1# Hội Chữ thập đỏ Việt Nam pakat negar brei thau,  harei 18/9, Hội Chữ thập đỏ Việt Nam song gah pambuak bruk hu pajeng ba 12.000 klaoh ia menyum hacih piah dong ka bhap bini dom bhum njauk bala kayua ia sua di ribuk ka 10 di huyện Kỳ Anh, tỉnh Hà Tĩnh; 12.000 klaoh ia hu mai tal bhum gaok balal trak abih di tỉnh Quảng Bình.

2/ Dom thun jaik di ini, di huyện bhum ceik Bác Ái –tỉnh Ninh Thuận, mikva bangsa Raglai hu jien blei radaih mac piah nao mai, tui nan, bruk srau kadau angaok jalan dak harei dak catang. Nguy hiểm jang lac ralo likei dam bangsa daok peih mô tô, radaih mac oh hu thắng, oh hu harak gar.

 3# Meng taneh pala padai labaih 11.000 ha, huyện Tánh Linh hu mong lac sa dalam dom bhum padai prong di tỉnh Bình Thuận. piah pagaong chất lượng padai brah, huyện Tánh Linh ba tabiak danak dak pala padai  chất lượng glong tapa pambuak bruk “4 gah” (urang nong, urang jakar, urang ilamu song doanh nghiệp). tal urak ni, danak dak hu ba mai kein laba dalam bruk dong urang nong peih prong bruk pala drak, patagok jien mek tame saong dong pagaong chất lượng padai brah Tánh Linh. 

4/ Salam uan Sen Dolta di bhap bini Khmer Nam bộ, kapul urang jakar mban tacei pato Tây Nam bộ kayua ong Nguyễn Trung Hiếu- phaok akaok mban tacei pato Tây Nam bộ pan akaok kapul hu nao rivang, tadhau yuh bhap bini bangsa Khmer dii tỉnh Bạc Liêu.

5 # Tui Sở ngak nong song patagok palei pala tỉnh An Giang, bilan Hè thu 2017 urang nong dalam tỉnh yuak hu abih 232.596 ha padai,  năng suất hu labaih 5 tấn sa ha, dalam nan dom taneh pala rio meng pandar dom pajaih padai siam di puk palei, lagaih song biến đổi khí hậu, tamuh hu dalam lingik pandiak, dalam ia mbak, lagaih song yaok bhum pala dalam tỉnh, hu năng suất tani tanat, chất lượng brah siam, pabak ka bruk pablei tabiak negar langiu song pablei dalam taneh ia .

6/ Urak ini, urang pala panat di Tiền Giang biak chreih chrai kayua hu jien mek tame rilo. Bilan dahlau, yaom panat meng 25-28.000 đồng/kg, urak ini tagok tal 42.000 đồng/kg. Ini lac yaom glaong abih meng dahlau mai. Tui yaom yau ini, yaok thun, urang pala panat hu laba labaih 400 triệu đồng sa ha.

7# Sang bac Đại học Mở ban raya Hồ Chí Minh bahrau peih bruk taduan mek quyết định song harak chứng nhận Kiểm định chất lượng cơ sở pato megru. Piah mek hu bruk nan, sang bac Đại học Mở ban raya Hồ Chí Minh njauk rah tapa tuk vak tong yaom, pasang iek di Pasak taong yaom chất lượng pato egru Đại học Quoc gia ban raya ngan song  bộ 61 tiêu chí. Tapa tong yaom brei mboh, sang bac hu  52/61 tiêu chí, samu 85,25%. 

Patui di ini dom khau tin dunya:

8/ Tapa pasang iek kayua rajaei NB brei thau harei 17/9 mboh lac, dom urang umo meng  65 thun tagok di taneh ia ini hu biak rilo, labaih 35 triệu urang, meblah jaik 28% menuac sia di taneh ia.

9# Akaok mintri Nội vụ Anh Am-bơ Rút bahrau brei thau lac rajaei negar ni brei patrun  cảnh báo nguy cơ khủng bố meng tanut  “nguy cấp” glong di abih trun tanut  “nghiêm trọng”.

10/ Takik abih 8 urang metai saong 67 urang karei njauk rambuah hadei di tuk sa ribuk khang tuh tame bhum gah pai taneh ia Ru-ma-ni harei 17/9./.