1/ UB bhap bini ban Đà Nẳng bahrau khan lac Ban ĐN hu jiak 3.400 cửa hàng, labik pablei salih mek hu tanut hacih saat pandap mbang song labaih 6000 labik pablei salih pandap mbang langiu jalan khik hu hacih saat. Tui nan tong abih pandap sx, nhập khẩu, pataom blei di dom po pandap, po radeih pajeng ba pablei pandap brei thau cambaih asal di nyu mai meng halei, brei pasang iek saong taduan trách nhiệm ka pandap pablei salih di drei.

2/ Kuhria tal tukvak ini, tỉnh Vĩnh Long hu bloh jalan peih ngak danak dak tani tanat darak pasar tết nguyên đán thun 2017,  pambuak saong bruk jak ba “urang VN pandar pandap VN”. Tui Sở Công Thương tỉnh Vĩnh Long, danak dak tani tanat darak pasar Tết Nguyên đán thun 2017 hu peih ngak meng bilan 1 tal bilan 3/2017 ngan saong dom janih pandap yau : pandap mbang, ralo athur, menuk ada, ikan, baoh menuk ada, menyeik mbang, saradang, pandap chế biến …hu jaik 500 tấn sa bilan, tagok 20% duk saong dom bilan karei dalam thun.

3/ Kuhria tal abih quý 3 thun 2016, tỉnh Gia Lai hu peih bruk langyah dut iek HIV ka labaih 12 ribau urang, tapa nan hu 45 urang njom HIV bahrau, rilo meng lac urang njeil jru pheil hu 17 urang, 13 urang ruak AIDS song 16 urang ruak metai kayua AIDS. Ong Phạm Thế Cương - Phó Giám đốc pasak pacang caga HIV/AIDS tỉnh Gia Lai brei thau, thun 2017 pasak hu tagok bruk pathau khan, dong ka urang ruak HIV/AIDS, dalam nan pataom tame pathau khan, pachreih nao dut iek HIV/AIDS samar piah thau ka bruk njom HIV.

4/ Ban Cần Thơ hu mintri y tế palih ruah lac sa dalam 2 tỉnh, ban dalam taneh ia peih ngak kế hoạch “Ban pamaong tal bruk 3 oh ka HIV/AIDS" saong lac sa dalam 2 tỉnh, ban peih bruk “sáng kiến ngak iek bruk iek ruak 2.0 – sa jalan iek ruak barau meda patrun dom urang metai pambuak tal AIDS saong daong pacang njom mbak HIV”.

5/ UB bhap bini tỉnh Bình Dương bahrau jao 100 radeih mô tô Honda Winner 150cc ka gah công an pacang caga tội phạm di tỉnh. Bruk pabak 100 radeih mô tô hu dong patagok bruk langyah samar , pacang caga kol tội phạm hình sự, abih di nyu lac khol handaoh pandap, klaik pandap, pablei salih jru pheil , rik dong khik caga siam mekre an ninh chính trị, trật tự xã hội, palagaih ka bruk đầu tư siam mkere piah tỉnh dui pachreih dom urang negar langiu buh jien tame ngak mbang.

6/ meng harei 30/11 tal harei 3/12, trại sáng tác thiếu nhi hu peih tabiak di labik khik ramik thiên nhiên – ilamu Đồng Nai. Trại hu ralo bruk ruah duah, nao sáng tác tapak saong taom gaok, daong ka dom nhà văn di ban raya HCM hu sáng tác ka glai saong lingik tasik. Tapa nan, sang patabiak tapuk Kim Đồng (dhar gah meraong) hu lain 1 ribau baoh tapuk ka dom sang bac di Mã Đà, huyện Vĩnh Cửu.

7/ Huyện Hòa Thành tỉnh Tây Ninh dok peih bilan likei kamei samu gauk hu angan “Ba gauk ngak brei lihik bruk tong phaoh urang kamei song uranaih” Bilan ngak ini hu rah tabiak meng ni tal harei 15/12/2016, piah pachreih ba urang hu mbaok, pambuak song dom pakat, dom gah, kapul nyaom song bhap bini ba gauk ngak brei lihik abih bruk likei kumei oh samu gauk, padeih bruk taong phaoh urang kamei song uranaih. Pachreih ba menuac sia tagok sap, saong ngak brei lihik abih bruk taong phaoh urang kamei song uranaih.

Patui di ini dom khau tin dunya:

8/ Ong Pa-oeo Mác-cao-xki, Giám đốc Công ty khai thác mỏ bal Ba Lan KGHM barau brei thau, di mỏ bal Rút-na di bhum Tây Nam  Ba Lan, dom urang cứu hộ hu duah mboh 3 urang metai puac di abih, patagok dom urang metai dalam mbang megei baoh taneh rah tabiak dom harei dahlau di labik ini lac 8 urang. 

9/ Cảnh sát ban Ban-ti-mo (Baltimore, Mỹ) dok duah thau bruk cuh phao rah tabiak harei 30/11 di labik Tây Bắc ban ni , ngak takik di abih 2 urang metai, 4 urang karei njauk rambuac. Urak ni oh ka thau angan di urang cuh phao kayua urang ni nduac tabiak truh labik nan.

10/ Sruh kapal haok laik di Cô-lôm-bi-a ngak ka ralo urang metai dalam nan hu dom urang di kapul dit blaong Bra-xin, nyu abih jangaih nhiên liệu. Ini lac bruk hu duah mboh dalam hộp đen ghi âm buồng lái di sruh kapal haok nan. Tui nan, dahlau tuk rah tabiak bala, urang phi công hu gam gam ndok par trun kayua lỗi kỹ thuật saong abih nhiên liệu. Dahlau tuk đoạn băng ghi âm padeih ghi âm, urang phi công jeng brei thau, kapal haok daok par di độ glaong 2 ribau 743 mét./.