1/ Harei 27/2, Sở Y tế ban raya  Hồ Chí Minh peih bruk pahadar 62 thun harei gru jru VN. Tui jalan iek praong urang ruak, chất lượng di dom sang iek ruak di ban raya HCM dak harei dak tagok. Gah y tế patagok hu 23 bilai cấp cứu vệ tinh, padang bruk “báo động đỏ” patagok bruk dong urang ruak. Bruk daok pamaong tal dalam thun ini di gah y tế ban raya HCM lac patom tame langyah bruk quá tải ka dom sang iek ruak.

2/ Ndom ka bruk vệt ia meraih di labik tapen tasik ban sit Đà Nẵng dalam dom harei tapa, ong Lê Quang Nam, Giám đốc Sở Tài nguyên saong Môi trường ban sit Đà Nẵng lac saong urang vak di rayo sap ndom VN, vệt ia hu sambo meraih mai meng ấu trùng di ruốc, atau baoh ruốc. Tapa dut iek di pasak kỹ thuật di sở Tài nguyên saong môi trường ban Đà nẵng mboh lac, ia tasik di labik nan siam min, oh hu hagait. Bhian di nyu hadei tết lac tuk ruốc nyu mebaoh. Thun ini, ruốc mboh ralo di bãi nam, bán đảo Sơn Trà saong rilo labik bhum tapen tasik di ban Đà Nẵng.  

3/ Thun ni, tỉnh Quảng Nam brei buh tabiak dahlau 23 tỉ đồng meng kadung jien karja tỉnh piah dong ka dom puk palei tuh bê tông 83 km jalan dalam mblang hamu, piah palagaih ka bruk dồn điền đổi thửa, padang ngak palei pala bahrau. Urak ni, QN jeng dok tuh bê tông 152 km jalan palei song yaom jien abih jiak 115 tỷ đồng, dalam nan kadung jien tỉnh hu dong 61 tỷ đồng, dok veik lac jien di karja palei saong jien di bhap bini rik tame hu labaih 53 tỷ đồng.

4/ harei 27/2, di ban Nha Trang (tinh Khánh Hòa), nyaom meyai mbang ka 1 dom urang ngak praong pakat glaong diễn đàn pambuak bruk kinh tế châu Á – TBD saong dom mbang nyaom pambuak tal yam tame harei ngak bruk ka 10. Dalam harei, dom urang dalam nyaom meyai hu mbaok tame dom mbang nyaom yau: pambuak bruk gah an ninh lương thực; nyaom bruk ngak ikan saong tasik praong.

5/ Hạt kiểm lâm ban Tuy Hòa bahrau taduan 2 drei Voọc chà vá chân xám (angan khoa học lac  Pygathrix cinerea), dalam nan hu 1 drei binai lac amaik song 1 drei tano anek, trak abih tih labaih 5 kg, kayua ong  Nguyễn Minh Đăng song Võ Trí, daok di phường 6, ban sit  Tuy Hoà, tỉnh Phú Yên jao brei. Tapa pasang  iek 2 drei Vooc lac janih di Việt Nam,daok di dom tỉnh Khánh Hoà, Quảng Nam, Quảng Ngãi, Bình Định, Kon Tum, Gia Lai, daok dalam angan janih  mbuan si lahik nao.

6/ Labaih 10 thun dahlau, bruk pak bội kẽm (lac pak drung menuk meng talei tavat) hu mboh di Bến Tre, tabiak meng xã Long Thới, huyện Chợ Lách, bruk pak bội tavat dak harei dak tagok saong pambak praong dalam huyện. Thun 2013 dalam xã Long Thới hu jaik 2.000 baoh sang pak bội tavat, tal urak ini hu tagok tal labaih 3.000 baoh sang. Yaok baoh sang duah hu meng 5 tal 7 triệu đồng sa bilan meng bruk pak bội tavat. Bruk ngak hanjul, hu tukvak ngak bruk sang nan ye ralo urang kamei atau urang praong thun meda ngak hu.

7/ Tui phòng KT huyện Phú Quốc, meng ni tal thun 2020, huyện palao Phú Quốc, tỉnh Kiên Giang patagok bruk rong pala kaya ikan tui jalan pandar công nghệ glong, oh ngak kan kandah tal labik dok,  môi trường sinh thái song patagok  du lịch.Kham merat tal thun 2020, Phú Quốc tagok sản lượng rong pala kaya ikan labaih 1.700 tấ, tagok jiak 2 mbang dut song thun dahlau, sản lượng ngọc trai 133.400 asar.

Patui di ini dom khau tin dunya:

8/ Harei 26/2, nyaom darak pasar pahala dunya Bazaar hu peih pabah mbang di khách sạn Ashok daok di pasak ban ine di Ấn Độ, hu mbaok di ralo lambaok đại sứ quán dom taneh ia  daok di ban ine New Delhi gam saong yaok ribau mbang tuai mai rivang iek. Di nyaom darak pasar, gian hàng di VN mboh mekre meta, yaih khan ralo pandap thủ công mỹ nghệ yau hộp khảm trai, ndul, cà phê, pandap pak, tranh sơn mài, pandap pưt meng tangin, pandap me-in ngak meng tangin, mot, ao pachreih hu biak ralo tuai tame iek saong blei pandar. 

9/ Urak ni, bruk caga ka harei jao giải Oscar mbang 89, kayua  Viện Hàn lâm Khoa học song Nghệ thuật Điện ảnh Mỹ peih ngak hu salah blo. Hu yaok ribau urang hu mbaok tame tuk kuhria caga jao giải Oscar thun ni. Sa binah jalan roya Hô-li-út (Hollywood), labik anak sang doh Đôn-bi (Dolby), labik rah tabiak bruk jao giải hu khik caga. Menuac tame tabiak labik ni hu tui iek catang. Yaok rituh cảnh sát, nhân viên an ninh hu ba mai khik iek vil val sang do. Labaih 1200 urang pathau khan hu brei thẻ, ba tin dalam tuk rah tabiak. Bruk jao giải mbang ka 89 ni hu papar binguk tapak, pachreih hu labaih 1 tỷ urang mong iek di labaih 225 negar di dunya.

10/ Sa urang daok di tỉnh Phây-um di Ai Cập metai kayua vi-rút cúm menuk ada. Ini lac urang akaok meti di Ai Cập metai dalam thun 2017 kayua njom  virut cúm menuk ada. Urang likei ini umo 48 thun thau lac dương tính hadei di tuk tame sang iek ruak tuk rup cảm li-ar saong pandiak. Min, urang ini metai hadei di nan. Thứ trưởng mintri Y tế Ai Cập Mu-sa Sô-li-man brei thau, urang likei ini ngak bruk dalam sa trang trại ada. Dom quy định an toàn hu peih ngak di trại ini piah khik ka jit ruak oh njom mbak./.