1# Patui danak dak ngak bruk mbang nyaom ka 4, harei 26/10, Quốc hội hu phê chuẩn bruk bổ nhiệm menuac ngak  Akaok mintri pajeng ba song Tổng Thanh tra Rajaei meng bruk buh phiếu kín.

2/ Dom thun jaik di ini, ralo janih brah ndiuk di tỉnh Cao Bằng hu urang blei mbang thau tal ralo. Dom janih brah ndiuk ini tuk camereip brei mboh hu chất lượng, hu angan ngan saong urang blei mbang. Dom janih brah ndiuk di tỉnh hu mbaok tame dom bruk parang iek hu ralo urang blei mbang taong yaom glaong.

          3# Piah dong ka urang nong pasiam veik hadei  di ia sua, Ub bhap bini tỉnh Thanh Hóa brei buh jien tabiak dong pasiam veik bruk pala drak vụ Đông 2017- 2018  song yaom jien jiak 20 tỷ đồng ka dom boh sang urang nong, hợp tác xã song doanh nghiệp dalam tỉnh.

4/ Ong Nguyễn Tứ, akaok Chi cục khik iek chất lượng kaya nông kaya glai kaya ikan ban Đà Nẵng brei thau, tapa pasang iek, Chi cục duah mboh 9 labik ngak oh khik kajap vệ sinh an toàn pandap mbang. Langiu bruk njauk taong phạt jaik 80 triệu đồng, dom labik ngak sung adat daok hu ba angan tagok angaok website di Chi cục piah bhap bini saong tuai damuai thau. 

5 # Dalam thun 2017, dom đơn vị di Quân khu 7 pambuak bruk song dom pakat ủy, kajar dom tỉnh, ban dalam taneh ia peih bruk duah pataom hu  246 bộ hài cốt liệt sĩ di dom tỉnh dalam Quân khu 7 song 446 hài cốt liệt sĩ quân tình nguyện Việt Nam ndih trun angaok taneh ia Campuchia.

6/ Harei 26/10, Hội LH urang kamei huyện Hòa Thành, tỉnh Tây Ninh pambuak saong hội LH urang kamei xã Hiệp Tân peih bruk alin radaih pablei bánh mì ka urang kamei puk palei tui bruk ngak daong urang kamei padang mbang ngui. Meng akaok thun tal ini, hội LH urang kamei huyện, xã jak ba daong hu 4 baoh sang.

7# Harei 26/10, Ủy ban bhap bini ban raya. Hồ Chí Minh song  jabat pambuak bruk dunya Nhật Bản (JICA)– Văn phòng di Việt Nam peih bruk ginum biai pataom iek veik tổ hợp phần peih ngak “Dự án pambuak bruk kỹ thuật “dong padang saong peih ngak dom bruk patrun patakik lagaih haong bruk di negar tui jalan pasang iek, pathau khan song taong yaom”. Ong Hà Minh Châu, Phó Trưởng Phòng Khí tượng thủy văn song  Biến đổi khí hậu, Sở Tài nguyên song Môi trường ban raya  Hồ Chí Minh brei thau “ Tapa danak dak ni lac jalan peih tabiak ka ban raya  HCM pasiam bruk khik caga khí nhà kính. Pagap yau drei kiểm kê hu  khí nhà kính, dut hu lượng  phát thải, song drei meda kuhria mboh dahlau hu tanut  phát thải di drei”.

Patui di ini dom khau tin dunya:

8/ Urang ngak praong Mỹ brei thau, takik abih 2 urang metai dalam sa mbang cuh phao di bang Lu-i-di-a-na, Mỹ harei 25/10. Bruk cuh phao rah tabiak gah langiu khu ký túc xá Đại học Grem-blinh Xtết di gah brak bang Lu-i-di-a-na. Urak ini cảnh sát daok duah thau makna bruk nan.

9 # Tổng thống Thổ Nhĩ Kỳ Tay-íp Éc-đô-gan (Tayyip Erdogan) ndom lac, Thổ Nhĩ Kỳ halan hatain dong ka I-rắc peih veik jalan nding ba menyek tamo meng dom mỏ menyek di Ki-cúc (Kirkuk) tal  Thổ Nhĩ Kỳ, piah meriak gauk song bruk pablei menyek tabiak negar langiu di bhum tự trị  urang Cuốc di gah brak I-rắc.

10/ Urang ngak praong Ucraina brei thau, sa mbang patuh di ban ine Ki-ép harei 25/10ngak takik abih sa urang metai saong 3 urang njauk rambuah njauk tame sang iek ruak, dalam nan hu nghị sĩ quốc hội I-go Mô-xi-chúc. Cố vấn mintri Nội vụ Ucraina iek bruk ini lac tấn công khủng bố./.