1 # Lambaok Công ty Cổ phần Pajeng ba jalan pasei Hà Nội saong Công ty Cổ phần Vận tải jalan pasei Sài Gòn (Tổng công ty Jalan pasei Việt Nam) bahrau brei thau, meda brei trun  10% yaom radaih pui di taong abih dom sruh radaih pui kayua dua công ty khik iek ka tuai damuai nao mai nan lac anek saih hu tuyển tame tame dom sang bac đại học, học viện, cao đẳng, trung học chuyên nghiệp saong pato bruk ngak thun 2016 tame bac. Cambaih laih, yaok harak báo nhập học, anek saih hu blei 1 harak vé  trun yaom ka drei saong 1 harak vé trun yaom ka gauk gar nao tui. Tuk blei harak vé saong tuk nao radaih pui, tuai damuai njauk xuất trình harak báo nhập học pagam tui harak chứng minh nhân dân atau thẻ học sinh ka nhân viên jalan pasei. Tukvak trun yaom harak vé meng ini  tal abih harei 31/10/2016. 

2/ Meng ini tal puac thun 2016, tỉnh Sơn La daok jhul khang bruk tiếp công dân, patagok bruk pathau khan, brei thau adat hukum khiếu nại, tố cáo pak di cơ sở, piah paglaong akaok saneng di urang jakar saong bhap bini dom bangsa dalam quy định di hukum ka khiếu nại tố cáo. Tui nan, UB bhap bini tỉnh Sơn La tacei dom pakat, dom ngành patagok bruk thanh tra, pasang iek trách nhiệm ka bruk peih ngak dom quy định di hukum tiếp công dân, hukum khiếu nại, hukum tố cáo piah pasiam veik, paglaong trách nhiệm di urang dang akaok dom jabat, đơn vị dalam bruk peih ngak bruk tiếp công dân, langyah khiếu nại, tố cáo tui thẩm quyền.

3 # Dalam dom thun tapa, Dự án patrun kathaot vaktu II (2010 - 2015) hu daong paglaong rai diuk saong pasiam veik biak ralo cơ sở hạ tầng palei pala ka yaok ribau baoh sang 42 xã labik kan kandah di 5 huyện: Lạc Sơn, Đà Bắc, Yên Thủy, Mai Châu, Tân Lạc di tỉnh Hòa Bình. Dự án patrun kathaot vaktu  II hu buh jien tame ngak, pok jao saong ba tame pandar 166 gói thầu padang ngak cơ sở hạ tầng quy mô pakat xã, dalam nan, 72 công trình jalan mbak atah abih tih labaih 60 km, jaik 10.000 urang hu mbang tui dom kein laba. Dom jalan padang ngak ralo meng nao tame labik pala drak, daong ka mikva trun meneng tukvak, jien padai, pren ngak, peih prong mblang taneh pala drak, patagok yaom pandap panda.

4/ Sa urang taong ikan tỉnh  Bình Thuận daok taong cap kaya ikan langiu tasik laik trun tasik, lahik harei 16/7, urak ini oh ka duah mboh. Urang taong ikan lahik nan lac saai Trần Tấn đạt, umo 43 thun, daok di khu phố 1, phường Phước Hội, ban sit La Gi. Jabat mban chỉ huy pacang cakak bala saong daong duah urang njauk  bala hu panuac caong bộ chỉ huy bộ đội Biên phòng tỉnh saong UB bhap bini ban sit la Gi pambuak bruk saong po kapal, tổ jum pataom angaok tasik di ban sit khan brei thau saong ieu pataom dom kapal daok taong cap jaik labik kapal BTh 96876 Ts, patagok bruk tui iek, duah urang taong cap ikan lahik.

