1#/ Di dom xã bhum glong di huyện Phù Yên, tỉnh Sơn La, labik hu rilo mik va bangsa takik duik rai, yaom lac hu rilo kham merat piah patrun bruk bruk ndik tapui anek ka 3, min bruk ni daok gaok rilo kan kandah. Meng akaok thun tal ni, abih tih anek kama menek tabiak dalam huyện lac labaih 840 uranaih, dalam nan hu labaih 60 uranaih lac anek ka 3 tagok, meblah 7,4% dom anek kamar. Makna ba tal bruk nan, lac kayua akaook sahaneng, bruk hu thau di bhap bini ngan song dom sarak menuac sia dok takik, bruk tảo hôn, tok gauk tuk umo sit daok hu rilo.

2/ Peih bruk buh jien tame ngak cơ sở hạ tầng thun 2016 di dự án patagok năng lực kinh tế khang kajap ka bhap bini bangsa takik, tal urak ini, dalam tỉnh Đắc Nông  hu 42 công trình hu jao, ba tame pandar, rik daong siam ka bruk jhul patagok sản xuất saong ba pablei pandap ka bhap bini dalam bhum dự án.

3#/ Harei 13/10, harei Doanh nhân VN, UB bhap bini tỉnh ĐN peih bruk pok meyaom dom doanh nghiệp, Doanh nhân naih gheih di tỉnh mbang ka 6 thun 2016. Hu 17 doanh nghiệp hu pok brei angan “ Doanh nghiệp naih gheih” song 10 Doanh nhân hu pok brei angan “ doanh nhân naih gheih” di harei pok meyaom.

4/ Jeng dalam harei 13/10, hiệp hội doanh nhân ban raya HCM hu pok meyaom 100 doanh nghiệp saong 100 doanh nhân hadah krah di tuk pahadar 12 thun harei doanh nhân VN (13/10/2004 - 13/10/2016). Ini lac dom doanh nhân, doanh nghiệp hu tỉnh palih ruah meng 395 hồ sơ tut angan tame, dalam nan hu ralo doanh nghiệp mbiah saong sit. Labaih 2 thun tapa, 100 doanh nghiệp saong 100 doanh nhân hadah krah hu pok meyaom hu ngak tabiak jien abih tih labaih 1 triệu 375 ribau tỷ đồng, rik tame kadung jien karja labaih 23 ribau tỷ đồng. Dom doanh nghiệp, doanh nhân ini jeng hu pandar labaih 155 ribau urang ngak saong rik daong labaih 800 tỷ đồng ka dom bruk ngak pahala.

5#/ Bilan padai Đông Xuân 2016 – 2017 ni, ban Cần Thơ hu trun pajaih haong gauk, nyaih rầy ngan song labaih 86.400 ha song hu parabha tabiak 2 mbang, yaok mbang trun pajaih meng 5 tal 7 harei piah nyaih bruk rilo hamu padai angaok sa mblang hamu. Tui kuhria, bruk pala di thun 2017 labaih 216 ribau ha song sản lượng labaih 1,3 triệu tần padai. Amuk Nguyễn Thị Kiều, Phó giám đốc Sở ngak nong song patagok palei pala ban sit Cần Thơ brei thau:

Gah ngak nong ban Cần Thơ padang lịch thời vụ, ka sa brei patrun pajaih haong gauk tui yaok labik, yaok mblang hamu piah khik hu siam mekre, plaih jit ruak. Ka 2 lac trun pajaih tui jalan nyaih rầy, ka 3 lac  trun pajaih tui jalan abih takik phun jien buh tame tuk camereip.

 6/ Meng akaok thun tal ini, tỉnh Bạc Liêu hu labaih 40.000 harak bảo hiểm y miễm phí hu peih brei dom baoh sang kan kathaot, baoh sang bangsa Khmer daok dalam dom xã bhum kinh tế kan kandah ngan saong yaom jien abih tih labaih 25 tỉ đồng. taphia di nan, mban bangsa tỉnh daok jak ba urang ngak pahala, pambuak bruk saong dom jabat, đơn vị peih bruk iek ruak, tư vấn pren yava saong brei jru saoh ka labaih 300 mbang bhap bini bangsa. Tapa nan dak harei dak pasiam bruk iek glang pren yava ka urang kan kathaot, dalam nan hu bhap bini bangsa bhum atah bayah dalam tỉnh.

7#/ Di sang ilamu urang kamei ban raya HCM hu peih parang iek thaot binguk “ Rai duik bhum glong” kayua dom urang kamei nghệ sỹ di kalup kapul thaot binguk kamei Hải Âu peih ngak tapa dom mbang nao sáng tác di grauk dom bhum ceik di VN. Parang iek yaih khan tal bhap bini jiak 60 blah thaot binguk brei mboh hatai anit taneh ia, palei negar, anek menuac, ilamu palei, bruk ngak meng kan song ilamu di bhap bini dom bangsa dok dalam taneh ia .

Patui di ini dom khau tin dunya:

8/ Meng rilo thun tapa, rajaei TL hu peih rilo jalan daong dom doanh nghiệp taneh ia ini mbeik drei tame cộng đồng kinh tế ASEAn. Tui UB patagok kinh tế - XH taneh ia TL, glaong jang biak rilo dut saong kuhria mboh dahlau, GDP di TL dalam quý I thun ini mek hu 3,2% lac tanut tăng trưởng glaong abih dalam 3 thun  mai ini saong mek hu 3,5% dalam quý II, daong tăng trưởng kinh tế dalam meteh akaok thun 2016 nan lac 3,4%. Meng bruk pasiam veik tăng trưởng kinh tế dalam tukvak tapa, TL meda mek hu tăng trưởng GDP siam jang dalam thun ini saong thun 2017.

9#/ GAH Y tế dunya khan lac jit Zika yau dok pambak praong di châu Á, Tui nan, yaok RITUH urang njaom vi rút ZIKA HU DUAH MBOH di Singapore, 2 uranaih njauk akaok sit pagam tal vi rút Zika di Thái Lan, 19 negar châu Á mboh hu jamuk Aedes hu virus nan.

10/ Yaok ribau bhap bini Cô-lôm-bi-a harei 12/10 ba gauk tabiak jalan brei thau hatai pachreih tui thỏa thuận sron mbon hu mbaoh tangin di rajaei Cô-lôm-bi-a saong gah tapon nyaom bol pan phao kraong cách mạng Cô-lôm-bi-a. Dalam dom urang ini hu dom urang lac nạn nhân di bruk mesruh gauk dui atah labaih 52 thun tapa di taneh ia Nam Mỹ ini, hu dom thương tật di tangin takai. Rilo menuac daok ba tui thaot di dom gauk gar metai dalam bruk mesruh metak khang ini piah brei mboh dom kanjah jhak, dom pandik harai di bruk mesruh metak./.