1# Tỉnh Lào Cai hu pambuak bruk quy hoạch cakrok patagok glai haong dom sang bac ngak tabiak kaya glai di labik piah paglaong kien laba meng rừng. Taphia di nan jhul pakhang bruk cakrok patagok pasiam veik cơ cấu bruk ngak glai pagam haong patagok kinh tế xã hội, khik iek môi trường sinh thái saong padang ngak palei pala bahrau. Ngan haong ralo puk palei daok pachreih bhap bani pala phun glai piah patagok jien mek tame meng 12 tal 15 triệu đồng sa thun. Ngan haong jalan ngak ini, mblang taneh pacang halui glai di  tỉnh Lào Cai urak ini jaik 55% taong abih mblang taneh tamo di tỉnh.

2# hadei di tuk  jalan cao tốc Nội Bài  – Lào Cai ngak salah blaoh, Yên Bái hu ralo pren khang piah pachreih dom urang dalam saong langiu negar buh jien tame tame ngak mbang dalam tỉnh. Piah pachreih dom urang buh jien tame ngak, tỉnh Yên Bái hu ralo sarak piah daong, palaghaih ka dom kapul nyaom, doanh nghiệp buh jien tame ngak. Ong Nguyễn Hữu Hiền, Akaok Ban khik iek dom Khu công nghiệp tỉnh Yên Bái brei thau: 

        “ Gam gam haong bruk iew dom urang buh jien tame ngak mai haong khaol dahlak, khaol dahlak jeng hu  padang dom Tổ công tác, Ban Tacei pato, pasak daong ba dom urang buh jien tame ngak siam di abih. Kadua nan lac pataom tame dom mặt bằng hacih piah dom urang đầu tư mai tok daok bruk buh brei ka dự án min”.

3/ #Kapul urang dahlau diah ngak bol lin tỉnh Ninh Thuan pambuak saong Kapul urang dahlau diah ngak bol lin ban raya Ho Chi Minh saong C.ty Golf Long Thành, tỉnh Đồng Nai padang ngak saong alin brei 6 baoh sang daok ka dom urang kan kathaot, saong urang bangsa takik di xã Ma Nới, huyện Ninh Sơn. Tui yaom jien abih tih 350 triệu đồng.

            4/ # Huyện Tuy Phong, tỉnh Bình Thuận birau pok meyaom saong pok brei angan “ Amaik Viet Nam anh hùng” mbang ka 7 thun 2016 ka 4 baoh sang gauk gar di dom amaik yau ye: Nguyễn Thị Thẹo daok di xã Chí Công; mẹ Nguyễn Thị Giỏi, amaik Nguyễn Thị Tư,  amaik  Nguyễn Thị Ụt daok di ban sit Liên Hương. Taong abih dom urang amaik nan hu pasang saong urang anek ndih trun dalam mbang mesruh taong  Prang saong Mỹ daong ka taneh ia. Mbiah tal urak ini, Tuy Phong hu  80 amaik hu meyaom saong pok brei angan “ Amaik Viet Nam anh hung”

5/ #/ Di Cần Thơ, sang bac Đại học Kỹ thuật - Công nghệ Cần Thơ pambuak bruk song sang bac Đại học Bách khoa - Đại học Quốc gia ban raya  Hồ Chí Minh peih mbaok nyaom biai dunya ka công nghệ thông tin ACOMP 2016 song  FDSE 2016.Ong Lê Văn Tâm Phó akaok UB bhap bini ban Cần Thơ ndom lac: Nyaom biai ACOMP 2016 song  FDSE 2016  mbang camereip hu peih ngak di Cần Thơ, lac tuk piah ka dom urang roh duah, gru pato song chuyên viên dalam bruk ilamu công nghệ, hu taom gaok ndom biai song dom chuyên gia, urang roh duah dalam negar song dunya.

          6/ Kapul pachreih bac tỉnh Sóc Trăng peih bruk jao pok jien bac Dương Kỳ Hiệp  thun 2016 ka 280 anek saih, SV kan kathaot kham bac dalam tỉnh, tong abih yaom jien bac hu jao mbang ni lac 315 triệu đồng song yaok pok lac 1- 2 triệu đồng. Kayua Kapul  Công nghiệp cao su Việt Nam song boh sang di ong Dương Kỳ Hiệp dong brei.

7/Tui ialmu meng mbang pandiak bhang dui atah dahlau daih, thun ini, Tiên Giang kuhria padang ngak dom cống đập piah pacang cakak ia ndik saong ia mbak, khik caga 9.000 ha bein phun durieng di dom xã tapen kraong Tiền. Karja palei, kapul nyaom puk palei pandar jamriak kuac rok yaok rituh kênh thủy lợi piah caik ia; jak ba dom urang pala bein ngak dom cống đập di sang, rok danao caik ia taba piah pacang cakak bhang, mbak dui atah.  

Patui di ini dom khau tin dunya:

8/ Harei 23/11, Thủ tướng Prang Ma-nu-en Van brei thau châu Âu njauk kak je nhập khẩu meng dom taneh ia oh tame thỏa thuận toàn cầu ka bruk pacang biến đổi khí hậu. Dahlau nan, urang dahlau daih ngak Tổng thống prang Ni-cô-la Sác-cô-di jeng ieu kak je pandap nhập khẩu meng Mỹ meyah karja barau di Mỹ klak thỏa thuận khí hậu Pa-ri, min njauk Đức saong UB châu Âu phản đối./.

9# Truyền thông Thái Lan harei 23/11 khan brei thau, cảnh sát taneh ini mbang akaok mereip brei thau hu dom urang bhapbini Thái Lan hu talei rahim atau daong ka kol IS di I-rắc saong Xyri. Cảnh sát taneh ia ini hu pataom mek ka bruk ngak di IS di Thái Lan meng cảnh sát Ô-xtrây-lia. Tui số liệu di cảnh sát Ô-xtrây-lia, labaih 100 rabau tài khoản di Thái Lan bhian tame dom trang mạng hu pambuak bruk saong IS di thun dahlau.

10# Dom urang alamu di sang bac Đại học quốc gia Xinh-ga-po barau tabiak mbaok radaih patuh tự vận hành barau, hu jia lac meda rik daong pasiam an toàn giao thông jalan nao mai di taneh ia đảo sư tử ini. Sruh radaih sa libik ini trak  50kg saong meda nduac meng vận tốc glaong abih 6km/sa tuk. Sruh radaih hu trang bị dom cảm biến la-de, daong brei thau libik tavak tavaiy taphia. Tuk duah mboh menuac atau pandap hagaiyt patoak di gah anak, radaih tự động trun tốc độ. Phương tiện barau ini meda daong ka urang pandar gam nao mai gam peih ngak dom bruk karei di gauk bo oh huac gaok va chạm atau gaok chấn thương. /.