1/Tui Bảo hiểm xã hội Việt Nam, urak ni, dalam negar hu jao  labaih 746 ribau sổ bảo hiểm xã hội ka urang ngak. Di dom tỉnh, ban hu peih bruk jao rilo sổ bảo hiểm xã hội ka urang ngak, yau: Đồng Nai, Hải Phòng, ban raya Hồ Chí Minh.

2/ Padang bruk  “jak ba gheih” di tỉnh Yên Bái hu jeng bruk ngak di abih hệ thống chính trị, pachreih hu ralo dom rai rah bhap bini saong urang jakar, urang đảng hu mbaok tame. Tapa 8 thun peih ngak, tal urak ini, dalam tỉnh Yên Bái hu 3.000 bruk “jakba gheih” di dom pakat ngak bruk hu kein laba. Dalam dom bruk nan, hu labaih 700 bruk ngak ka quốc phòng – an ninh; jaik 2.000 bruk ngak kinh tế - xã hội. 

3/  # Jiak 200 kapul, doanh nghiệp di tỉnh Lào Cai hu  Cục sở hữu trí tuệ Việt Nam brei văn bằng gah khik angan je pandap panda. Dalam nan njauk ndom tal brah Séng Cù, Tương ớt Mường Khương, su su Sa Pa, te San Dền Sáng …Bruk pablei dom janih kaya nong, hadei di tuk hu chứng nhận khik angan je hu rilo mbuan lagaih , abih di nyu lac tuk tuai du lịch mai rivang Lào Cai tagok samar.

4/ Tukvak tapa, di dom bingun, danao, mblang hamu di palei Hà Thanh, xã Gio Châu, huyện Gio Linh, tỉnh Quảng Trị ikan metai ralo. Labik hu ikan metai daok jaik khu công nghiệp Quán Ngang, huyện Gio Linh. Ini oh njauk lac mbang akaok meti rah tabiak bruk ini. Bhap bini puk palei daok duh hatai ka halau ia labik urang daok daok.

5/ # Dalam tuk rilo pandap panda kaya nong trun yaom, kan pablei hu, ye boh chim Cút di  trang trại ong Trần Nguyễn Hồ di xã Long An, huyện Châu Thành, tỉnh Tiền Giang jeng dok pablei tabiak negar lngiu hu saong yaom glong. Ong Trần Nguyễn Hồ, po trang trại chim Cút brei thau:“Ngan song anek chim Cút ye drei rong oh brei menyum kháng sinh, rong nyu biak kan oh mbuan. Ka 2 lac drei oh brei mbang pandap công nghiệp hu kayua dalam pandpa mbang nan hu chất bảo quản. Hulin lai pandap mbang harei lei brei mbang harei nan, oh lai chất bảo quản”.

6/ Salih ka bruk pala tabau phun pablei ka dom sang mac ngak saradang, ralo bhap bini daok di huyện Cù Lao Dung, tỉnh Sóc Trăng palih ruah pala pajaih tabau aik mek ia piah pablei, kein laba mek hu labaih sa rituh triệu đồng yaok ha.

7#/ Dom harei tapa, urang nong tỉnh Bình Phước glaih glar ramik veik dom khut khat meng mbang ngin ribuk piah dong ka yaok ribau geing am riak kalu jaleih, khat lihik yaok tỷ đồng kayua ngin ribuk. Bruk pasiam veik nan hu sang abih yaok rituh triệu đồng meng daong hu ka bein am riak kalu. Dom urang jakar puk palei, bol lin, biên phòng jeng hu tame daong ka bhap bini padang veik geing am riak kalu.

Patui di ini dom khau tin dunya:

8/ Takik di abih 8 urang metai saong 11 urang karei njauk rambauh dalam sa mbang megei baoh taneh khang 5,5 độ rích-te di bhum tự trị Tân Cương  gah pai Tây Trung Quốc di 6 tuk mesup harei 11/5.

9#/ Bộ An ninh Burkina Faso pambuak bruk song Liên minh châu Âu peih bruk pato pakai 132 urang an ninh di dom gah pacang bạo động song  khủng bố di negar Tây Phi ni. Tui akaok mintri Burkina Faso Simon Compaoré, mbang pato pakai piah patagok pren khang ka dom urang an ninh di dom gah dalam bruk khik caga an ninh anak dom cuang kandah bahrau dalam khu vực, abih di nyu nan lac pacang khủng bố di bhum Sahel.

10/ Rajaei Thụy Sĩ  brei patrun patakik bruk brei thẻ cư trú ka urang ngak lac urang Romania saong Bulgaria piah pacang cakak dom urang di cư mai meng dua taneh ia ini, yaom lac meng thun bloh, Thụy Sĩ  hu peih pabah mbang negar brei ka menuac di dua taneh ia nan tame./.