1/ # 30 tỷ đồng yaok thun lac yaom jien mek hu meng bruk rong ikan ia liar  di tỉnh Lào Cai. Urak ni dalam tỉnh hu jiak 100 labik rong ikan ia liar dok di dom huyện: Sa Pa, Bát Xát, Bắc Hà, Mường Khương, Văn Bàn, sản lượng tui kuhria hu jaik 500 tấn. 

2/ Thun 2002, hadei di tuk rajaei tabiak sarak brei mesraiy takik laba ka urang kan kathaot saong dom urang daok dalam sarak karja, ralo danak dak, dự án brei mesraiy hu peih ngak saong ba mai kein lagaih ka yaok pluh ribau baoh sang bhap bini. Taphia di nan, rik daong ka bruk patruh eik patrun kathaot, abih di nyu nan lac dom urang bangsa takik daok di dom xã bhum glaong biak kan kandah dalam tỉnh Yên Bái.

 3/ # Gilang pariak SARAK karja  tỉnh Thanh Hóa peih danak dak brei mesraiy ưu đãi ka anek saih, sinh viên piah dong ka dom boh sang kan kandah hu pok jien rong anek mbang bac. Urak ni, yaom jien mesraiy tui danak dak brei sraiy  daong anek saih, sinh viên lac labaih 506 tỷ đồng song 25 ribau anek saih, sinh viên di 21 ribau boh sang dok mesraiy phun jien .

4/ Meng bruk ngak lavik samar, urak ini bruk ngak ia mesin di palei tasik Phan Thiết, tỉnh Bình Thuận daok tagok khang. Darak pasar pablei siam, dom labik ngak ia mesin daok pataom tame paglaong chất lượng ia mesin piah pabak ka urang blei mbang.

5/ # Piah dong ka dam dara hu phun jien ngak mbang, tỉnh đoàn Kon Tum pambuak bruk song gilang pariak sarak karja lang talaih tavak tavaiy gah adat hukum, tapa bruk tín chấp ka yaok ribau urang đoàn hu mesraiy. Meng labaih 314 tỷ đồng, Tỉnh Đoàn Kon Tum dok lac, kapul hu yaom jien sraiy dang ka 2 di tỉnh.

6/ Sene Dolta di bhap bini Khmer thun ini rah tabiak dalam dom harei 19, 20 saong 21/9. Thun ini, bruk uan raok di phum sóc chreih chrai jang kayua rai diuk di bhap bini Khmer hu salih barau biak rilo.

7/ #  Bilan Hè Thu 2017,  urang nong di tỉnh An Giang, yuak hu labaih 232.500 ha padai, năng suất tui kuhria hu labaih 5,39 tấn/ ha, dalam nan rilo meng lac taneh pala dom pajaih agaih song bruk biến đổi khí hậu, tamuh hu dalam lingik pandiak song mbak.

Patui di ini dom khau tin dunya:

8/ Ban Bắc Kinh (Trung Quốc) meda brei padeih padang ngak dom dự án công cộng praong dalam ban di bilan li-an ini piah PASIAM chất lượng không khí di ban ine.

 9/ # Pasak Cảnh báo negar Mỹ ba tabiak panuac khan lac, ribuk Ma-ri-a dok khang tagok song jeng ribuk pakat 4 – pakat biak kan kandah song dok pamong tal bhum tasik Ca-ri-bê, labik bahrau njauk khat lihik trak kayua ribuk  Ơ-ma bahrau ini.

10/ Mintri Nội vụ Ápganixtan BAHRAU brei thau, gah không quân taneh ia ini hu peih dom bruk không kích tame KOL IS di tỉnh Nan-ga-ha, pametai hu takik abih 9 urang di kol khủng bố./.