1/ Ub bhap bini tỉnh Quảng Ngãi dong ka huyện Lý Sơn 10 tỷ đồng piah peih bruk pasiam veik sa bộ talang ikan voi di Lăng Tân, xã An Vĩnh, huyện palao Lý Sơn.Bruk pasiam veik bộ talang  ikan voi ni piah pabak adat cambat, tâm linh di urang tong ikan angaok palao, jang yau ngak jeng labik dui pachreih tuai damuai tuk mai tal Lý Sơn.

2/ Dalam tukvak 2016 – 2021, tỉnh Đắk Nông meda buh tabiak labaih 200 tỷ đồng peih praong công trình ia hacih saong vệ sinh môi trường palei pala. Phun jien peih ngak danak dak nan labaih 184 tỷ jien mesraiy di gilang pariak dunya, daok veik lac phun jien đối ứng di tỉnh.

3/ Bình Thuận lac sa dalam dom labik gaok langik tasik kan kandah, hajan takik, meng 1.000 đến 1.600 mm sa thun ( samu meteh lượng ia hijan di gah merong). Piah peih tabiak jalan ka bruk ngak nong patagok, BT hu padang ngak sa  hệ thống thủy lợi praong, ba ia mai pruh ka dom mblang hamu thu lugu. Urak ni tỉnh padang hu labaih 80 công trình thủy lợi, duh ka bruk pala drak di bhap bini.

4/ Tui Chi cục raong glang – Thú y tỉnh Đồng Nai, piah pacang cakak jit ruak menuk ada, meng ini tal kreih bilan 3/2017, Chi cục hu pambuak saong dom huyện, ban sit dalam tỉnh peih bruk klauk pabak ka tapol menuk ada di dom baoh sang dalam tỉnh. Tui kuhria, hu labaih 1 tiệu drei menuk ada hu klauk jru dalam mbang ini.

5/ Di 2 huyện Vĩnh Hưng song Tân Hưng, tỉnh Long An hu peih bruk ndom biai khik ramik sâu năn (daok ieu lac muỗi hành) di angaok mblang padai Đông Xuân thun 2016-2017. Ni lac jalan peih tabiak ka rilo urang nong duah thau makna tamuh ruak, tuk vak patagok, jalan iek ruak, jang yau bruk pacang caga ruak ni 

6/ Barau ini, di var ngak bruk saong UB bhap bini ban cần Thơ saong dom sở, ngành pambuak tal hữu quan di ban ka bruk peih ngak danak dak hajao – hacih – siam thun 2017, ong Trần Minh Phát, Phaok Gíám đốc Ban khik iek Dự án ODA ban Cần Thơ brei thau, gilang pariak dunya daong 500.000 USD ka Cần Thơ peih danak dak hijao- hacih- siam di Hợp phần 4, Dự án pasiam đô thị bhum taneran kraong Cửu Long – tiểu dự án ban Cần thơ.

7/ Gam song dom jalan ngak patagok bruk khik ramik labik pablei salih, peih prong darka pasa tuai du lịc, tỉnh AG iek prong bruk đầu tư song pachreih ba dom DN hu mbaok tame patagok cơ sở hạ tầng duh ka bruk du lịch, piah pabak dak harei dak hu siam jang hatai cong khin di tuai damuai, piah ngak jeng sa labik mai rivang main dang akaok di bhum taneran krong CL song di negar

Patui di ini dom khau tin dunya:

8/ Piah trấn an dư luận, akaok mintri an ninh nội địa Mỹ Giôn Ken-li harei 22/2 brei thau, rajaei Mỹ oh trục xuất ralo urang nhập cư oh hu harak gar hợp pháp yau asal hu ndom dalam sắc lệnh nhập cư barau. Rajaei Mỹ ngak njauk tui quy định di hukum nhập cư. Min, ong Ken-li jeng brei thau, bruk trục xuất jeng hu rah tabiak samar jang duk saong dahlau daih.

9/Karja Đức dok jhul samar bruk trục xuất dom urang nhập cư nao veik palei negar. Harei kabroi 22/2 sa sruh kapan haoh ka 3 di Đức meng ban Mu-ních (Munich)  pajeng labaih 50 urang nhập cư  oh brei tị nạn nao veik palei negar. Dalam 18 bilan tapa, Đức hu taduan labaih 1 triệu urang nhập cư mai meng dom negar yau Xy-ri, I-rắc và Áp-ga-ni-xtan.

10/ Mintri Quốc phòng Ixraen brei thau, taneh ia ini ngak iek hu siam hệ thống phòng thủ Mái vòm pasei barau hu pasaim veik. Tui mintri ini, bruk ngak iek nan piah pasang iek hệ thống phòng thủ mái vòm barau ini meda taong pacang  sa mục tiêu dalam sa tukvak halei oh. Mbang ngak iek ini hu pataom tame janih tên lửa đánh chặn Ta-mia barau kayua Mỹ saong  Ixraen pambuak gauk ngak tabiak./.