1 # Patui veik danak dak mbang NYAOM ka 4, Quốc hội mbang14, harei 25/10 Quốc hội ginum biai dom asal kadha daok hu panuac karei di gauk di Dự án Hukum Quy hoạch. Ini lac luật khung, phức tạp. meyah hu brei tapa meda tah klaak bruk quy hoạch ngành halei ngành nan, plaih chồng chéo, palai pajua jien padai.

2/ Sang iek ruak Nhi trung ương barau blac daraih nội soi mek mbaik jrum daok dua thun dalam cada uranaih kamei. Mbiak jrum ini tah jaik 4cm saong craih. Uranaih kamei nan umo 3 thun daok di Nghệ An, tame sang iek ruak Nhi trung ương, hadei di sa adit mboh glaih glar, pandiak, daluk ta-aok, pandik tian.

3  # Liên hiệp dom Hội Khoa học saong ilamu Kỹ thuật Việt Nam bahrau brei thau ka bruk pakacah Sáng tạo dam dara uranaih pakat negar mbang ka 13; dalam nan,  “Máy đọc tài liệu brei ka urang sup meta” di 2 anek saih tỉnh Kon Tum mek hu giải nhất.

4/ Tui jalan ngak, tal harei 1/1/2018, urang njom HIV njauk bayar  jien iek ruak meng jru kháng ARV. Tui kuhria mboh, yaok thun urang njom HIV njauk buh tabiak jaik 4 triệu đồng ka bruk iek ruak bậc sa saong 13 triệu đồng ka bruk iek ruak bậc 2. Kayua yau nan ye, BHYT meda lac labik daong ka urang ruak iek ruak HIV meng jru kháng ARV patrun meneng nong trak jien iek ruak.

5  # Piah khik caga an toàn, an ninh thông tin saong pabak bruk viễn thông - công nghệ thông tin siam di APEC 2017, Bưu chính viễn thông Đà Nẵng (VNPT Đà Nẵng) hu pataom tame peih ngak saong pabak hạ tầng công nghệ thông tin duh ka bruk prong ini.

6/ Dalam tuk nao khik iek angaok jalan plaih palei Chơ Kâu, xã Krong, huyện Kbang, tỉnh Gia Lai, saai Đỗ Khắc Đạt,  urang jakar khik caga glai mboh 3 urang likei dam nduac radaih mac pajeng dua candaih kayau hương. Saai Đạt pandar dom urang nan padeih radaih. Tuk ini, 3 urang likei nan likau saai Đạt brei pajeng kayau nao. Min saai Đạt oh brei nao saong pandar ba radaih saong kayau nao xử lý. Oh likau hu kayau, sa urang likei trun radaih, juak saai Đạt jaleih trun bloh mek dhaong tak tame rup saai Đạt. Hadei di tuk thau hu bruk nan, công an huyện Kbang hu mai tal labik, pasang iek, pagui cap saong mek hu 2 candaih kayua hương.

7   # Tui kuhria mboh di Ban Chỉ huy Pacang caga bala meng langik tasik saong daong duah urang njauk bala tỉnh Bình Thuận, mbang ribuk angaok kraong Mường Mán dalam dua harei tapa 23 saong 24/10, ngak ka 50 baoh sang dauk dalam aia, 500 héc-ta thanh long di dom xã: Hàm Cần, Hàm Thạnh, Mương Mán saong Hàm Mỹ jeng dauk dalam aia sua. Tui kuhria mboh di tuk camereip,khat lahik tagok tal labaih 15 tỷ đồng. 

Patui di ini dom khau tin dunya:

8/ Quốc hội Đức barau nyaom mbang akaok meti, sa bilan hadei di bầu cử harei 24/9. Dalam mbang nyaom ini, ngan saong 501 phiếu njauk hatai dalam abih tih 705 phiếu, urang dahlau daih lac akaok mintri jien padai Đức Vôn-phơ-gang Soi-blơ hu pok ngak akaok QH.

9  # Cảnh sát In-đô-nê-xi-a bahrau brei thau lac cap khik 9 urang njauk cáo buộc lac dom urang khủng bố dalam nan hu gam urang daong brei ka khủng bố saong sa urang tabiak lệnh  taong tame sa đồn cảnh sát.

10/ Akaok mintri  Quốc phòng Nga Sergei Shoigu barau hu panuac lac MOSKVA halan hatian daong Hiệp hội dom taneh ia Đông Nam Á (ASEAN) pacang cakak bruk bành trướng di chủ nghĩa khủng bố dunya, abih di nyu nan lac bruk xâm nhập di chủ nghĩa khủng bố tame dom taneh ia châu Á-Thái Bình Dương./.