1 # Piah pasiam veik dom kan kandah, tavak tavaiy, dak harei dak patagok kein laba di kinh tế kapul nyaom, tỉnh Bắc Kạn hu ba tabiak ralo jalan ngak yau: kham merat tal thun 2020 dalam tỉnh hu 10 mô hình hợp tác xã kiểu bahrau pambuak pagam haong chuỗi giá trị; hu 500 van ro baoh sang saong 20 trang trại raong glang. Tỉnh kham merat hu takik abih 4 khu taneh cakrok patagok bruk ngak nong pandar công nghệ glaong, praong meng 3 ha tagok tui quy hoạch ka doanh nghiệp, hợp tác xã pah piah pala njam hacih, kadung jien daong patagok Hợp tác xã tỉnh Bắc Kạn tal thun 2020 mek hu 5 tỷ đồng. 

2/ Chi cục raong glang saong Thú y tỉnh Cao Bằng brei thau, di palei Nà Kháng, xã Lý Bôn, huyện Bảo Lâm hu sa drei limo di sang ong Nông Văn Thuận njauk ruak, metai oh thau makna, tapa pasang iek di blai raong glang saong Thú y huyện Bảo Lâm saong UB bhap bini xã Lý Bôn, bruk limo ruak, metai kayua jit ruak nhiệt thán.

3# Dom thun jaik di ini, dalam tỉnh Quảng Ngãi hu ralo labik raong kaya ikan lingiu quy hoạch. Ini hu taong yaom yau sa  bruk ngak ba jien tame biak ralo ka urang nong. Yau nan min, bruk pala kaya ikan dalam aia langiu quy hoạch ini jeng ngak ka urang nong di ralo labik njauk khat lahik trak tuk gaok bala meng langik tasik, jit ruak.

4/ Anak bruk hadang hùm raong di lồng njauk jit ruak daok rah tabiak kan kandah, UB bhap bini tỉnh Phú Yên hu pandar dom jabat chức năng saong puk palei pambuak saong karja dom puk palei tapen tasik peih ngak taong abih dom jalan piah pacang cakak. Tui nan, sở ngak nông saong patagok palei pala Phú yên tacei pato Chi cục raong glang saong Thú y, Chi cục thủy sản peih tal pasram megru tacei jalan pacang cakak iek ruak angaok hadang hùm ka bhap bini.  

5 # Bilan Đông Xuân 2016-2017 tỉnh Đồng Tháp hu labaih 40.000 ha hu urang nong pala padai ndiuk, meblah 20% taong abih mblang taneh pala padai. Mblang taneh pala padai ndiuk pataom ralo abih pak dom huyện gah Barak yau: Tháp Mười, Thanh Bình, Tân Hồng saong Tam Nông. Langiu di bruk pala padai ndiuk yaom pablei glaong jang padai 1.000 đồng/kg, pala padai ndiuk pambuak pagam daok mek hu kein laba meng 200-300 đồng/kg meng hu mbaok tame mô hình pambuak gauk ngak tabiak padai ndiuk haong dom doanh nghiệp.

6/ Meng peih bruk pathau khan jak ba praong dalam tal bhap bini, tal urak ini, urang halan hatian blei BHYT dalam huyện Hòn Đất, tỉnh Kiên Giang hu ralo, rik daong khik kajap an sinh xã hội.

7 # Page harei 12/5, Sang bac Đại học Quốc tế, Đại học Quốc gia bal raya Hồ Chí Minh peih harei pataom bruk ngak mbang ka…???. Harei pataom bruk ngak thun ini lingiu di palih ruah tapak dom ứng viên xuất sắc, dom doanh nghiệp daok peih ngak ralo bruk kein laba karei yau tư vấn định hướng bruk ngak ka harei hadei, klah rabha dom kĩ năng dom doanh nghiệp caong khin di dom ứng viên, taom gaok dom doanh nhân thành đạt… Jalan duah bruk ngak di dom ayut sahabat ranaih tuk hu mbaok tame harei pataom thun ini nan jeng lac dom bruk ngak hu yaom jien bilan galaong saong u jalan patagok siam dalam harei hadei. 

Patui di ini dom khau tin dunya:

8/ Thủ tướng Nhật Bản Sin-dô A-bê barau pachreih Tổng thống Hàn Quốc Mun Chê In peih ngak abih thỏa thuận langyah bruk urang kamei Hàn Quốc njauk kateik greik ngak kumei me-in ka urang lin Nhật Bản dalam kalin kan dunya mbang ka dua.

9 # Mentri Jien padai nyaom 7 nền công nghiệp patagok (G7) harei kabroi nyaom pak bal Ba-ri, I-ta-li-a. Tapa nan, Liên minh châu Âu (EU), Nhật Bản saong Ca-na-đa caong khin ba tabiak sa thaik binguk cambaih laih jang ka jalan ngak sarak di karja Tổng thống Mỹ Đô-nan Trăm (Donald Trump).

10/ Tổng thư ký Liên hợp quốc Antonio Guterres ieu patagok yaom daong pahala saong daong rilo jang ka Somalia piah pacang cakak bruk eik lipa khang di taneh ia Đông Phi ini./.