1#/ Kayua dom mbang ribuk meng blo, tỉnh Lào Cai njauk khat lihik trak ka menuac urang song drap ar. Dalam tỉnh hu labaih 1.500 boh sang khut, jaleih, labaih 10.600 ha padai song njam patam khat lihik, jiak 11 ribau anek athur rong, menuk da metai song njauk ia sua ba theik. Tong abih khat lihik KT tui kuhria jiak 600 tỷ đồng. Anak bruk ni, rajaei hu dong ka tỉnh Lào Kai labaih 72 tấn brah meng gilang khik piah pakat negar piah dong pacang eik lipa ka bhap bini.

2/ Gam saong ruak pandiak tabiak drah, ruak tangin takai cambuai jeng daok tamuh rilo di Đà Nẵng, hu labaih 1.300 urang njauk ruak meng akaok thun tal ini. Gah y tế hu pambuak bruk saong sở pato megru saong karja dom puk palei patagok bruk tui iek vệ sinh môi trường saong pathau khan paglaong akaok saneng di bhap bini dalam bruk pacang cakak jit ruak, oh lui njom mbak dalam bhap bini. Bác sĩ Lê Phước, phaok akaok duk hành chính tổng hợp ban Đà Nẵng brei thau: “Ruak tangin takai cambuai daok hu rilo, sa harei taduan jaik 10 urang ruak. Dahlau daih sa harei hu 4,5 urang min dom bilan jaik di ini yaok harei hu labaih 10 urang. Akaok saneng di bhap bini dom harei ini jeng siam jang, anek barau pandiak ye ba nao khám chip. Urang ruak tame sang iek ruak jeng hu brei tờ rơi tacei pato pacang cakak dom jit ruak, dalam nan hu ruak tangi takai cambuai”.  

3#/ Kapul urang nong tỉnh Ninh Thuận pambuak bruk song Gah Mạng lưới pambuak bruk gah ia Hà Lan peih ginum biai “ Salih bahrau ngak nong, pandar jalan khik caga ia song taneh thông minh”. Dalam ginum biai, urang hu pang pang dom chuyên gia pathau khan dom roh duah ka taneh song ia bo dom chuyên gia hu pasang iek, duah thau di dom labik dalam negar. Jang yau yaih khan dom jalan pruh ia, iek glang taneh lagaih bo NT meda  ngak hu piah khik caga siam tài nguyên ia song taneh dalam bruk ngak nong, pacang caga siam bruk biến đổi khí hậu saong pandiak bhang yau urak ni.

4/ Tỉnh An giang barau peih nyaom roya pok meyaom 500 urang nông ngak mbang pablei salih joi saong 42 kapul nyaom mek hu thành tích xuất sắc dalam bruk pakacah gauk ngak mbang pablei salih di gah ngak nông dalam tỉnh An Giang, mbang ka 17 tukvak 2014-2016, ngan saong kadha urang nông pambuak bruk – ngak nông hiện đại – ngak nông salih barau. Thun 2016, dalam tỉnh palih ruah hu 85.281urang nông joi pakat tỉnh, huyện saong xã, gam saong 107 kapul nyaom ngak mbang pablei salih joi; dalam nan, urang nông joi pakat tỉnh lac 11.341 urang , saong 42 kapul nyaom joi pakat tỉnh. 

5#/ Công an ban sit Phan Thiết, tỉnh Bình Thuận bahrau pambuak bruk song Chi cục khik ramik chất lượng kaya Nông, kaya glai, kaya ikan pasang iek labik ngak hadang thu di muk Lê Thị Bảy, (khu phố 8, phường Đức Nghĩa, ban Phan Thiết), mboh labik ni pandar hóa chất oh thau asar di nyu piah ngak hadang thu. Labik ngak ini, yaok harei ngak 200 kg tal 300 kg hadang, peih tabiak meng thun 2012 mbiah tal ni oh hu harak adat saong oh hu dom harak pambuak tal bruk hacih saat pandap mbang.

6/ Ong Phan Thanh Tùng, Phaok Giám đốc Sở Y tế Hậu Giang brei thau, piah caga siam ka bruk pacang cakak jit dalam dom bilan puac thun, gah y tế hu padang dom kế hoạch pacang, cakak yaok janih jit ruak, dalam nan jhul pakhang dom bruk tui iek, duah mboh chip saong langyah tuk  hu urang ruak akaok meti. Gah y tế pambuak bruk khang kajap saong dom jabat truyền tho6ngg địa chúng pathau khan, brei thau chip tal bhap bini bruk jit ruak saong dom panuac kakei, jalan pacang cakak ruak; pambuak bruk saong dom mban ngành kapul nyaom ieu bhap bini hu mbaok tame piah bruk pacang cakak jit ruak hu siam lagaih.

7#/ Dalam 10 thun tapa, gah khik caga dân phố di ban raya Hồ Chí Minh bhian peih bruk khik iek harie, melam,tapa nan duah mboh labaih 44 ribau bruk pagam tal an ninh trật tự, langyah labaih 47 ribau mbang  vi phạm hành chính; hu mbaok tame langyah labaih 30 ribau  bruk meriak gauk dalam bhap bini, oh caik brei srau kadau rah tabiak. Langiu di nan, gah khik caga dân phố pambuak bruk song cảnh sát khu vực, công phường langyah labaih 101 ribaubruk pagam tal an ninh trật tự, hu mbaok dong cap khik labaih 6 ribaukol phạm tội. Meng siam lagaih di bruk ngak, gah khik caga dân phố dak harei dak hu bhap bini jia tame, pachreih tui saong hu mbaok tame khik caga an ninh trật tự.

Patui di ini dom khau tin dunya:

8/ Tội phạm mạng meda tame hệ thống bảo mật thông tin di rajaei Ôx-trây-li-a dalam 3 thun tal meyah taneh ia ini oh patagok dom jalan khik kajap an ninh mạng pakat negar. Harak pathau khan “mối đe dọa 2016” kayua pasak an ninh mạng Ôx-trây-li-a brei thau, tin tặc negar langiu nan lac sa dalam dom mối đe dọa khang abih ngan saong mạng lưới thông tin di rajaei dalam tukvak anak tal.

9#/ Gah Y tế dunya harei 12/10 brei thau, dom urang njom dịch tả dak harei dak rilo di Yê Men, min jit ruak oh mbuan si pambak praong. LHQ hu tabiak panuac khan ka jit tả tamuh tabiak di Yê Men harei 7/10 meng bloh. Tui pathau khan di Gah Y tế dunya, hu 11 urang njauk ruak tả, dok 143 urang hu triệu chứng di ruak aik chraok cấp tính.

10/ Tổng thống Mỹ Ba-rắc Ô-ba-ma tabiak bruk khẩn cấp di bang Nam Ca-rô-lai-na hadei di tuk ribuk Mat-thiu tuh tame mban ini puac adit bloh. Bruk tabiak panuac khẩn cấp hu samar daong peih brei jien ka mban saong karja puk palei jeng yau dom tổ chức peih bruk pasiam veik dom khut khat di ribuk. Karja mban urak ini jeng daok kakei bhap bini brei kuhria caga bruk ia dauk ia sua meda rah tabiak tuk dom kraong Oắc-ca-ma saong Lít-tờ Pi Đi ia tagok glaong./.