1/ # Quảng Ninh ba tabiak bruk lac tal thun  2020 tuai du lịch hu 15 triệu mbang, dalam nan hu 7 triệu tuai dunya, jien mek hu 40 ribau tỷ đồng, meblah  10-15% thu nội địa, ba bruk ngak ka labaih 130.000 urang ngak. 

2/ Tui kuhria mboh dahlau, Yên Bái lac sa dalam dom tỉnh hu hajan khang kayua áp thấp nhiệt đới pambuak saong lingik li-ar patagok dalam dom harei tal. Akaok UB bhap bini tỉnh Yên Bái hu tabiak công điện pandar dom puk palei tui iek catang bruk langik tasik, nao pasang iek, duah thau, tabiak cảnh báo dom labik mbuan glut jaleih haluk, ia sua piah khan ka bhap bini thau piah caga nyaik.  

3/ # Tuk vak tapa, Hội  Liên hiệp urang kamei tỉnh Quảng Ngãi hu pataom tame bruk dong ka urang kamei padang mbang ngui. Bruk ni hu peih ngak tal dom pakat  hội dalam tỉnh piah daong pren tame mô hình kinh tế kayua urang kamei peih ngak, palagaih ka urang kamei rik pren tame patagok kinh tế di puk palei.

4/ UB bhap bini tỉnh Lâm Đồng hu tabiak quyết định taong phạt gilac sa DN pablei salih xăng menyeik hu chất lượng oh njauk saong quy định. Ini lac cửa hàng xăng menyeik ka 2 njauk taong phạt dalam 10 harei tapa di Lâm Đồng ngan saong yaom jien phạt hành chính abih tih lac jaik 1 tỷ 700 triệu đồng.

5/ # Urak ni bruk glut jaleih takai krong, takai tasik di tỉnh Bến Tre dok rah tabiak khang. Di dom huyện tapen tasik yau: Thạnh Phú, Ba Tri song  Bình Đại hu 19 km takai tasik glut jaleih; dalam nan takai tasik di xã Thừa Đức, huyện Bình Đại glut jaleih labaih 5km. 

6/ Urak ini, ralo pabui di darak pasar đầu mối di ban raya HCM hu mban khik iek darak pasar khan lac taong abih jeng duah thau hu asal labik raong glang, min oh duah thau hu ginup abih dom thông tin tui bruk ba tabiak, yau: labik raong, labik sik ngak ralo saong urang pablei salih ba pabui tame labik sik ngak ralo.

7 # Meng bilan 8/2012 tal urak ni, Kapul urang taha prong thun huyện Hớn Quản, tỉnh Bình Phước taduan hu bruk dong di dom urang ngak pahla, alin brei  3.800 pok pandap ka urang taha kan kathaot dok dalam tỉnh, yaom abih tih labaih  1 tỷ 500 triệu đồng ;  ngak pasiam 97 boh sang taik tahaK ka urang taha yaom abih tih   2 tỷ 425 triệu đồng.

Patui di ini dom khau tin dunya:

8/ Karja Mỹ brei thau, Tổng thống Đô-nan Trăm meda hu mbang nao rivang dom taneh ia Châu Á meng harei 3 tal harei 14/11 dalam tuk bruk daok catang tagok dalam khu vực, pambuak tal danak dak tên lửa saong hạt nhân di TT.

9/ # Harei 16/10, ribuk  nhiệt đới Ô-phê-li-a  tuh tame bhum tapen tasik gah merong Ai-len, ngak jaleih phun kayau, jalan talei điện, ba tui dom mbang riyaK praong glong tal 10m. Rajaei  Ai-len brei thau, ni meda lac ribuk jhak di abih kuhria meng di tuk ribuk Đép-bi tuh tame negar ni thun 1961 ngak ka  11 urang metai.