1/ # Thủ tướng rajaei brei adat peih bruk “pok meyaom urang hu angan je, nhân sĩ trí thức song doanh nhân bangsa takik pakat negar mbang ka sa thun 2017”. Lễ pok meyaom hu peih ngak dalam quý IV thun 2017 di ban ine Hà Nội. Hu mbaok di lễ pok meyaom hu dom urang lac urang hu angan je, nhân sĩ trí thức song doanh urang bangsa takik  kayua dom mintri , dom gah, tỉnh, ban palih ruah labaih 500 urang.

2/ Báo điện tử The Telegraph di Anh barau brei thau harak pathau khan di gah DL dunya ba tabiak 10 labik nao DL tagok khang di thun 2017. VN dang ka 6 dalam 10 labik nan. 7 bilan akaok thun 2017, VN taduan 7 triệu 200 ribau mbang tuai damuai, ralo jang 29% duk saong thun 2016 saong daok caong patagok meng 30 tal 50% dalam thun 2017, nan lac dom tuai damuai DL mai VN tapa 13 triệu di puac thun 2017.

  3/  Bilan hè thu thun ni, dom tỉnh Tây Nguyên hu peih biak rilo taneh pala bei plom, tapa nan taneh pala tagok labaih 157.000 ha; dalam nan, tỉnh Gia Lai hu jiak 65.000 ha, Kon Tum jiak 40.000 ha, tỉnh Ðác Lắc 32.671 ha..., biak rilo jang bruk ba tabiak. Pagap yau, tỉnh Ðác Lắc quy hoạch bhum pala bei plom ka dom sang may ngak tapung lac 15.000 ha, Gia Lai 50.000 ha song Kon Tum tok hu 28.000 ha.

4/ UBMT negar VN tỉnh Phú Yên hu alin 600 triệu đồng ka 8 urang taong cap ikan, yaok urang 75 triệu đồng. Yaom jien ini piah daong meneng phun jien ka mikva ngak barau kapal ikan hu công suất 700 cv tabiak tasik taong cap, rik daong khik caga chủ quyền tasik, pulao di taneh ia palei negar

5/ # Jiak di ni, di takai tasik Cồn Bửng, di xã Thạnh Hải, huyện Thạnh Phú, tỉnh Bến Tre rah tabiak bruk dom boh sang pandar jamriak kuac mek cuah. Ni lac labik “ pandiak” ka bruk glut jaleih, oh padang ar pacang riyak, nan ye bruk kuac mek cuah meda ba tal glut jaleih. Di dom labik kuac mek cuah jeng dom lubangtuk ia tago, mbuan metai lihik ka dom urang menei ia tasik. Dom boh sang eng drei kuac mek cuah piah  san lấp mặt bằng, ngak nền sang.

6/ Barau ini hajan khang dui atah dom harei ngak khat lahik yaok ribau ha padai hè thu di tỉnh Tiền Giang. Di bhum “ia taba Gò Công” ralo taneh padai daok sraoh njauk mbet asar, juk bingu, trun năng suất labaih 10%. Hajan khang daok ngak ka yaok rituh ha padai di dom huyện gah pai di tỉnh yau: Cái Bè, Cai Lậy, Tân Phước... jaleih . Mikva urang nông brei thau, padai jaleih langiu năng suất, chất lượng trun, ye bruk yuak padai jeng gaok biak ralo kan kandah. Jien yuak padai jaleih ralo jang 2 mbang duk saong padai tapak, siam.

7/ # Urang Khmer Nam Bộ tui agama Phật hu rai duik kak kajap haong dom boh baha. Yaok boh baha lac sa bruk  kiến trúc, ilamu nghệ thuật biak gheih, mekre. Nghệ nhân Lý Lết palei di xã Phú Mỹ, huyện Mỹ Tú, tỉnh Sóc Trăng lac sa dalam urang jang naih gheih hu padang ngak song pasiam veik  labaih 400 boh baha ndung mbak kiến trúc song ilamu di urang Khmer Nam Bộ.

Patui di ini dom khau tin dunya:

8/ Mesup harei 14/8, jabat thông tin báo chí tỉnh Tứ Xuyên tabiak panuac brei thau lac tamat bruk daong duah urang njauk bala hadei di mbang megei baoh taneh rah tabiak di melam 8/8 di Cửu Trại Câu di tỉnh Tứ Xuyên, Trung Quốc. Tui kuhria mboh, mbang megei baoh taneh ngak ka 25 urang metai, 6 urang lahik, 525 urang njauk rambuah dalam nan hu 42 urang njauk rambuah trak.

9/ # Dom jabat chức năng di  Italy bahrau chap mek hu dom pandap hu asar meng sa công ty di Prang, hu pandar boh menuk di sa dalam  dom cơ sở di  Hà Lan hu pagam tal bruk  boh menuk  njom jru halak.

10/ Dom mbang ginum meyai akaok meti di Liên hiệp châu Âu ka bruk bê bối baoh menuk njom mek tui kuhria hu rah tabiak di dua harei 4 saong 5/9 tal./.