1/  Anak bruk rah tabiak dalam kan kandah di jit cúm menuk ada song peih bruk ngak tui tacei pato di Thủ tướng rajaei ka bruk pacang caga  cúm A (H7N9) song dom chủng vi rút cúm menuk da meda pambak tapa menuac njom tame  Việt Nam, Mintri Y tế hu panuac ieu sở y tế dom  tỉnh, ban di Trung ương peih ngak siam bruk dut iek  y tế di tapen negar. Sở Y tế dom tỉnh, ban pambuak bruk song dom gah pagam tal tui iek catang tuai damuai tame Việt Nam tapa dom pabah mbang negar; abih di nyu lac sangka tal dom urang mai meng bhum hu dịch cúm A (H7N9).  

2/ Thun 2016, kadung jien ka urang kan kathaot dom pakat dalam huyện Đức Phổ, tỉnh Quãng Ngãi ieu pataom hu labaih 1,7 tỷ đồng. Meng kadung jien ieu pataom ini, mban jak ba kadung jien ka urang kan kathaot huyện Đức Phổ hu daong ngak barau 15 sang jum pataom, pasiam veik 7 sang daok ka urang kan kathaot; padang ngak 37 sang pacang ia sua, daong 23 drei limo pajaih ka baoh sang kan kathaot. 

3/ Phòng Cảnh sát Môi trường Công an tỉnh Sơn La pambuak bruk song kapul  kiểm lâm cơ động song pacang caga khuah glai  ka 1, Chi cục kiểm lâm tỉnh song  Công an huyện Phù Yên chap hu  2 radeih pajeng kayau lậu, chap mek labaih 4m³ kayau oh thau asar di nyu. Urak ni gah chức năng hu chap mek kayau nan song ngak hồ sơ piah langyah tui adat hukum.

4/ Urak ini, yaom plang di bhum pala plang Tân Phú Đông, tỉnh Tiền Giang  meng 2.500 tal 3.000 đồng/kg, biar di abih duk saong tukvak akaok thun tal ini saong tok samu 1/3 duk saong thun dahlau. Bruk pablei plang biak kan kandah, ralo taneh plang thương phẩm urak ini laik yaom biak khang ngak ka urang nông khat ralo.

5/ # Di Trà Vinh, rilo bilan ni mai, yaom ikan padoc dalam tỉnh gam gam trun yaom, ngak ka dom boh sang rong ikan padoc khat trak. Yaom ikan padoc janih 1 hu  urang mai blei di danao  dok  23.000 đồng sa kg min. Tui yaom blei ni, urang rong khat meng 7.000 - 8.000 đồng sa kg. 

6/ Hadei di jaik 5 thun peih ngak iek bruk raong lanung oh hu gluh dalam danao xi măng di dom baoh sang urang nông daok di palei Tầm Long, xã Trí Bình, huyện Châu Thành, tỉnh Tây Ninh tuk camereip mek hu kein laba glaong, peih tabiak jalan siam mekre barau dalam gah raong pala kaya ikan labik bến Tầm Long.

7/ Di palei Sóc Bưng, xã Thanh Phú, huyện Bình Long, tỉnh Bình Phước kapul urang dahlau deih ngak bol lin ban sit Bình Long pambuak bruk song Ub bhap bini xã Thanh Phú peih bruk jao brei sang anit ranam ka hội viên Nguyễn Hoàng Sa hu rai duik kan kandah. Boh sang pakat 4, prong labaih 50m², hu sa balik tuai song 2 balik ndih, nền xi măng, tabung ton, pambah mbang pasei hu camin, abih tih yaom jien padang ngak labaih 57 triệu đồng.

Patui di ini dom khau tin dunya:

8/ Thủ tướng Anh Thê-rê-xa Mây hu mbang ndom biai tapa phone saong Tổng thống Mỹ Đô-nan Trăm. Dua gah njauk gauk lac jeng daok hu jalan piah thuyết phục Nga klak pambuak bruk saong Tổng thống Xyri Ba-xa An A-xát.             

9/ Tổng thư ký Liên hợp quốc An-tô-ni-ô Gút-tơ-rét hu panuac lên án khang 2 mbang tong khang tame 2 nhà thờ Cơ đốc giáo d igah barak negar  Ai Cập, ngak ka yaok pluh urang metai song labaih rituh urang njauk rambuac. Dalam sa panuac lac, Tổng thư ký Gut-tê-rét brei mboh hatai anit saong klah rabha pandik harao tal dom boh sang hu urang gaok bala, tal rajaei song bhap bini Ai Cập.             

10/ Triều Tiên lên án bruk Mỹ ba kapal mblang kapal haok Các Vin-sơn tal bán đảo Triều Tiên harei 11/4 saong hu panuac lac, taneh ia ini daok caga ka bruk mesruh metak./.