1/ Harei 27/2, Jabat rajaei brei thau panuac di Phó Thủ tướng Trịnh Đình Dũng dalam mbang nyaom kuhria caga dự án đầu tư padang ngak jalan cao tốc Bắc Nam. Phó Thủ tướng jao ka mintri jalan mbak pajeng ba tacei pato ngak pasiam 2 phương án ( karja dong 63.000 tỉ đồng song 70.000 tỉ đồng), pathau khan thủ tướng, karja brei panuac dahlau di tuk pok tagok QH. Pok jien dong di karja piah giải phóng mặt bằng song sa binah ka bruk đầu tư, dok veik ( labaih 70% yaom jien padang ngak),ieu pataom meng XH hóa.  

2/ Meng labaih 21 ribau sinh viên daok bac di Mỹ, VN daok dalam kapul 10 taneh ia hu anek saih nao bac ralo abih di taneh ia ini dalam thun bac 2015-2016.  Kuhria tal thun bac 2015-2016,  anek saih nao bac di Mỹ lac labaih 1 triệu urang, ralo jang 7,1% duk saong thun bac dahlau nan saong meblah 5,2% abih tih sinh viên đại học di Mỹ. Top 10 taneh ia, bhum lãnh thổ hu anek saih nao bac ralo abih di Mỹ nan lac Trung Quốc, Ấn độ, A-rập Xê-út, Hàn quốc, Canađa, Việt Nam, Đài Loan (Trung Quốc), Braxin, Nhật Bản, saong Mê-hi-cô.

3/ Mesup harei 27/2, urang gaok bala PUAC abih dalam bruk njauk jru mek tập thể di dom xã tapen negar huyện Phong Thổ- Lai Châu hu tabiak truh sang iek ruak. Yau nan, bruk njauk jru mek dalam song langiu ndam metai di xã Ma Ly Chải hu 159 urang, dalam nan hu 9 urang metai. Urak ni gah chức năng song karja palei oh ka brei thau bruk dut iek dom janih pandap mbang karei langiu di alak. Min meda lac makna ba tal njauk jru mek nan lac methanol dalam biak glong.

4/ TƯ kapul urang njauk jru mek klik karuoc dioxin Việt Nam hu peih danak dak nhắn tin “Ba tangin tame daong pacadu pandik harao di jru mek klik kroc” thun 2017. Ngan saong panuac lac “sa tin nhắn – sa hatung hatian – pambuak pagam saong pambak praong – kayua urang njauk jru mek klik kroc”, danak dak taduan bruk daong meng 0 tuk harei 26/2 tal 24 tuk harei 28/4. Bhap bini meda nhắn tin daong danak dak tui cú pháp DACAM payua 1409. Yaok sa tin nhắn daong hu 18.000 đồng, lac bruk pachreih ba praong ngan saong dom urang njauk jru mek klik kruoc VN.  

5/ Duh hatai ka dom kan kandah di jit cúm A (H5N1), gam saong gah chức năng, urang rong menuk di tỉnh Ninh Thuận hu pacang caga  piah khik tapon menuk da di drei. NT hu labaih 1 triệu 4 rituh ribau drei menuk da hu rong dalam trang trại song raong tui sang. Bhian di nyu yaok thun tal tal tuk vak ni, tapon menuk da tagokbiak rilo  kayua urang rong da piah cang bilan yuak padai đông xuâ, ni jeng lac bruk mbuan ba tal jit ruak menuk da A (H5N1). Dom boh sang rong hu puh ramik var rol, pruh jru pacang caga anek ruak, klauk jru ka tapon menuk da tui njauk chu kỳ piah klak di jit ruak.

6/ Meng hadei tết tal urak ini, yaom thanh long di tỉnh Bình Thuận gam gam dang di tanut glaong. Thanh long mek hu chuẩn xuất khẩu blei di bein meng 17.000-18.000 đồng/kg. Gaok tuk tagok tal 20.000 đồng/kg. Meng yaom tani tanat, dom po bein hu thanh long daok paik baoh brei laba glaong. Sa mbang truac gom (jaik 3 bilan), kaoh bloh phun jien ngak, sa ha laba labaih 100 triệu đồng, yaom thanh long daok di tanut glaong yau akaok thun ini lac bruk takik hu. Tỉnh Bình Thuận urak ini hu labaih 26.500 héc-ta thanh long.  

7/ Tuk vak jiak di ni, di tỉnh ĐN rah tabiak rilo mbang bala trak di jalan pasei, metai rilo urang. Phó Thủ tướng Trương Hòa Bình, Chủ tịch Ủy ban An toàn giao thông pakat negar pandar akaok UB bhap bini Trưởng Ban An toàn giao thông tỉnh Đồng Nai samar tacei pato brei thau makna dom mbang bala di jalan pasei, abih di nyu nan lac mbang gaok bala jiak di inih di huyện Trảng Bom ngak brei 2 urang metai.

8/ Công an tỉnh Long An hu padang angan saong ngak bruk haong 55 urang dang tabiak pan akaok dom băng nhóm buôn lậu saong pajeng ba pandap oh brei pablei salih. Tapa nan, 28 urang mboh hu bruk suan, padeih ngak. Dom urang daok veik daok hu gah công an tui iek. Gah công an jeng hu pasang iek, padang angan 347 urang hu mbaok tame pajeng ba pandap lậu, pandap oh brei pablei salih saong jao ka karja palei piah khik iek pato pakai.

Patui di ini dom khau tin dunya: 

9/ Mintri QP Mỹ harei kabroi 27/2 hu payua  sa jalan ngak sơ bộ piah tong tayah kol (IS). Urang brei panuac di mintri QP Mỹ Giép Đa-vít (Jeff Davis) brei thau jalan ngak ni hu tacei tabiak bruk tong tayah IS hu makna yau habar song meda dong  tong tayah IS biak sama. Dahlau di nan, karja tổng thống Đô-nan Trăm hu ndom lac tong tayah kol khủng bố lac sa dalam bruk dang akaok di Mỹ.

10/  Harei 27/2,  lambaok dom taneh ia Mỹ, Nhật Bản saong Hàn Quốc hu mbang ginum meyai di ban ine Oa-sinh-tơn piah ginum meyai saong tabiak tuyên bố chung 3 gah ka bruk TT. Dalam tuyên bố nan hu cân nhắc sa jalan ngak di yaok taneh ia piah patagok bruk pacang cakak jien padai brei ka dom danak dak tên lửa saong hạt nhân di TT, abih di nyu nan lac dom bruk ngak sung hukum. Dom gah jeng njauk gauk brei hu áp lực khang ngan saong bruk TT klak tapa dom Sarak di Hội đồng bảo an Liên hợp quốc ngan saong taneh ia ini.   

11/  Mesup harei 27/2 di huyện Thủy Thành, tỉnh Quý Châu, Trung Quốc  rah tabiak sa mbang patuh hầm dhang ngak brei 7 urang metai song 11 njauk rambuac. Hu thau tuk mbang patuh rah tabiak, hu 41 urang dok ngak bruk ala hầm. Gah chức năng hu mai dong ka urang gaok bala song duah thau makna ba tal bruk nan. TQ lac sa negar hu rilo mbang gaok bala ala hầm di abih di dunya, adit dahlau di tỉnh Hồ Nam, TQ hu sa mbang patuh hầm dhan ngak ka 11 urang njauk rambuac./.