1# Mesup harei 27/9, di labik kubo ong Huỳnh Thúc Kháng daok angaok ceik Thiên Ấn, Tỉnh ủy, Hội đồng bhap bini, UB bhap bini, Ủy ban Mặt trận Negar Việt Nam 2 tỉnh Quảng Ngãi saong Quảng Nam peih bruk am cuh glau pahadar 140 thun harei menek ong Huỳnh Thúc Kháng (1/10/1876-1/10/2016) , dahlau deih ngak quyền Chủ tịch negar Việt Nam Dân chủ cộng hòa, urak ini lac negar Cộng hòa xã hội chủ nghĩa Việt Nam. Ông Đặng Ngọc Dũng, Phó Chủ tịch UB bhap bini tỉnh Quảng ndom lac: “Pahadar 140 thun harei menek quyền chủ tịch nước Huỳnh Thúc Kháng lac tuk piah ka kol drei hadar veik dom rik daong praong di ong Huỳnh Thúc Kháng brei ka cách mạng Việt Nam saong brei ka Quảng Ngãi. Đảng bộ saong bhap bini Quảng Nam , Quảng Ngãi thau dar phor ong, kham merat bac megru dom sarak di Đảng, abih di nyu nan lac Sarak nyomroya  Đảng pakat negar mbang 12”.

2/ Urak ini, huyện Đăk Pơ tỉnh Gia Lai patagok hu labaih 15.500 drei limo, dalam nan, limo lai meblah 85%; lac palei hu tapon limo lai ralo abih dalam tỉnh. Abih di nyu nan lac, hu jaik 7.000 drei limo lai hu patagok dalam dom bhum urang bangsa takik; baoh sang raong ralo hu meng 5 tal 7 drei saong baoh sang raong takik jeng hu meng 1 tal 2 drei limo lai. Bruk njauk uan tabuan nan lac dom baoh sang urang bangsa takik raong limo lai jeng samar tabiak truh kan kathaot khang kajap, hu oh takik baoh sang daok yam tagok ngak kaya meda meng raong limo.

3# Tal urak ini, tỉnh Lâm Đồng hu 27 palei ngak meng kan daok ngak bruk yaok thun, pachreih hu labaih 20.000 urang ngak. Dom palei ngak rilo meng ngak gah tiểu thủ công nghiệp saong ngak nong, yau ye: menyim khan bai, ngak lan am, ngak krah pariak, ngak  alak cần saong pala bingu công nghệ cao... Yaom lac ba hu bruk ngak ka rilo urang ngak palei pala, min jien bilan di urang ngak dalam dom palei ngak urak ini biar glaong jang gauk biak rilo, ngak ka urang ngak oh chreih bui.

4/ Tukvak jaik di ini, tỉnh Tiền Giang hu buh jien tabiak ngak bahrau, pasiam veik, peih praong dom jalan mbak palei pala tui jalan “karja saong bhap bini ba gauk ngak”. Jalan ngak ini daok ba mai kein laba, daong patagok kinh tế - XH puk palei. Min, rilo radaih praong pajeng biak trak nao mai ngak ka dom jalan ini khut trak; oh lac mbuan ba tal bala angaok jalan mbak bo daok ngak kan kandah tal bruk nao mai ngak mbang di bhap bini.

5# Hội Liên hiệp Thanh niên Việt Nam tỉnh Tây Ninh pambuak bruk haong Trường Đoàn Tây Ninh perih tal pasram megru paglaong ilamu ngak bruk Hội Liên hiệp thanh niênthun 2016. Tal pasram piah pabak dom ilamu ka bruk ngak di Hội; daong ka urang jakar Hội pasram megru, paglaong ilamu dalam bruk ngak di Hội Liên hiệp thanh niên.

6/ Kapul y, bác sĩ ban raya HCM pambuak bruk saong mban trị sự phật giáo huyện Hớn Quản, tỉnh Bình Phước barau peih bruk iek ruak, brei jru saoh ka bhap bini kan kathaot daok di 2 xã Phước An saong Thanh Bình. Dom y, bác sĩ dalam kapul hu khám, iek ruak ka 300 urang saong brei jru saoh ka dom urang ruak kan kathaot hu triệu chứng yau: cảm, pandik akaok, pandik talang, dom ruak meta, me-ik saradang… Abih tih yaom jien iek ruak, brei jru saoh jaik 30 triệu đồng.

7# harei pataom saong Diễn đàn Sân khấu Trung Quốc - ASEAN mbang ka 4 di Quảng Tây, Trung Quốc bahrau tamt bloh.  2 kadha di sân khấu Việt Nampataom mbaok tame jeng mek hu giải Vở diễn Xuất sắc. Lambaok sân khấu Việt Nam tame Harei ptaom, Nhà hát Kịch Việt Nam hu yaih khan vở kịch nói “Lâu đài cát” saong kadha “Ngũ biến” kayua Nghệ sĩ nhân dân Lệ Ngọc parang me-in. Dom urang phê bình lý luận sân khấu Trung Quốc saong ASEAN taong yaom glaong 2 kadha di Việt Nam. Taong abih 2 kadha jeng mek hu giải “Vở diễn Xuất sắc” saong giải cá nhân "Nghệ sỹ biểu diễn xuất sắc” brei ka Nghệ sĩ nhân dân Lệ Ngọc; Nghệ sĩ ưu tú Danh Nhân.

Patui di ini dom khau tin dunya:

8/ Dalam sa mbang taom gaok di ban ine Tokio NB, Ngoại trưởng Nhật Bản Phu-mi-ô Ki-si-đa saong urang dahlau lac akaok mintri Ngoại giao Trung Quốc Đường Gia Triền hu ndom tal bruk njauk ngak ka dua taneh ia pasiam veik talei pambuak bruk dalam tukvak tal.  

9# Dom khau tin meng Ai Cập brei thau, gah cứu hộ taneh ia ini bahrau duah mboh gac 8 urang metai dalam bruk tableik kapal pajeng menuac di cư kram di melam 21/9 gah lingiu tasik Địa Trung Hải di taneh ia ini. Yau nan, mbiah tal harei ini, gah cứu hộ bahrau duah mboh abih tih 170 urang metai, nan ye daok 120 urang karei jeng daok lihik.

10/ Thủ tướng Đức An-giê-la Méc-ken hu panuac ieu Liên minh châu Âu duah sa thỏa thuận nhập cư saong dom taneh ia yau Ai cập saong Tuy-ni-di yau thỏa thuận mek hu saong TNK piah pacang cakak menuac nhập cư sung hukum tame châu Âu./.