1 # Page harei 15/5, Ủy ban Thường vụ Quốc hội peih mbang nyaom ka 10 ngan haong ralo kadha prong kuria caga ka mbang nyaom ka 3 di Quốc hội tui kuhria peih tabiak dalam harei 22/5 anak tal. Pak mbang nyaom ini, Ủy ban Thường vụ Quốc hội meda brei panuac ka harak pathau khan taong yaom pabak bruk bruk peih ngak kế hoạch patagok kinh tế-xã hội saong kadung jien karja thun 2016; taong yaom bruk peih ngak kế hoạch patagok kinh tế-xã hội saong kadung jien karja dom bilan akaok thun ini; dự thảo Sarak ka bruk langyah sre jhak di dom kapul nyaom tín dụng saong quyết toán kadung jien karja thun 2015… saong ralo asal kadha karei.

2/ Tal urak ini, urang nông tỉnh Phú Yên tak hu jaik 65% taneh tabau, năng suất hu jaik 64 tấn/ha. Tui taong yaom  di Ban Điều hành tabau saradang , bei plom tỉnh Phú Yên, bruk tak tabau biak suai kayua kurang menuac. Menuac tak tabau, ralo meng lac likei dam nao ngak bruk di dom khu công nghiệp di dom tỉnh, ban gah meraong biak ralo nan ye kurang menuac pah tak tabau, thun hadei kurang jang thun dahlau.  

3 # Thun 2017 tỉnh Khánh Hòa kham merat pato bruk ngak ka jaik 4.000 urang ngak di palei pala tui Quyết định ka 1956 di Thủ tướng raja-ei, ngan haong taong abih phun jien daong jaik 7 tỷ đồng. Tỉnh hu caik hatai pato bruk ngak ka urang ngak di palei pala tui bruk di bhum palei, piah langyah bruk ngak saong patagok bruk ngak mbang bo puk palei hu pren khang. Tal urak ini, tỉnh hu jaik 30.000 urang ngak nao tasik taong mek kaya ikan.

4/ Gam gam dalam dom bilan tapa, thanh long di Bình Thuận hu pablei yaom tani tanat, khik hu di tanut glaong meng 15.000 – 18.000 đồng/kg, gaok tuk tagok labaih 20.000 đồng/kg. Tui yaom ini, sa mbang truac pui 3 bilan, 1 héc-ta (jaik 1.000 geng) thanh long brei jien mek tame meng  90-100 triệu đồng.

5 # Ruak đốm héo angaok phun bingu cúc daok ngak khat lahik trak pak bal Đà Lạt, tỉnh Lâm Đồng. Jabat chức năng daok peih ngak ralo jalan piah pacang cakak. Urak ini hu labaih 120 ha bingu cúc dom janih dalam bal Đà Lạt njauk njaom ruak, hu dom mblang taneh metai lahik abih mbong.

6/ Yaom lac ralo pabui pablei di darak pasar oh trun ralo, min dalam tukvak ini di Tiền Giang, urang mai blei pabui janih siam di tanut 2 triệu meteh tal 2 triệu 600 ribau đồng sa tạ; pabui quá lứa, pabui binai ala 2 triệu đồng sa tạ. Tui yaom ini yaok tạ pabui urang raong khat labaih 1 triệu đồng, dalam tuk urang mai blei ba nao sang sik ngak ralo pablei veik laba jaik 1 triệu 500 ribau đồng sa tạ. 

7 # Tukvak Harei Dunya Uranaih 1/6 ngan haong bruk pambuak gauk di Liên hoan Phim dunya brei ka uranaih saong thanh thiếu niên SCHLINGEL di Đức, meng harei 25 tal harei 28/5, pak Rạp Kim Đồng, Hà Nội, Viện Goethe meda peih chiếu brei sraoh 6 bộ phim di điện ảnh Đức duh ka dom khán giả “sit”. Cambaih laih, 6 bộ phim dalam nan hu Tình yêu di Lena; Pasak di dunya; Mullewap – mesruh gauk haong pabui glai; Ngang tầm meta; Rico, Oskar saong goi patau njauk klaik lahik; Hoàng tử Xanh lam saong anai tiên Hoa đỗ.

Patui di ini dom khau tin dunya:

8/  Đại sứ quán Việt Nam di Hà Lan barau peih bruk pahadar 127  thun harei ndih tapui Chủ tịch Hồ Chí Minh (19/5/1809-19/5/2017), hu mbaok di ralo lambaok bhap bini urang Việt Nam di labik ini. Đại sứ Ngô Thị Hòa ndom lac: ngan saong kiều bào, urang jakar ngoại giao, sinh viên atau lưu học sinh, dom panuac pato di Chủ tịch Hồ Chí Minh jeng daok hu tamo makna praong saong hu yaom di saman ini.  Tapa nan, Đại sứ quán alin Bằng khen ka 17 sinh viên ngak hu rilo bruk praong dalam bruk dam dara saong sinh viên di Hà Lan thun 2016-2017. 

9# Oh padeih veik di bruk ba dom urang du hành vũ trụ tagok duah thau Aia Bulan bo dom urang khoa học Trung Quốc daok "caong khin" saoong kuhria caga jalan ngak piah dom urang du hành daok veik suai lavik pak ini. Sa nyaom roh duah daok peih ngak kế hoạch piah ngak ka pahu "caong khin" ini ngan haong bruk patui veik ba 8 urang ngak pahla tame daok iek  dalam cabin không gian dreih yau daok angaok aia bulan hu angan iew lac Nguyệt Cung 1  piah duah thau ka dom kadha cần thiết piah khik rai diuk di anek manuac angaok aia bulan dalam katut panak saong suai lavik.

10/ Jaik 10 thun hadei di tuk ngak iek akaok meti di tỉnh gah kreih negar Cuba Xăng-ti Xpi-ri-tút di bilan 6/2007, tal urak ini jru đặc trị Heberprot-P hu daong 65.000 urang ruak me-ik saradang oh laik tame bruk laka bruk saong cakak klak takai tangin. Janih jru ini kayua kapul ruah duah di pasak Di truyền saong công nghệ sinh học điều chế ini jeng lac janih jru duy nhất angaok dunya pacang hu dom laka kayua biến chứng di ruak me-ik saradang tukvak trak rah tabiak angaok akai tangin, abih di nyu nan lac di takai, tui jalan jhul pakhang tukvak sẹo di dom laka ini. Bruk ini hu daong patrun tal 80% brukcacak klak takai tangin./.