1/ Di HN, Báo Điện tử Đảng Cộng sản Việt Nam pambuak bruk song Kapul urang dahlau deih ngak bol lin, Ban Tuyên giáo Trung ương peih danak dak doh tamia“ Đảng brei drei bilan xuân”. Ni lac sa bruk ngak ilamu, chính trị hu makna, brei mboh bruk “menyum ia hadar halau ia” di bangsa VN song hu peih ngak yaok thun. Dalam danak dak thun ni, mban peih bruk hu jao brei labaih 900 pok pandap ka dom bho sang sarak kajar, hu rai duik kan kandah song boh sang kan di Tây Ninh, Thái Nguyên, Hà Tĩnh; Hà Nam, Hưng Yên, Thanh Hóa, Sơn La, Hòa Bình, Thái Bình, Điện Biên.  

2/ Harei 16/1, di pasak sinh hoạt bhap bini huyện A Lưới, Uỷ ban bhap bini  huyện A Lưới pambuak bruk saong sở ilamu TT tỉnh Thừa Thiên-Huế peih bruk taduan mek bằng công nhận bruk menyim zèng di bhap bini Tà Ôi lac inem krung ilamu phi vật thể pakat negar. Di tuk taduan mek bằng công nhận bruk menyim zèng lac inem krung ilamu phi vật thể, huyện A Lưới hu peih ralo bruk ngak yau parang iek ilamu menyim zèng, parang iek khan ao thời trang zèng.

3/ Piah pabak hatai khin di urang pandar dalam tuk tết nguyên đán anek sak menuk, tuk vak tapa, urang nong di Đắk Lắk peih prong taneh pala njam. Kayua yau nan ye, bruk kurang njam, yaom tagok tuk vak tapa hu patrun. Urak ni dom janih njam patam di pasa Buôn Ma Thuột yaom mbiah, bình thường, yau bắp cải 13 ribau đồng sakg, njam puong 8 ribau đồng sa pok, đậu quả 20 ribau đồng sa kg.

4/ Piah caga ka tết nguyên đán 2017, labik  du lịch Bửu Long (phường Bửu Long, ban sit Biên Hòa, tỉnh Đồng Nai) hu padang  ralo bruk ngak pamaong tal kadha “Bingu 4 bilan” pambuak saong dom danh thắng, cảnh quan thiên nhiên. Dalam nan, njauk ndom tal mblang bingu dạ yên thảo ngan saong 10 ribau phun, bein bingu ữ hoàng hajao jaik 20 ribau phun saong đồi hướng dương jaik 20 ribau phun. Abih di nyu nan lac, kadha barau di thun ini lac bein lan hồ điệp hu 5 ribau phun lan hu trang trí, parang iek tui công nghệ sang li-ar.

5/ Piah hu ginup pandap siam pablei tuk tết, tỉnh Tiền Giang hu dong brei mesraiy ưu đãi, palagaih ka 7 DN, HTX pablei salih dịch vụ khik piah pandap panda yaom abih tih labaih 377 tỷ đồng. Dalam na, pandap mbang menyum yaok harei pablei tuk tết yau : brah , menyek mbang, lạp xưởn, har mứt, mbia alak ..yaom abih tih labaih 44 tỷ đồng

6/ Chi cục An toàn Vệ sinh Thực phẩm tỉnh Gia Lai barau brei thau quyết bruk taong phạt 9 labik ngak tabiak, pablei salih vi phạm bruk an toàn vệ sinh thực phẩm ngan saong yaom jien abih tih 31 triệu 500 ribau đồng. Taphia di nan, brei padeih ngak 3 labik saong ba nao am cuh klak dom pandap oh an toàn vệ sinh. Bruk pasang iek an toàn vệ sinh thực phẩm tuk tết anek sak menuk 2017 daok hu  peih ngak khang dalam tỉnh.

7/ Di ban raya HCM, Kapul DN pandap VN chất lượng glong pambuak bruk song Hiệp hội chế biến song xuất khẩu kaya ikan (Vasep) bahrau tabiak mbaok kalup kapul ia mesin meng kan song brei thau tiêu chuẩn ia mesin meng kan VN tal urang blei mbang. tiêu chuẩn di ia mesin meng kan hu dom chỉ số yau : Độ đạm takik di abih lac 15 độ; oh hu chất bảo quản, chất tạo sệt, phẩm màu, hương liệu nhân tạo; độ mbak meng 245 tal  290g sara / lít. Bruk brei thau tiêu chuẩn ia mesin meng kan piah dong ka urang blei mbang thau hu ia mesin meng kan song ia mesin công nghiệp

Patui di ini dom khau tin dunya:

8/  Tổng thống Vê-nê-zu-ê-la  Ni-cô-lát Ma-đu-rô brei thau, hu mbaoh tangin brei dui atah sắc lệnh kinh tế khẩn cấp piah pacang cakak bruk khủng hoảng urak ini di taneh ia ini. Ini lac mbang ka 6 ong Ma-đu-rô brei dui atah sắc lệnh kinh tế khẩn cấp meng tuk văn bản ini hu patabiak meng akaok thun bloh.

9/ Negar Anh song dom Tiểu vương quốc Arập Thống nhất hu peih bruk tập trận haong gauk hu angan lac Si Đéc-gờ 2017 "Sea Dagger 2017". Bruk nan rah tabiak dalam tuk Arập Xêut  song dom negar dok jiak tapen vùng Vịnh dok catang tagok song Iran.

10/ Di Ấn Độ, tui pathau khan barau di abih, dom urang metai dalam mbang kram kapal di gah ti-mur tagok tal 23 urang dalam tuk daok labaih 10 urang daok lahik. Urak ini gah daong duah urang njauk bala jeng daok peih bruk daong duah./.