah  di dân dunya , dom urang ni rilo meng lac mai meng  Xô-ma-li song  Ê-ti-ô-pi-a./.