1 # Kuhria Meng  thun ini, harei 30/7 hu Việt Nam palih ruah lac  “Harei taong abih bhap bani pacang, caga pablei salih manuac urang”. Bruk nan hu ba tabiak tuk peih bruk brei thau “Harei taong abih bhap bani pacang caga pablei salih manuac”, kayua Raja-ei Việt Nam saong Liên hợp quốc pambuak gauk peih ngak harei 14/7, pak Hà Nội. Thiếu tướng Nguyễn Phong Hòa, Phaok akaok  Tổng cục Cảnh sát, Mentri Công an brei thau: bruk pablei salih manuac urang urak ini rah tabiak dalam phức tạp, dak harei dak mboh ralo. Makna ba tal bruk nan kayua kein laba biak ralo; lahik cân bằng giới tính; kan kandah gah kinh tế, oh hu bruk ngak, kurang bruk ngak; bruk pathau khan, mesruh pacang, cap mek kaol pablei salih manuac oh ka khang; dom adat hukum saong pambuak bruk duanya oh ka siam, kurang menuac ngak. 

2/ Giám đốc Sở pato megru tỉnh Thanh Hóa barau hu harak pandar dom duk pato megru, dom sang bac THPT saong dom đơn vị trực thuộc ramik veik bruk pato thêm, bac thêm. Sở hu xử lý catang ngan saong kapul nyaom, menuac urang tacei bruk tựu trường sung quy định, lui rah tabiak bruk tiêu cực dalam bruk peih hoạt động hè ka anek saih, peih pato dahlau danak dak, pato thêm, bac thêm sung quy định. Tui nan, meng harei 5/7/2016 tal harei tựu trường thun bac 2016 – 2017 lac tukvak anek saih padeih hè nan ye dom cơ sở pato megru PT oh peih pato thêm, bac thêm, pato dahlau danak dak.

3 # Pak Gilang tapuk tỉnh Khánh Hòa, 59anek saih sinh mai meng 8 huyện, bal sit, dalam tỉnh Khánh Hòa hu mbaok tame harei nyaom uranaih dak dalikan tapuk  thun 2016. Ngan haong kadha “Hadah miat hatai jia”, dom anek saih hu ba mai ka harei nyaom 21 kadha, dalikan ka manuac siam bruk siam, urang hu daong ka bruk ngak mbang pala drak, dak padang saong khik caga taneh aia jeng yau dom kareih camin dalam rai diuk bo dom adei hu thau tal tapa dom blah tapuk, báo…Ini lac bruk ngak, mblang ma-in biak hu kein laba ka dom adei uranaih dalam dom harei hè.

4/ Meng akaok thun tala ini, bruk an ninh trật tự di ban Cần Thơ hu dom aslaih barau biak siam, bruk to65i5 phạm trun labaih 4% duk saong thun dahlau. Tui Đại tá Trần Ngọc Hạnh, Giám đốc Công an ban Cần Thơ, ngak hu yau ini nan lac dalam tukvak tapa, công an ban Cần Thơ hu ralo jalan ngak piah khik kajap trật tự XH, peih dom mbang tabung glaong tấn công kol tội phạm klak drap ar, tệ nạn XH, tội phạm ka hình sự, kinh tế, ma túy, công nghệ glaong. Tapa nan hu cap saong jak ba đầu thú 33 urang hu lệnh truy nã, yaok rituh urang phạm tội.

5 # Sở pato megru bal raya Hồ Chí Minh bahrau peih bruk pok meyaom  anek saih jioy thun bac 2015-2016. Thun bac bloh, bal raya Hồ Chí Minh hu jaik 140 ribau 600 anek saih trung học mek hu angan học sinh jioy pakat sang bac, labaih 463 ribau 700 anek saoh pakat tiểu học hu pok meyaom dalam bac da-a saong pasram megru. Gam haong nan, bal daok hu jaik 3 ribau 800 anek saih jioy pakat bal raya, 117 anek saih jioy pakat negar, 198 anek saih mek hu thành tích glaong pak dom nyaom pakacah roh duah ilamu, sap Anh, giải toán… pakat negar. Nguyễn Thị Thanh Thanh, anek saih sang bac Trung học phổ thông Chuyên Lê Hồng Phong, sa dalam dom urang hu pok meyaom dalam mbang ini lac: “Ini lac mbang akaok meti adei hu mbaok dalam bruk pok meyaom anek saih jioy di Sở pato megru bal raya. Adei mboh biak hồi hộp  saong hadah mbaok hadah meta tuk hu mbaok pak ini. Ngan haong dahlak, bruk hu pok meyaom nan lac pren khang ngak ka dom adei kham merat bac megru jang”.

6/ Vietnam Airlines barau hu dom hãng kapal haok độc lập Skytrax ba tame  top 3 Hãng kapal haok tiến bộ abih dunya 2016. Ini lac thun ka 2 gam gam Vietnam Airlines hu palih ruah di hạng mục giải thưởng ini.

Patui di ini khaw tin dunya:

7 # Brei panuac pak van họp báo bahrau ini, Tổng thống Pháp Frăng-xoa Ô-lăng brei thau lệnh tình trạng khẩn cấp, tui kuhria  brei padeih di harei 26 bilan 7 tal, meda hu brei dui atah jang 3 bilan tra. Ong Ô-lăng brei thau, raja-ei daok jak ba taong abih pren khang piah daong ka gah an ninh, abih di nyu lac dalam bruk pasang iek tapen negar. 

8/ Akaok mintri QP saong Ấn Độ barau njauk gauk duah sa jalan sron mbon ka dom merak gauk hàng hải di Biển Đông, iek tui sa phán quyết ba tabiak meng akaok adit ini kayua sa tòa trọng tài dunya. Di mbang taom gaok, akaok mintri QP NB Na-ca-ta-ni hu ndom tal phán quyết di tòa trọng tài dunya tah klak yêu sách “jalan lưỡi bò” di TQ. Urang ngak praong ini bdom ini lac phán quyết puac abih saong dom taneh ia pambuak bruk brei ngak tui  phán quyết./.

9 # Tui kuhria mboh bahrau ini, takik abih 237 urang metai kayua ribuk aia sua angaok kraong Dương Tử di Trung Quốc hadei di mbang hajan prong. Tui harak pathau khan, urak ini labaih 1.500 bal prong saong bal sit  pak 28 tỉnh di Trung Quốc njauk aia sua. Langiu di 237  urang metai kayua ribuk aia sua, urak ini jeng daok 93 urang lahik. Ribuk aia sua ngak tayah labaih 147 ribau baoh sang haong jaik 5 triệu 500 ribau héc-ta taneh ngak nong, khat lahik jaik 147 tỷ nhân dân tệ (jaik 22 tỷ đô la Mỹ)./.