1 #  Harei  12/7, Mintri pato megru tabiak điểm palih ruah Đại học – Cao đẳng  thun 2017.  Hadei di nan, dom sang bac đại học brei thau  điểm chuẩn tame sang bac. Điểm hu tabiak tui yaok khối thi (dom khối thi meng dahlau mai song dom tổ hợp hu rilo thí sinh tut angan) . Điểm meda brei thau hadom thí sinh pakacah hu điểm karei di gauk (pagap yau hadom thí sinh hu abih tih điểm 3 janih  meng 20 điểm tagok,  meng 20,25 điểm tagok). Mintri pato megru jeng hu kakei yaok thí sinh tok hu salih nguyện vọng 1 mbang; tuk salih nguyện vọng, thí sinh meda  pilih ruah veik sang bac, ngành, thứ tự ưu tiên di dom nguyện vọng piah palih ruah.

2/ Tập đoàn Điện lực Việt Nam( EVN) brei thau, harei 11/7, sang mac thủy điện Thác Mơ peih praong hu pambuak điện tame jalan điện negar. Tui nan, sang mac thủy điện Thác Mơ peih praong hu padang ngak di 2 huyện Bù Gia Mập saong huyện Phước Long, tỉnh Bình Phước. Bruk ini kayua EVN ngak po đầu tư, hu abih tih phun jien buh tame ngak labaih 1.550 tỷ đồng; dalam nan 85% phun jien mesraiy ODA kayua rajaei Nhật Bản daong saong 15% phun jien đối ứng dalam taneh ia.

 3/ # Tui Uỷ ban bhap bini tỉnh Đắk Lắk, urak ni, asar cà phê Robusta di tỉnh Đắk Lắk hu pagam angan di cà phê Buôn Ma Thuộth hu pablei tapa rilo negar di dunya. Bruk pablei tabiak negar langiu asar cà phê hu angan je ni oh lac patagok yaom glong ka dom  doanh nghiệp bo dok yaik khan asar cà phê di tỉnh Đắk Lắk tal rilo negar di dunya.

4/ Tui sở ngak nông saong patagok palei pala tỉnh An Giang, padai bilan Thu đông 2017 hu urang nông dom huyện Tri Tôn, ban sit Long Xuyên trun pajaih hu jaik 13.000 ha/170.000 ha mek hu 7,5% bruk ba tabiak. Urak ini gah ngak nông daok pataom tame kakei urang nông jhul samar tukvak trun pajaih padai bilan Thu Đông, taphia di nan peih bruk iek glang siam taneh hu trun pajaih bloh.

5/ # Piah pachreih urang rong hadang ngak njauk tui jalan rong, gah ngak nong tỉnh Sóc Trăng pachreih ba dom boh sang rong brei cih vak bruk rong , tut angan song brei thau ka jit ruak. Bruk cih vak meda dong ka urang rong hadang trun yaom kaom dalam bruk klah dom janih oh njauk buh jien, cih veik dom ilamu siam piah ba tame ka mbang hadei. Lingiu di nan, bruk cih vak jeng lac bruk  piah brei ka gah blei di negar lingiu thau ka bruk urang rong cambaih laih tantu, thau asar di nyu, hu trách nhiệm  song môi trường, hu  trách nhiệm song urang pandar, oh pandar jru cấm.

6/ Urak ini, phun jien ưu đãi di karja brei ka baoh sang kan kathaot mek hu bruk njauk hatai glaong dalam bhap bini tỉnh Gia Lai. Tapa dhar gilang pariak sarak karja tỉnh Gia Lai, phun jien ưu đãi di karja hu daong kajaik 132.000 baoh sang kan kathaot, baoh sang jaik si kan kathaot di puk palei tabiak truh kathaot, ba bruk ngak ka labaih 23.000  urang ngak, daong palagiah ka labaih 57.000 anek saih, sinh viên gaok kan kandah hu nao bac.

 7/ # Tỉnh Vĩnh Long kham merat meng ni tal PUAC thun 2017 hu  50% uranaih dalam umo tiểu học song  70% uranaih dalam umo  trung học cơ sở thau caluai ia,  90% uranaih thau chuh aow  phao atau cặp phao tuk nao mai angaok jalan krong; 100% urang jakar pakat  tỉnh, huyện song  95% urang jakar xã, urang pambauk bruk khik ramik, iek glang uranaih hu pabak ilamu  pacang caga bala, blung ia.

Patui di ini dom khau tin dunya:

8/ Báo Bưu điện Băng Cốc ba panuac mintri jien padai Thái Lan brei thau, rajaei TL daok ngak hukum ka quỹ hưu trí bắt buộc saong tui kuhria hu buh tabiak jaik 1,8 tỷ đô la Mỹ piah rik tame quỹ  ini dalam thun ngak bruk akaok meti. Meyah dự luật ini hu brei tapa ye taong abih urang ngak daok dalam umo meng 15 tal 60 brei hu mbaok tame quỹ hưu trí. 

9/ # Tòa án Tối cao Ấn Độ bahrau brei padeih adat oh brei pablei salih menuk ada sik ngak di rajaei ni, sa bruk ngak hu mong lac dong patrun kan kandah ka gah rong limo mek rilaow song klik, lac sa bruk ba jien tame yaok  tỷ đôla Mỹ,  pabak yaok triệu bruk ngak ka urang ngak kan kathaot.

10/ Mỹ saong Ca-ta hu mbaoh tangin tame sa thỏa thuận pacang dom bruk ngak daong khủng bố. Ngoại trưởng Mỹ Rếch Ti-lơ-xơn urak ini daok hu mbang rivang Ka –ta piah duah jalan pambuak kaih klaoh dalam talei pambuak bruk di taneh ia ini song dom taneh ia A-rập njauk gauk haong phương Tây dalam sa bilan tapa./.