1/ Dalam mbang pakacah Trung học Phổ thông pakat negar 2017 anak tal, tỉnh Quảng Ninh hu takik di abih sa  labik pakacah ka anek saih di dom  cơ sở pato pakai di bhum atah baya, palao kaoh piah dong ka dom thí sinh hu mbaok tame mbang pakacah ni hu siam lagaih di abih.Mbang pakacah tốt nghiệp Trung học Phổ thông 2017 hu rah tabiak dalam dom harei 21, 22, 23 song 24/6.

2/ Tỉnh Quảng Nam hu buh tabiak labaih 550 tỷ meng kadung Trung ương daong tui danak dak patagok kinh tế xã hội bhum, phun jien ODA di gilang pariak patagok Châu Á (ADB) saong phun jien di tỉnh piah padang ngak jalan Điện Biên Phủ pambuak jalan vành đai tapen tasik saong jalan raya 40 B saong cao tốc Đà Nẵng - Quảng Ngãi.

3/ Huyện Phú Lộc, tỉnh Thừa Thiên - Huế daok peih bruk bayar jien khat lihik kayua môi trường tasik ka bhap bini dok dalam tỉnh. Mbang ni, dom puk palei di huyện Phú Lộc hu bayar ka 7.484  urang saong yaom jien abih tih lac 149 tỷ đồng.

4/ Tukvak jaik di ini, lợi dụng tự do pablei salih, dom pandap panda kaya nông mai meng TQ ba tame tỉnh Lâm Đồng, hadei di nan mek anga lac kaya nông Đà Lạt ba tame darak pasar ban raya HCM pablei. Gah chức năng tỉnh Lâm Đồng daok patagok dom jalan pasang iek saong xử lý.

5/ Mek mblang taneh pala lasun tím, urang nong ban sit Vĩnh Châu, tỉnh Sóc Trăng trun pajaih pala pablak meriak, njam patam, baoh kraoh. Hadei di jiak 3 bilan pala, urak ni, meriak dok paik mek rilo. Tui urang nong, yaom meriak laik biak khang, rilo sang kuhria klak bein meriak, oh paik pablei.

6/ Barau ini, di ban sit Quảng Yên, tỉnh Quảng Ninh, adei  Trần Cao Nguyên, anek saih tal 8B, sang bac Trung học cơ sở Minh Thành dũng cảm daong adei sit mblung ia di ribaong Yên Lập. Hu thau, adei sit laik trun ia lac Đinh Tuấn Phong, daok jaik sang Nguyên. Mban lãnh đạo sang bac Trung học cơ sở  Minh Thành hu pok meyaom chip bruk ngak di adei Trần Cao Nguyên.  Ủy ban bhap bini ban sit Quảng Yên jeng pok meyaom bruk ngak di adei Trần Cao Nguyên.

7/ Khoa Phỏng - Tạo hình sang iek ruak Nhi Đồng 1 ban raya Hồ Chí Minh dok iek ruak sa uranaih pandung xăng trak kayua am takuk. Ni lac  urang ka 2 njauk pandung xăng trak hu ba mai sang iek ruak meng akaok bilan 4 tal ni.  Bác sĩ – Tiến sĩ Đặng Thị Thanh Thúy, Phó khoa Phỏng -Tạo Hình – sang iek ruak Nhi Đồng brei thau: uranaih hu  3 tal 4 mbang  cakak ghép klik tra, hadei di nan, brei tapa jiak 6 bilan tập vật lý trị liệu, pasiam veik song tani tanat tâm lý hadei ni.

Patui di ini dom khau tin dunya:

8/ Liên hợp quốc pambuak saong karja ban Niu Yooc (Mỹ) peih lễ hội Đại dương dunya di akaok bilan 6 tal. Bruk ngak nan meda paglaong akaok saneng jeng yauieu pataom bruk pachreih tui di bhap bini dunya dalam kham merat ruah duah dom jalan ka dom bruk di tasik saong đại dương

9/ Mintri môi trường TQ bahrau brei thau, ban Thượng Hải, pasak jien padai di negar ni oh ka ngak khang piah pasiam môi trường yau tabiak bruk taong phạt jien biak takik song hukum oh ka catang ba tal bruk dom công ty ngak nerak tasuak môi trường. Ni lac panuac di kapul pasang iek môi trường hadei di sa bilan pasang iek duah thau.

10/ Ngoại trưởng Hàn Quốc Yun By-ung Sê harei 13/4 brei thau, ong jia lac Mỹ meda sua tangi HQ meyah Mỹ taong tame TT. Panuac nan hu Ngoại trưởng Hàn Quốc ba tabiak dalam sa mbang nyaom di Quốc hội Hàn Quốc rah tabiak di harei nan dalam tuk bruk daok căng thẳng angaok bán đảo Triều Tiên./.