1 # Phaok Thủ tướng Raja-ei Trương Hoà Bình bahrau iew phon ka dom  mentri, ngành, puk palei pandar patagok dom jalan ngak brei grap tanat An toàn giao thông dalam harei negar 2/9 saong peih pakak thun bac bahrau. Tui nan, Phaok Thủ tướng pandar pataom tame điều tiết giao thông, oh caik rah tabiak gar radaih gar jalan di pabah mbang tame Hà Nội saong bal raya Hồ Chí Minh; patagok bruk pasang iek saong taong phat catang dom urang ngak suan adat hukum, abih di nyu nan lac dom lỗi ka tốc độ, nồng độ cồn, nao suan binah jalan, pajeng tapa urang quy định.

2/ Mintri y tế barau phát nao thông báo ka bruk patagok viện phí di 16 tỉnh, ban hu urang blei BHYT ralo. Tui nan, yaom dịch vụ iek ruak hu chi phí jien bilan di y bác sĩ hu peih ngak di 16 tỉnh, ban meng harei 12/8 nan lac: Lào Cai, Thái Nguyên, Điện Biên, Hà Giang, Bắc Kạn, Sơn La, Tuyên Quang, Cao Bằng, Lai Châu, Đà Nẵng, Sóc Trăng, Hòa Bình, Thừa Thiên- Huế, Quảng Nam, Yên Bái saong Lạng Sơn. Ini lac dom tỉnh hu menuac blei BHYT labaih 85%.

3 # Meng blaoh, pak xã Yên Đổ, huyện Phú Lương, tỉnh Thái Nguyên, Vụ Ilamo bangsa – Mentri Ilamo – Padhih saong Rivang ma-in pambuak haong Sở Ilamo – Padhih saong Rivang ma-in tỉnh Thái Nguyên peih tal pato tacei veik ilamo oh mboh di meta ka bangsa Dao pak huyện Phú Lương, tỉnh Thái Nguyên. Tapa tal tacei pato ini hu daong ka dom học viên thau ka makna di dom kadha daoh bhap bani, kadha daoh ví…Meng nan pasiam veik, khik ramik yaom ilamo meng kan, patagok dom janih ilamo siam gheih di dom bangsa takik, dalam nan hu bangsa Dao, ngak brei dak padang saong patagok ilamo anek manuac Việt Nam pabak hatai caong khin patagok khang kajap taneh aia.

4/ Tui Cục An toàn thực phẩm (mintri Y tế), piah khik kajap pren yava ka bhap bini saong hu panuac calei chắc chắn hadei di tuk ia tasik an toàn ye ikan hu pandar ngak thực phẩm an toàn atau oh, urak ini mintri y tế jeng daok pasang iek, mek mẫu taong abih dom janih ikan di dom pabah mblang tasik saong danao raong di 4 tỉnh bhum kreih negar piah ngak kiểm nghiệm. Dom kết quả kiểm nghiệm ini hu hội đồng khoa học di mintri y tế taong yaom saong kuhria hu brei thau di akaok bilan 9/2016.

5 # Pak sang bac quân sự (Bộ chỉ huy Quân sự tỉnh Bình Phước) bahrau peih pakak tal bac sap Khơme ka 50 urang jakar dom jabat, kapul nyaom di  tỉnh saong huyện, dom xã tapen negar gam haong bol lin pal phao karong dalam tỉnh. Tal hac dalam 6 bilan meng harei 23-8-2016 tal harei 23-3-2017. Tal bac piah daong ka urang jakar dom jabat, kapul nyaom tỉnh, huyện, thị xã saong 15 xã tapen negar peih ngak bruk ngak duah thau ka tình hình saong quan hệ haong dom xã, huyện negar ayut angaok tuyến tapen nega; khan brei thau saong jak ba bhap bani Khơme peih ngak siam jalan ba di Đảng, hukum di Karja, sarak gul pataom bangsa saong peih pandar siam tame bruk ngak di jabat, kapul nyaom puk palei.

6/Kapul Chữ thập đỏ tỉnh Đồng Nai barau brei kapul gru jru halan hatian mai iek ruak, alin pandap ka 200 urang gaok kan kandah di ban sit Vĩnh An, huyện Vĩnh Cửu. Yaok urang hu daong jien jru saong pandap yaom 450 ribau đồng, abih tih yaom jien pandap mbang ini lac 90 triệu đồng.

7 # Thứ trưởng, Phaok Akaok Uỷ ban bangsa Phan Văn Hùng bahrau hu van taduan raok kapul urang lambaok halau janeng, urang ngak bruk Agama Islam bal raya Hồ Chí Minh saong dua tỉnh Tây Ninh, Ninh Thuận. Pak taduan raok dom urang halau janeng lambaok ka bhap bani urang Islam bal raya Hồ Chí Minh saong 2 tỉnh Tây Ninh, Ninh Thuận hu brei mboh bui sambai, haniem phol tuk hu tabiak rivang bal ine Hà Nội, tame Kalan sirah Wa Hồ saong rivang uỷ ban bangsa. 

Patui di ini dom khau tin dunya:

8/ Rajaei TL barau brei thau kế hoạch padang sở chỉ huy tiền phương di dom tỉnh cực Nam hadei dom mbang rah tabiak bruk taong paoh, barau ini abih lac bruk taong mbom kép di tỉnh Pattani ngak takik abih sa urang metai.

9# Raja-ei Colombia saong Lực lượng vũ trang cách mạng Colombia (FARC) brei thau mek hu blaoh panuac sanya ka sron mbon dak rai sajarah piah bei padeih mbang taong gauk suai lavik abih pak Mỹ Latinh. Panuac brei thau nan hu ba tabiak pak La Habana (Cuba), dalam nan dua gah hu brei thau cambaih laih Raja-ei Colombia saong FARC hu tamat suam mekre vaktu ginum biai saong mek hu panuac sanya khang kajap.

10/ Sa mbang megei baoh taneh khang harei 24/8 ngak megei bhum kreih negar Myanmar, ngak palai pajoa  jaik sa rituh baoh baha phật giáo klak di cố đô Bagan. Tui AP, jabat khảo sát Địa chất Mỹ, mbang megei baoh taneh  6,8 độ richter có tâm chấn atah ban Chauk, gah meraong Bagan, jaik 25 km mai gah pai. Kuhria tal urak ini, hu takik di abih 3 urang metai saong ralo karei njauk rambuah./.