1#Mesup 11/8, di  Phủ Chủ tịch, Phó akaok negar  Đặng Thị Ngọc Thịnh taduan raok kapul urang đoàn di  Công đoàn Công an bhap bini, Bol bala bhap bini naih gheih dalam bruk pakacah “Ngak bruk joi” tuk vak 2012-2017. Salam uan kapul urang gah tapon nyaom bol pan phao krong , Phó akaok  negar Đặng Thị Ngọc Thịnh brei mboh hatai uan tabuan ngan song dom urang hu palih ruah lac dom urang “Ngak bruk joi” di gah tapon nyaom bol pan phao krong

2/ harei 10/8, di Đại sứ quán Việt Nam di Nhật Bản rah tabiak bruk alin huy chương hữu nghị ka đạo diễn urang Nhật Bản Ma-sa-cô Sa-ca-ta piah pok meyaom dom rik daong di amuk ka bruk ngak kayua urang njauk jru mek klik kruoc. Đại sứ Việt Nam di Nhật Bản Nguyễn Quốc Cường ndom lac dom bruk ngak di amuk Sa-ka-ta dalam nan hu bruk ngak dom bộ phim ka jru mek klik kruoc, dự án “Asal pajaih hy vọng” hu makna ngan saong dom urang njauk jru mek klik kruoc Dioxin di Việt Nam jeng yau kak kajap hatai anit gauk di bhap bini dua taneh ia.

3/ # Tal tuk vak ni , yaom jien sre di  20 po kapan ikan kanduh pasei  67 di  tỉnh Bình Định hu salih tapa sre  quá hạn ngan song yaom jien jiak  13 tỷ đồng; dalam nan sre  gốc labaih 11 tỷ đồng sonhg jiak  2 tỷ đồng jien liba. Ni lac pok jien sre kayua dom urang tong ikan mesraiy ngak bahrau kapan ikan tui sarak 67 di rajaei song dom sarak patagok iaya ikan, min kapan khut dok di angaok thu, tuk vak suai lavik oh tabiak tasik tong chap. Thủ tướng rajaei hu tacei gilang pariak Trung ương hu jalan khoanh nợ, giãn nợ ka dom po kapan ikan ni. Min gilang pariak karja dhar tỉnh Bình Định oh ka taduan hu bruk tacei jalan xử lý sre ka urang tong ikan

4/  Tui Chi cục Thú y tỉnh Gia Lai, di ban sit Ayun Pa barau hu sruh jit ruak laka cambuai tapaok kakau barau . Sruh jit ruak ini di  xã Chư Băh ngak brei 45 drei limo di 23 baoh sang di 3 palei haok ralo ia pabah, tagar blau, kakau takai laka saong klak mbang. Kuhria tal urak ini, jit laka cambuai tapaok kakau di athur rah tabiak di 2 xã Ia Sao saong Chư Băh di ban sit Ayun Pa, ngak brei labaih 500 drei limo njauk ruak, ralo jang 15 mbang duk saong tukvak puac bilan 7, tuk hu jit ruak. 

5/ # Hadei di sa adit ngak oh padeih, mesup 11/8, labik talah jaoh angaok tatua  Nậm Păm di ban sit Ít Ong, huyện Mường La, tỉnh Sơn La hu padang tatua dàn thép Bailey, caik angaok mố khung thép nhồi đá hộc. Tui kuhira  dalam 12 harei 12 meda caik tatua dàn thép nan labik jaoh dok veik, tapa nan pasiam veik jalan Roya 279D, khik ka bruk nao mai hu siam mekre di jalan ni. Urak ni huyện Mường La dok hu rilo jalan khut trak kayua ia sua khang harei 2/8, nan ye dom gah chức năng song gah padang ngak dok samar ngak piah  pasiam veik dom jalan ni

6/ Di labik tổ 10, palei An Thạnh, xã Hòa An, Huyện Chợ Mới, tỉnh An Giang rah tabiak bruk jaleih haluk khang  tah jaik 200m, mbang dalam tame taneh jaik 100m, ba seik nao yaok rituh yot bingu kiểng di bhap bini. Huyện Chợ Mới hu pok panuac tagok UB bhap bini tỉnh An Giang hu jalan daong, rami ramik ka bhap bini bhum jaleih haluk tame cụm tuyến dân cư di xã Hòa An, piah mikva samar tani tanat labik daok, sanang hatai pala drak veik.

7/ # Tapa labaih 10 harei peih ngak Đề án khik ramik, duah thau song truy xuất asar rilaow pabui, bo  pabui truy xuất hu asar di 2 darak pasa  đầu mối Bình Điền song Hóc Môn dok beir, hu labaih 30%, Ủy ban bhap bini ban raya Hồ Chí Minh bahrau hu harak tacei brei patagok bruk ngak ni. Tui nan,jao ka mBan khik ramik hacih saat pandap mbang ban raya, yaok melam peih bruk mek mẫu,  test samar kiểm tra vi sinh, haleik dalam rilaow pabui … langyah catang dom bruk ngak suan song  ngak njauk tui hukum ngan song dom rilawo pabui oh cuh kon nhận diện.

Patui di ini dom khau tin dunya:

8/ Mesup harei 11/8, di ban ine Phnôm Pênh, mintri Ngoại giao saong Gah pambuak bruk dunya  Campuchia  hu peih bruk pahadar 50 thn padang Hiệp hội dom taneh ia Đông Nam Á (ASEAN). Hu mbaok tame, hu đại sứ dom taneh ia ASEAN saong taneh ia karei di CPC. Brei panuac di tuk peih bruk, akaok mintri ngoại giao saong pambuak bruk dunya CPC Prạ Xô-khon ndom lac, bruk pahadar 50 thun padang ASEAN lac sa kadha prong dalam tukvak peih bruk pamaong tal cộng đồng 2025 , brei mboh labik dang praong di ASEAN dalam bruk khik kajap hòa bình, tani tanat dalam khu vực.

9# Kuhria tal harei 11/8, mbang megei boh taneh melam 8/8 di Cửu Trại Câu di tỉnh Tứ Xuyên, Trung Quốc ngakka  20 urang metai, 507 njauk rambuac dalam nan hu 101 urang njauk rambuac trak. Dalam dom urang metai urak ni hu thau angan je palei pala di  14 urang. Dom urang gaok bala meda hu rilo jang kayua urang lihik jeng oh ka thau cambaih lac hadom. 

10/ QH Prang brei tapa sa dự luật piah ngak brei hacih sa-at bộ mác chính trị  taneh ia. Tui nan, dom nghị sĩ oh daok hu brei jien piah bayar ka dom lĩnh vực atau dom kapul nyaom lingiu rajaei bo urang palih ruah./.