1/  # Thứ trưởng Mintri ngak nong song patagok palei pala Vũ Văn Tám bahrau hu panuac tacei Cục Thú y pasang iek, pasiam veik bruk khik iek sik ngak di dom labik sik ngak rilaow.  Taphia di nan, patagok  tui iek bruk nhập khẩu song sản xuất, pablei salih jru an thần, khik caga pandar njauk bruk ba tabiak, taong yaom song taei tabiak duk kiểm nghiệm ngan song janih Acepromazine dok kandaong labaih angaok ralo, khik caga njauk adat hukum tuk mboh lac pandar jru an thần.

2/ Tỉnh Quảng Trị urak ini daok samar ngak ka nyu salah bruk bayar jien đền bù sự cố môi trường tasik, kham merat ngak salah dalam bilan11/2017 tui tacei pato di Phaok Thủ tướng rajei. Anak meta, tỉnh pataom tame lantyah dom tavak tavaiy, dom khiếu nại di bhap bini. Tỉnh, urak ini daok hu labaih 700 tấn kaya ikan di 16 cơ sở pataom blei, chế biến njauk tồn kho oh ka hu bayar. Bruk bhap bini khiếu nại nan lac tavak avaiy praong abih ngak ka bruk bayar jien sự cố môi trường tasik dui atah.

3/  # Di ban  Đà Nẵng, Tiểu ban An ninh song Y tế APEC negar pambuak bruk song jabat chức năng ban Đà Nẵng peih bruk Ngak iek danak dak lễ xuất quân song pasram bruk khik caga adit  pakat glong APEC 2017. Hu mbaok di mbang pasram hu yaok ribau urang jakar, urang lin di dom đơn vị di mintri Công an song mintri Quốc phòng.

4/ Meng ini tal thun 2020, tỉnh Khánh Hòa ba tabiak bruk ngak lac, salih jaik 5.900 ha phun pala yaok thun saong lavik thun oh hu kein laba, tapa pala tangei, njam patam saong phun mbang baoh, piah patagok jien mek tame ka urang nông. Tui nan, tỉnh salih 3.430 ha taneh ngak padai oh hu kein laba, oh caga hu ia pruh, tapa pala dom janih phun mbang baoh yau: kruoc bung kanduh hijao, pa-aok Úc, durieng. Tỉnh jeng buh jaik 49 tỷ đồng piah daong bhap bini peih bruk salih phun pala.

5 # Huyện đoàn Dương Minh Châu, tỉnh Tây Ninh pambuak bruk song Phòng Lao động Thương binh xã hội huyện peih danak dak tacei jalan saong dong duah bruk ngak ka dam dara. Tapa nan pachreih hu labaih 120 dam dara, urang ngak dalam huyện mai hu mbaok. Hu thau, hadei di mbang tacei jalan, hu 50 dam dara, urang ngak tut angan palih ruah tame ngak di dom  công ty, xí nghiệp di tỉnh.

6/ Meng ini tal harei 29/10, di labik công viên Văn miếu Trấn Biên, ban Biên Hòa, tỉnh Đồng Nai rah tabiak nyaom darak pasar sinh vật cảnh Trấn Biên mbang ka V-2017. Nyaom darak pasar hu mbaok di 100 urang ngak bein ngan saong labaih 100 ribau sinh vật cảnh mai meng dom tỉnh, ban dalam taneh ia. Dalam tukvak rah tabiak nyaom darak pasar daok hu dom bruk ngak yau: pakacah cim chào mào yuk, parang me-in đờn ca tài tử, taom gaok ndom meyai nao mai – klah rabha ilamu hong dom urang ngak bein ka bruk iek glang phun kiểng.

7/ # Melam  22/10, di jalan nao takai Nguyễn Huệ, ban raya Hồ Chí Minh hu peih bruk tamat harei patom Thời trang song Công nghệ 2017  hadei di 3 melam  rah tabiak. Harei patom hu tamat veik song bruk yaih khan bộ sưu tập di dom sinh viên naih gheih chuyên ngành thiết kế thời trang di 12 sang bac đại học, học viện thiết kế thời trang dalam negar. Hu mbaok dalam sa  bộ sưu tập di melam parang main, Phạm Minh Tâm, Sinh viên khoa Thiết kế thời trang,  sang bac Đại học Văn Lang khan lac:  “Hulin hu mbaok  di harei patom Thời trang song Công nghệ  song bộ sưu tập Happer Natuare, hu 6 bộ.Hulin cong khin hadei di ni VN hu jeng sa labik patagok khang ka thời trang”

Patui di ini dom khau tin dunya:

8/ Dom phương tiện truyền thông  di NB harei 23/10 brei thau , harei 22/10, sa  ribuk hu angan lan  tuh tame pulao Hôn-xiu praong abih di NB, gam tui ngin khang saong hajan praong, ngak takik di abih 2 urang metai saong sa urang lahik.

 9/ # Tapa roh duah di dom urang  ilamu Mỹ song  Nhật Bản brei thau, biến thể bahrau di  chủng vi-rút cúm menuh ada  A/H7N9 dok rah tabiak di Trung Quốc  meda pambak samar tapa anek athur hu tasau song meda ba tal ruak metai menuac. Bruk ni daok ngak duh hatai la mbuan ba tal sa jit ruak prong di dunya.

10/ Ban Giê-ru-xa-lem, ban daok dalam bruk meriak gauk di Ixraen saong Palextin brei thau bruk kuhria padang yaok pluh baoh sang daok barau di labik hu ralo menuac  Ảrập daok di gah timur Giê-ru-xa-lem. Karja Giê-ru-xa-lem brei thau dalam adit ini hu brei adat padang ngak 176 baoh sang di labik định cư di gah  timur Giê-ru-xa-lem./.