1/ # Mintri  Y tế brei thau, HU BREI labaih  500 urang jakar y tế  hu mbaok tame duh ka adit pakat glong APEC rah tabiak di  Đà Nẵng meng harei 6/11 tal harei 11/11 anak tal. Bruk ni tui kuhria hu dom urang dang akaok di 21nen kinh tế thành viên di  APEC song labaih  10.000 urang dok dalam song langiu negar mai hu mbaok.

2/ “Bruk likei kamei SAMU GAUK di bhum bangsa takik taneh ia drei urak ini” lac kadha ginum meyai di Học viện Chính trị Quốc gia Hồ Chí Minh peih tabiak di HN. Ginum meyai ini, lac labik piah dom urang ilamu, dom urang padang ngak sarak ba gauk ndom meyai, klah rabha, taong yaom ka bruk likei kamei SAMU GAUK saong njauk gauk dom jalan ngak, dom khuyến nghị piah patagok bruk likei kamei SAMU GAUK bhum bangsa takik.  

3/ # Jiak  10 harei  hadei di tuk ribuk ia sua nao tapa, urak ni di  huyện Phù Yên, tỉnh Sơn La JENG dok hu 3 xã lac Suối Tọ, Kim Bon, Sập Xa song 13 palei di dom xã karei daok njauk pacang cakak, oh ka nao mai hu.

4/ UB bhap bini tỉnh Nghệ An saong Bộ Tư lệnh bhum Cảnh sát tasik 1 barau peih bruk mbaoh tangin tame harak pambuak bruk ieu pataom menuac urang, kapal gilai saong phương tiện dân sự tame khik caga chủ quyền bhum tasik negar. Tui harak sanya, tỉnh Nghệ An hu jao yaok mbang tuk hu panuac caong, yaok mbang 20 kapal ikan hu công suất meng 300 mã lực tagok.

5/ # Pachreih tui bruk pakacah “ urang kamei jum patom gauk padang ngak palei pala bahrau” kayua Hội Liên hiệp urang kamei Việt Nam ba tabiak, tong abih Chi hội urang kamei  xã Chiềng Đen, ban sit  Sơn La, tỉnh Sơn La hu mbaoh tangin sinya peih bruk jak ba “Padang ngak boh sang 5 oh, 3 saat gam song 19 tanut padang ngak palei pala bahrau.

6/ Tui harak pathau khan di pasak Y tế dự phòng tỉnh Lâm Đồng, kuhria tal urak ini, dalam tỉnh hu 665 urang njauk ruak tangin takai cambui, oh hu urang halei metai, dom urang njauk ruak hu mboh dalam sang bac saong dalam bhap bini. Sở Y tế tỉnh hu tacei pato dom đơn vị y tế kham merat, sami samar dalam bruk pathau khan, tui iek pacang cakak jit ruak, peih dom jalan pacang cakak ruak.

7/ # Di huyện Bình Đại tỉnh Bến Tre  bahrau hu sa sruh jit ruak aik chraoh ngak ka sa uranaih metai. Anak bruk nan, UB bhap bini huyện Bình Đại hu PADANG sa kapul pasang iek jit ruak song bhian tui iek catang dom urang njauk ruak piah hu jalan langyah chip.

Patui di ini dom khau tin dunya:

8/ Urang vak di rayo sap ndom VN daok di TL brei thau: gilang pariak dunya barau BA TABIAK SA HARAK PATHAU KHAN brei mboh, bruk rajaei TL pacadu adat ka urang ngak meng negar lingiu tame hu daong patagok kein laba ka urang ngak saong jhul patagok bruk mbeik drei tame ASEAN.

9/ # Kadung jien uranaih Liên hợp quốc (UNICEF) hu panuac brei thau dahlau ka dom kanjah jhak meng bruk mesruh gauk di  Yemen ngan song uranaih di negar Trung Đông ni. Bruk mesruh gauk di Yemen yam tapa thun ka 3, urak ni daok ngak kanyah jak tal yaok triệu uranaih , saong daok ngak jeng naong trak ka taneh ia dalam dom bruk dinh dưỡng, lahik labik dok song bạo lực./.

10/ Hungari, Hà Lan saong Hàn Quốc barau peih veik pabah mbang đại sứ quán di dom taneh ia ini di ban ine Tri-pô-li di Libi hadei di 3 thun padeih ngak bruk./.