1/  # Di  Hà Nội bahrau rah tabiak  bruk peih mbaok “ Adit pandap mbang Nga”. Ni lac sa bruk ilamu, kinh tế piah yaih khan dom pandap panda di labaih 50 doanh nghiệp praong dang akaok Liên Bang Nga dalam gah ngak kaya  non, pandap mbang,pandap menyum chất lượng glong tal urang pandar Việt Nam, jang yau patagok jalan pambuak bruk di dom  doanh nghiệp 2 negar.

2/ Dalam dom thun tapa, tỉnh Đắk Lắk tuk halei jeng sangka tal bruk ruah duah, biên soạn, salih barau tapuk jeng yau tài liệu tham khảo piah paglaong chất lượng pato saong bac sap Ê đê dalam dom sang bac, dalam bruk ruah duah.

3/ # Tỉnh Sóc Trăng biak sangka tal bruk pato bruk ngak, ba brei bruk ngak ka urang ngak. Ni lac jalan ngak praong dong ka bhap bini patruh kathaot khang kajap. Tapa bruk (ieu urang buh jien tabiak ngak mbang, peih dom sang mac,  công ty ba brei rilo bruk ngak; pato pakai tangin gheih ngak ka urang ngak abih di nyu nan lac urang ngak palei pala, urang ngak lac urang bangsa takik dalam tỉnh.

4/ Gah chức năng ban Biên Hòa, tỉnh Đồng Nai barau nao pasang iek saong duah mboh lò sik pabui daok caga sik ralo pabui njauk ruak laka cambuai tapaok kakau di phường Long Bình, ban Biên Hòa.AmukTrịnh Thị Thơm, po lò sik pabui brei thau, dom pabui nan barau blei mai di sa thương lái barau kren ngan saong yaom 20.000 đồng/1kg min oh thau mai meng halei. Pabui hadei di tuk sik hu pablei di ban Biên Hòa. 

  5/ # Di palei Suối Đôi, xã Đông Tiến, huyện Đồng Phú, tỉnh Bình Phước, Pasak pachreih nong pachreih ikan (Sở ngak nong song patagok palei pala) bahrau peih tal pachreih nong ka “Ilamu rong song pacang caga ruak ka menuk”. Tapa 2 bilan bac daa, dom urang bac hu gru pato di pasak pachreih nông – pachreih ikan tacei jalan caga bruk rong menuk rilo công nghiệp, jalan palih pajaih, caga pandap mbang, pandap menyum, rong menuk rilo công nghiệp, menuk mebaoh song menuk palao bein, hacih saat, thú y pacang caga ruak ka menuk.

6/ Huyện đoàn Dương Minh Châu, tỉnh Tây Ninh pambuak bruk saong kapul pachreih bac huyện barau peih bruk alin jien bac “Ươm mầm ước mơ”. Dalam mbang ini, hu 200 paok jien bac, yaok paok yaom sa triệu đồng hu alin ka dom adei anek saih gaok kan kandah dalam huyện.

7/ # Pagam tal 3 lô pandap sinh phẩm y tế Human Albumin 20%  medhi njom ruak limo gala dok hu mintri  Y tế brei padeih pandar, Sở Y tế ban raya Hồ Chí Minh khan lac oh pandar pandap di  3 lô pandap nan. Sở Y tế ban raya Hồ Chí Minh jeng hu harak công văn payua chip tal tong abih dom labik iek ruak di sở hu panuac khan ka janih jru ni.

Patui di ini dom khau tin dunya:

8/ Trung Quốc ba tame pandar sruh kapal cao tốc samar abih dunya hu angan ieu lac Phục Hưng peih angaok jalan Bắc Kinh – Thượng Hải. Bruk ini brei mboh bruk mbeik drei biak khang angaok jalan patagok jalan pasei di TQ.

9/ # Dalam mbang taom gaok di Niu Oóc (New York), Mỹ, lingiu nyaom biai di Hội đồng Bảo an Liên hợp quốc , Tổng thống Mỹ Đô-nan Trăm (Donald Trump) hu pok meyaom dom kham merat di Ai Cập piah pasiam veik bruk siam mekre salamad  di Israel song  Palestine.

10/ Hadei di mbang megei baoh taneh khang 7,1 độ rích-te di gah meraong Mê-hi-cô, bruk njauk ngak dahlau urak ini lac duah dom urang daok diuk saong pasiam veik dom khut khat di mbang megei baoh taneh./.