5 # Bahrau ini, Kapul urang kamei tỉnh Đắk Lắk pambuak haong Kapul urang kamei 4 tỉnh Attapư, Sê Kông, Salavan, Chămpasăk – negar Cộng hòa Dân chủ Bhap bani Lào, peih Nyaom biai klah rabha ilamu peih ngak “kadha sanya pambuak bruk sron mbon saong patagok” tukvak 2012 - 2017. Pak nyaom biai, dom urang lambaok hu pang ralo tham luận pataom tame dom kadha: likei kamei samu gauk; sarak jhul patagok bruk di urang kamei; daong ka urang kamei patagok kinh tế, dak padang baoh sang haniem phol, khang kajap; peih bruk jak ba dak padang baoh sang 5 oh 3 hacih; dak padang kapul urang kamei khang kajap… 

6/ Tui ong Nguyễn Văn, Phaok akaok Chi Cục  ngak nông saong patagok palei pala di sở ngak nông saong patagok palei pala tỉnh  Bến Tre, hadei di tuk hu tacei pato di rajaei ka bruk blei sara tồn kho di urang ngak sara, lambaok Tổng công ty lương thực  (mintri ngak nông saong patagok palei pala) hu nao tal Bến Tre pasang iek saong duah jalan blei sara tồn kho di urang ngak sara. Min, bruk blei sara tồn kho jeng daok gaok ralo tavak tavaiy. Kayua mikva oh ka njauk hatai saong dom jalan ngak bo tổng công ty lương thực saong sở ngak nông saong patagok palei pala ba tabiak. Tui nan, ralo mikva caong khin patagpok yaom blei sara 600 đồng sa kg, hadei di tuk mbaoh tangin tame hợp đồng 10 harei njauk bayar ginup jien tui jalan blei tal halei, bayar tal nan, oh tavak veik. 

7 # Kayua pandiak bhang njaom mbak dahlau diah nan ye mblang taneh ngak padai Hè thu di ralo labik tapen tasik  bhum taneran kraong Cửu Long  njauk njaom mbak, pambak tal bruk cakrok patagok di phun padai. Pak labik aia taba Gò Công saong labik pulao kaoh Tân Phú Đông, tỉnh Tiền Giang hu yaok rituh ha padai hadei drak metai abih, urang ngak nong njauk pala veik mbang ka 2. Urak ini hu labaih 5.000 ha mblang taneh hamu oh ngak vụ Hè Thu. Dom labik ngak padai atah halau aia jeng njauk halak halin palai kaik, ngak patrun năng suất. Thạc sĩ Lê Quốc Cường, Akaok Pasak Khik caga phun pala gah meraong hu panuac kakei urang nong njauk sangka tal ilamu iek glang phun padai di dom labik pala drak ini. 

Patui di in dom khau tin dunya:

8/ LHQ brei thau, jaik 263 triệu uranaih angaok dunya oh hu bac da-a, ralo meng lac kayua kan kathaot, phân biệt đối xử saong mesruh metak. Harak pathau khan di Gah pato megru, khoa học saong ilamu ba tabiak dalam sa nyaom meyai daok rah tabiak di Thổ Nhĩ Kỳ brei mboh, dalam 263 triệu uraniah nan hu jaik 61 triệu uranaih dalam umo tiểu học (meng 6 tal 11 thun), 60 triệu uranaih umo trung học (meng 12 tal 16) saong jaik 142 triệu uranaih umo meng 15 tal 17 (THPT) oh hu bac da-a.

9 # Hãng kapal haok Ma-lai-xi-a njauk hatai bayar jien ka dom urang njauk bala angaok sruh kapal haok MH17 njauk cuh laik 2 thun dahlau pak gah Pur U-crai-na. Tui Công ước Mông-trê-an (Montreal), dom hãng kapal haok njauk bayar 130 ribau ơ-rô ka baoh sang urang njauk bala oh thau lac makna hagait ba tal bala di surh KAPAL haok nan.

10/ Bol bala U-gan-đa brei thau, tal urak ini hu panduan ba meng jalan mbak labaih 8 ribau công dân U-gan-đa daok gar dalam bruk mesruh metak jaik di ini di dua gah cagar gauk di taneh ia Nam Xu Đăng. Tok dalam harei 17/7, 4 ribau 500 bhap bini, ralo meng lac dom urang ngak mbang pablei salih hu panduan ba siam mekre salamat. Labaih 500 urang kamei metian, uranaih saong urang ruak jeng hu panduan ba meng trực thăng. Tổng thư ký Liên hợp quốc Ban Ki Mun (Ban Ki-moon) saong Tổng thống U-gan-đa Yô-uê-ri Mu-xê-vê-ni puac adit tapa gam ba tabiak panuac ieu padeih mesruh metak di dua gah di Nam xu đăng./.