1# Mintri Y tế bahrau padang Dự thảo Thông tư  kuhria dahlau lac meng akaok thun 2017  meda ramik veik yaom viện phí ngan saong urang oh hu thẻ bảo hiểm y tế. Dahlau di nan, meng bilan 3 thun 2016 tal urak ini, 2 Mintri Y tế saong Jien padai hu 2 mbang tagok jien  viện phí min tok pandar ka urang hu thẻ bảo hiểm y tế. Tui dự thảo di Mintri Y tế, meng harei 1/1/2017, viện phí di urang oh blei bảo hiểm y tế tagok 30% saong tal harei 1/7/2017 tagok 50% duk saong urak ini, hu rilo dịch vụ tagok glaong jang 2, 3 mbang kayua urang ruak oh blei bảo hiểm y tế njauk bayar taong abih yaom jien chi phí.

2/ VN daok dalam kapul 15 taneh ia hu urang njuk pakao ralo abih dunya, dom ruak pambuak tal pakao ngak brei jaik 100 urang metai sa harei. Min, tapa pasang iek brei mboh jaik 70% urang njuk pakao caong khin klaak njuk pakao  kayua yau nan ye bruk tư vấn, daong dom urang caong khin klaak pakao lac bruk njauk ngak saong tuk camereip mboh hu kein lagaih.

3#  Tỉnh Phú Yên bahrau peih bruk pasang iek bruk ngak  di dom mỏ patau di xã An Phú, ban sit Tuy Hoà saong dom mỏ patau di huyện Tuy An mbuan ngak brei ô nhiễm môi trường. Tapa pasang iek mboh lac: Rilo mỏ patau abih tukvak ngak min jeng daok ngak. Dommo3 patau hu gia hạn tal bilan 10 saong bilan 11 thun ini min dalam tuk ngak, oh pan njuak tui dom adat hukum kakhik caga môi trường, ngak pandik hatai bhap bini. 

4/ Urak ini, dom kapal ikan di urang taong cap ikan Khánh Hòa hu ngak barau, salih bharau biak takik duk saong bruk hu ba tabiak. UB bhap bini tỉnh Khánh Hòa barau hu harak pandar dom sở, ngành, puk palei pambuak tal langyah kan kandah ka urang taong cap ikan dalam tukvak peih ngak sarak brei mesraiy, sarak bảo hiểm saong dom sarak karei di Nghị định 67 ka patagok kaya ikan. Dom urang ginup điều kiện hu mesraiy phun jien oh giới hạn umo, oh brei thế chấp drap ar. Dom po kapal ikan hu mbaoh tangin tame harak pambuak bruk mesraiy phun jien tui Nghị định 67 nao taom gilang pariak piah hu ramik veik tukvak mesraiy phun jien.

5# Piah jhul khang bruk patrun kathaot, meng akaok thun tal ini, tỉnh Bạc Liêu hu peih bruk jao phun jien, pandap ngak mbang pala drak ka labaih 2.630 baoh sang kathaot, tui yaom jien jaik 16 tỉ đồng. Saong daok hu peih pato bruk ngak ka 900 urang . Tui kuhria, bruk pato bruk ngak ka urang ngak palei pala tukvak 2016 – 2020, Bạc Liêu meda pato bruk ngak ka 60.000 urang ngak, saong yaom jien brei ka bruk ini labaih 486 tỉ đồng.

6/ Peih ngak danak dak daong ia pandar  ka baoh sang bhap bini bangsa takik kan kathaot daok di dom xã biak kan kandah ka ia pandar, dalam thun 2016, mban bangsa tỉnh Trà Vinh hu pambuak bruk saong pasak ia pandar Trà Vinh pagam nding raok saong caik đồng hồ ia ka 717 baoh sang, daong ka 3.166 baoh sang blei bồn caik ia saong rok bingun ka 26 baoh sang urang bangsa takik kan kathaot dalam tỉnh ngan saong yaom jien abih tih labaih 5 tỉ đồng. 

7# Di xã Ngọc Réo, huyện Đắk Hà, tỉnh  Kon Tum, Ủy ban bhap bini huyện Đắk Hà  bahrau peih bruk tamat tal pato taong cồng chiêng, tamia xoang ka thanh, thiếu niên bangsa Xê Đăng daok dalam xã. Hadei di jaik 3 bilan bac, 30 thanh, thiếu niên Xê Đăng hu dom nghệ nhân cồng chiêng, tamia xoang pato dom kadha chiêng saong ragu tamia xoang; jalan diễn tấu saong parang me-in cồng chiêng, tamia xoang dalam dom rija, roya.

Patui di ini dom khau tin dunya:

8/ Jabat y tế Thái Lan daok duah thau 4 urang metian njauk ruak vi-rút Zi-ka, dalam nan 3 uranaih ndih tapui tabiak hu akaok sit. Meyah bruk nan lac biak, ye ini lac dom urang akaok meti di bhum Đông Nam Á, njauk vi-rút Zika ba tal  ka-iu glo akaok di uranaih kamar. Mintri y tế Thái Lan brei thau,  3 uranaih ndih tapui tabiak hu akaok sit saong sa anek kamar 36 adit daok dalam tian amaik tuk siêu âm jeng mboh akaok sit  

# Hạ viện Pakixtan brei tapa sa hukum praong,  brei adat tut angan likhah ka urang kumei bangsa takik tui agama Hin-đu (Ấn Độ giáo). Ini lac paga pacang puac abih hu yam tapa angaok jalan peih ngak hukum khik caga quyền urang kumei di taneh ia ini. Bruk likhah caga hu adat hukum, hu daong khik caga siam jang ka urang kumei Ấn Độ giáo. Min jeng hu panuac lac, rajaei negar ini njauk ngak rilo jang piah langyah bruk cap mek urang kumei saong kateik greik tui sa agama.

10/ Hu takik di abih 4 urang metai saong labaih 100 urang njauk rambuah tuk ribuk Mê-gi  tuh tame Đài Loan (TQ). Ngan saong ngin khang tal 160 km sa tuk, ribuk Mê-gi, mbang ribuk ka 3 nao tapa Đài Loan dalam bilan ini, ngak brei hajan praong, ngin khang, nan ye dom sang bac, jabat ngak bruk njauk kreik pabah mbang, jalan radaih siêu tốc Brak – meraong padeih peih. Takik abih 167 urang njauk rambuah, labaih 11 ribau 500 urang njauk panduan nao labik karei. Ribuk jeng ngak ka labaih 2 triệu baoh sang lahik điện saong labaih 45 ribau baoh sang oh hu ia. Dom darak pasar jien padai di Đài Loan njauk kreik pabah mbang./.