1 # Gah dut iek Động Thực vật Mỹ daok dalam Bộ Nông nghiệp Mỹ bahrau brei thau angaok Công báo Liên bang lac baoh vú sữa that di Việt Nam hu adat blei tame darak pasar Mỹ meng harei 19/1/2017. Yau nan tal harei ini, Mỹ brei blei tame 5 janih baoh kayau di Việt Nam nan lac thanh long, chôm chôm, vải, darang saong vú sữa. Langiu di nan, gah Mỹ jeng daok mong iek blei tame baoh pa-aok that meng Việt Nam saong meda samar brei thau ka bruk ini.

2/ Tui tacei pato di mintri thông tin saong truyền thông, tukvak padeih papar binguk analog salih tapa truyền hình số hóa mặt đất dalam tỉnh Khánh Hòa meng harei 31/12/2017. Urak ini dalam tỉnh Khánh Hòa hu labaih 243.500 baoh sang hu tivi. Tuk salih meng analog tapa truyền hình số, dalam tỉnh hu takik abih 58.000 baoh sang gaok kan kandah, dalam nan hu labaih 29.000 baoh sang kan kathaot, jaik si kan kathaot caong hu daong đầu thu truyền hình số.

3 # Dom harei tapa, yaom baoh menaih di labik chuyên canh Tân Phước dalam bhum Đồng Tháp Mười, tỉnh Tiền Giang hu tagok veik hadei di sa tukvak trun yaom. Urak ini urang mai blei menaih yaom jaik 4.500 đồng sa kilôgram. Năng suất menaih kuhria rah tapa hu 20 tấn/ha, urang nong laba hu jaik 10 triệu đồng.

4/ Mesup harei 12/4, di ban Phan Thiết tỉnh Bình Thuận, Tổng Công ty Điện lực miền Nam (EVNSPC) pataom iek veik danak dak daong urang nông pala thanh long salih gom sợi đốt tapa gom compact. Tukvak meng thun 2014 tal thun 2016, danak dak patak pataom 330 tỷ đồng jien điện ka urang pala thanh long di dom tỉnh Bình Thuận, Long An, Tiền Giang.  Ong Nguyễn Văn Bến, po trang trại thanh long di ban sit Ma Lâm, huyện Hàm Thuận Bắc, tỉnh Bình Thuận brei thau: “Pandar gom sợi đốt ye phun thanh long tabiak ralo bingu saong abih ralo điện. Nan ye gam abih điện gam abih ralo dây thanh long. Yau sang dahlak tuk pandar gom sợi đốt ye abih 20 kWh điện pandar gom compact abih meteh min”.

5# Tal urak ini, dalam tỉnh Lâm Đồng hu jaik 1.200 dalam abih tih 1.573 puk palei hu sang sinh hoạt cộng đồng (mek hu jaik 76%) saong 125/147 xã, phường, bal sit hu sang ilamo (mek hu 85%). 46 xã hu ralo bhap bani bangsa takik jeng hu sang ilamo.

6/ Di baha Cái Giá Giữa, xã Hưng Hội, huyện Vĩnh Lợi, tỉnh Bạc Liêu hu rah tabiak danak dak Bui sambai Tết Chôl Chnăm Thmây di bhap bini  Khmer thun 2017. Tapa nan, mban peih bruk hu alin hadiah 2.000 paok pandap ka baoh sang sarak karja, baoh sang urang bangsa Khmer, alin 200 paok pandap ka anek saih bangsa Khmer kham merat yam tapa kan kandah, bac daa naih joi, pok meyaom 10 anek saih sang bac phổ thông bangsa gam bac gam daok; alin 14 baoh sang anit ranam, sang tình nghĩa ka baoh sang Khmer gaok kna kandah ka sang daok, daong jien 40 baoh sang kan kathaot hu taduan đỡ đầu thun 2017.

7 # Melam 11/4, di Pasak Ilamo - Điện ảnh tỉnh Bình Dương hu rah tabiak van pataom mbaok dom nghệ nhân ưu tú Đờn ca tài tử Nam bộ di 21 tỉnh, bal. Hu mbaok dalam danak dak hu lambaok urang pal kaoak dom Sở, ban, ngành dalam tỉnh Bình Dương saong jaik 100 nghệ nhân Đờn ca tài tử dom tỉnh. Van pataom mbaok daok dalam danak dak Festival Đờn ca tài tử mbang II - Bình Dương thun 2017. Tapa nan, 71 nghệ nhân ưu tú Đờn ca tài tử di dom tỉnh, bal gah meraong hu pok meyaom. 

Patui di ini dom khau tin dunya:

8/# Mintri  pablei salih  Thái Lan barau brei thau, dom urang pablei rai meng kan mai di Thái Lan taduan hu bruk daong di rajaei taneh ia ini. Mintri pablei salih TL kuhria hu labaih 400 ribau doanh nghiệp pablei rai sit sot dalam taneh ia caong hu daong piah salih barau bruk pablei rai urak ini daok njauk dom gah phân phối praong áp đảo.

9 # Kadung jien Uranaih Liên hợp quốc (UNICEF) harei kabroi brei thau, dom uranaih njauk kaol phiến quân Bô-cô Ha-ram lợi dụng piah nao taong bom pametai menuac daok tagok ralo meng akaok thun tal ini. Gah Bô-cô Ha-ram hu pandar 27 uranaih nao taong bom di dom negar dalam labik Hồ Sát nan lac Ni-giê-ri-a, Ni-giê, Ca-mơ-run saong Cộng hòa Sát dalam 3 bilan akaok thun ini, tagok 3 mbang dut haong tukvak ini thun dahlau. Dom uranaih njauk lợi dụng jaik abih nan lac uranaih kamei.

10/ Harei 11/4, rajaei Ca-na-đa brei thau, taneh ia ini patagok dom jalan an ninh barau angaok dom m,bang par di dunya nao tal taneh ia ini. Min, bruk patagok an ninh di Ca-na-đa oh yau dom hagait bo dua taneh ia Anh saong Mỹ barau pandar di bilan 3 meng bloh ka bruk oh brei tuai damuai ba tui dom pandap điện tử praong jang phon pan tangin di khoang tuai damuai./.