1/ # Di ban Đà Nẵng, Cục Cảnh sát Giao thông - Mintri Công an pambuak bruk song Học viện Cảnh sát peih tal  pato sap Anh ka gah cảnh sát giao thông Công an ban Đà Nẵng piah duh ka adit  pakat glong APEC 2017 rah tabiak di ban Đà Nẵng di bilan 11 tal. Đại tá Lê Ngọc, Trưởng phòng Cảnh sát Giao thông, Công an ban Đà Nẵng brei thau: Dalam adit pakat glong APEC di ban Đà Nẵng, urang negar langiu, tuai dunya mai biak rilo, nan ye  gah cảnh sát giao thông brei thau sap Anh piah ndom nyai nao mai tuk hu bruk. 

2/ Tỉnh Phú Yên barau brei buh tame labaih 37 tỷ đồng piah padang labik khik ramik saong patagok glai đặc dụng Krông Trai tal thun 2020. Tui nan, labik glai đặc dụng Krông Trai praong 13.770 ha; dalam nan taneh hu glai meblah labaih 8.893 ha, hu rabha jeng 3 phân khu nan lac: phân khu khik caga catang, phân khu pasiam veik sinh thái saong phân khu dịch vụ - hành chính.

  3/ # Thun bac 2017-2018, tỉnh Đak Lak buh tabiak labaih 311 tỷ đồng meng kadung jien karja tỉnh song jien xã hội hóa piah padang ngak bahrau song pasiam veik jiak 365 balik bac song dom danak dak karei karei ka tong abih dom pakat bac, rilo jang 2 mbang yaom jien dut song thun bloh. Urak ni dom bruk nan hu ngak salah bloh song ba tame pabak ka thun bac bahrau, tapa nan dalam tỉnh oh dok balik bac ca 3.

4/ Hadei di jaik meteh bilan hu sruh jit laka cambuai tapaok kakau di ban sit AyunPa, tỉnh Gia Lai, tal tukvak ini hu labaih 550 drei limo njom ruak; dalam nan jaik 10 drei metai. Yaom lac dom gah chức năng di tỉnh kham merat tame bruk, min sruh jit ruak jeng oh patrun bo daok rah tabiak rilo saong mbuan pambak tapa dom puk palei karei.  

         5/ # Pasak Y tế ban sit Đồng Xoài, tỉnh Bình Phước bahrau pruh, xịt jru ka jiak 100 boh sang dok di phường Tân Bình – labik hu 3 sruh jit pandiak tabiak darah dalam tuk vak meng bloh. Bruk pruh jru dong ka bhap bini samar pacang caga jit ruak njom mbak. Tui kuhria mboh di Khoa tui iek jit ruak, pasak Y tế ban sit Đồng Xoài, meng akaok thun tal ni, Đồng Xoài hu  225 mbang urang ruak pandiak tabiak darah, oh hu urang halei metai.

6/ Tui pasak y tế dự phòng tỉnh Bến Tre, meng akaok thun tal ini, dalam tỉnh hu 12 urang njauk ruak liên cầu lợn (dalam nan hu sa urang metai), ralo jang 9 urang duk saong thun bloh; dom urang ruak jeng hu gaok pabui. Anak bruk nan, dom gah chức năng tỉnh Bến Tre daok patagok bruk pathau khan pacang cakak ruak liên cầu lợn tal bhap bini.

          7/    # Sở ngak nong song patagok palei pala tỉnh An Giang brei thau, tui  panuac khan di Đài Khí tượng thủy văn An Giang dalam bilan 8 song  9/2017, ia di krong Cửu Long ndik tagok, saong ndik glaong abih dalam meteh akaok bilan  10/2017, An Giang hu tacei urang nong trun samar pajaih padai song njam patam bilan Thu Đông 2017, abih di nyu nan lac mblang padai di langiu bhum ar pacan, piah paik yuak hu, khik caga siam mekre ka bilan Thu Đông 2017. 

Patui di ini dom khau tin dunya:

8/ Tổng thống Mỹ Đô-nan Trăm hu mbaoh tangin tame sa harak hadar kanal brei adat peih sa bruk duah thau ka panuac lac TQ  klaik mek sở hữu trí tuệ di Mỹ. Tổng thống Trăm iek bruk duah thau ini lac sa jalan ngak praong. Hu thau, dom urang ngak praong rajaei Mỹ khan lac bruk duah thau ini meda dui atah dalam sa thun.

         9/ # Harei 14/8, dom mbang khuah glai rah tabiak vil val 3 ban sit  atah di ban ine A-ten di Hi Lạp 45 kilômét mai gah Đông Bắc, palai pajoa yaok pluh boh sang. Apiu khuah di  Ca-la-mốt (Kalamos), sa labik padeih padei tapen tasik song sama pambak prong. Bruk khẩn cấp hu ba tabiak, kayua apui khuah glai thông song sauh kapan par bauk.   

10/ Jabat pajeng ba ban Năng, gah pai taneh ia Prang saong dom công đoàn tabiak panuac brei thau, urang peih radaih saong menuac ngak di dom tuyến radaih buýt, tàu điện di ban ini hu tabiak bruk đình công hadei di tuk rah tabiak ralo mbang tấn công angaok dom radaih pajeng ba công cộng dalam tukvak tapa. Hu thau, meng akaok bilan hè tal ini, hu labaih 10 mbang tấn công rah tabiak, hu mbang khang jeng bạo lực./.