1/ Jiak 2 triệu urang buh pren yava ka taneh ia hu alin brei pandap yaom abih tih jiak 398 tỷ đồng di tuk pahadar 69 thun harei thương binh liệt sỹ (27/7/1947-27/7/2016). Bruk ini hu khan dalam mbang họp báo brei thau ka dom bruk ngak piah thau dar phor urang buh pren yava ka taneh ia kayua mintri Lao động-Thương binh song Xã hội peih tabiak harei 18/7, di Hà Nội.

2/ Meng akaok thun tal ini, kapul pachreih bac tỉnh Cao Bằng pambuak bruk saong dom kapul nyaom, doanh nghiệp dalam saong langiu tỉnh alin hadaih 5.750 paok jien bac yaom labaih 3,5 tỉ đồng ka anak saih dom pakat. Tapa nan rik daong, pachreih ba anek saih kham merat bac daa naih joi.

3/ Pasak pacang caga ruak XH tỉnh Quảng Ninh bahrau blac draih hu siam dom ruak meta ka dom urang ruak sup meta di huyện palao kan kandah abih di tỉnh Quảng Ninh. 44 urang ruak dalam nan hu 6 urang sup meta kayua đục thủy tinh thể hu blai dreih salih thủy tinh thể tui ilamu blai meta bahrau Phaco song blai viêm mộng mắt, giác mạc…hu siam mekre. Ni lac bruk ngak yaok thun,  piah dong ka urang ruak sang kan kandah hu iek ruak di labik, ba hadah meta ka urang sup meta.

4/ UB bhap bini tỉnh Kon Tum hu tabiak Quyết định ka bruk parabha 583 tấn brah di rajaei daong pacang eik lipa dalam tukvak cang yuak kuak thun 2016 ka bhap bini dalam tỉnh. Tui nan, UB bhap bini tỉnh Kon Tum jao ka sở lao động – TB saong XH dang akaok, pambuak saong cục khik mepiah karja bhum Bắc Tây Nguyên taduan saong parabha  brah angaok nan ka UB bhap bini dom huyện, ban piah daong ka dom baoh sang mbuan eik lipa dalam tuk cang yuak kuak thun 2016. Meng brah hu parabha mbang ini, hu daong ka 9.623 baoh sang saong 38.670 menuac di 10 huyện, ban. Ini lac mbang ka dua tỉnh Kon Tum parabha brah daong pacang eik lipa di rajaei ka bhap bini dalam tỉnh.

5/ Mesup harei 19/7 Công đoàn dom Khu công nghiệp – Khu chế xuất ban raya Hồ Chí Minh song Công ty Trách nhiệm Hữu hạn chế biến nông sản Kim Sáng hu mbaoh tangin pambuak bruk peih ngak danak dak “ Brah hacih ka urang ngak”  Danak dak ni hu patrun yaom 15% dut song yaom drak pasa ngan song dom janih brah ka urang ngak dom khu công nghiệp – khu chế xuất di ban raya. Danak dak hu peih ngak meng harei 1/6/2016 tal harei  31/12/2017.

6/ Dalam mbang pandiak bhang saong ia mbaknjom tame  meng bloh, yaok pluh ribau ha hadang raong di tỉnh Cà Mau njauk khat lahik. UB bhap bini tỉnh ini hu tabiak panuac lac bala mức độ 2 saong daok kuhria iek dom taneh, dom baoh sang njauk khat lahik piah daong. Min, bruk daong tal urak ini gaok kan kandah kayua  ralo bhap bini njauk khat lahik oh ginup điều kie65nm piah hu daong tui quy định.

7/ Piah pacang cakak  biến đổi khí hậu, pasiam veik bruk kurang ia pandar  Dalam bilan thu di huyện palao njom mbak Tân Phú Đông, tỉnh Tiền Giang samar buh tabiak labaih 68 tỷ 500 triệu đồng ngak jalan nding atah jiak 11.000 m ba ia taba meng sang mac Đồng Tâm (ban sit Mỹ Tho, Tiền Giang) mai Tân Phú Đông. Jalan nding ni  ba hu 11.000 m3 ia sa harei melam,, oh lac pabak ka urang  huyện Tân Phú  Đông bo dok dong ka urang huyện Gò Công Tây di tapen krong Tiền tui jalan nding nao tapa.

Patui di ini dom khau tin dunya:

8/ Mỹ taong yaom glaong talei pambuak bruk saong Thổ Nhĩ Kỳ - sa đồng minh dalam NATO, saong hu panuac ieu dom gah di THổ Nhĩ Kỳ kiềm chế saong ngak njauk tui hukum hadei di bruk đảo chính oh jeng dalam melam 15/7 meng bloh.

9/ Urang dang akaok ban Nitx (Nice) Pháp, ong Phi-lip Pra-đan (Philippe Pradal) daok pachreih rajaei negar ni jhul pakhang  bruk mesruh pacang chủ nghĩa cực đoan, saong hu panuac lac, bruk tấn công di ban Nitx harei 14/7 meng bloh brei mboh tư tưởng cực đoan mbuan si njom tame negar ni./.

10/ Hãng thông tấn Yonhap di Hàn Quốc ba panuac bol bala taneh ia ini brei thau, Cộng hòa dân chủ bhap bini Triều Tiên harei 19/7, hu cuh 3 tên lửa đạn đạo tabiak tasik NB. Ini lac mbang cuh tên lửa barau abih di TT, hu peih ngak dalam tuk taneh ia ini hu panuac lac taong bayar bruk padang tên lửa di Mỹ di HQ./.