1 ** Page harei 29-8, pak Hà Nội, Ủy viên Bộ Chính trị, Akaok Quốc hội Nguyễn Thị Kim Ngân mai pataom mbaok tuk peih bruk brei thau saong patabiak tapuk ameh Sáng tạo Việt Nam thun 2016. Tapuk ameh Sáng tạo Việt Nam thun 2016 palih ruah saong brei thau 71 kadha roh duah. Ini lac dom roh duah ba mai ralo kein lagaih ka rai diuk yaok harei. Brei panuac tuk peih bruk, akaok Quốc hội Nguyễn Thị Kim Ngân ndom lac, bruk palih ruah, biên tập saong brei thau tapuk ameh sáng tạo Việt Nam meda hu peih ngak yaok thun, di tuk pahadar Harei negar Cộng hòa xã hội chủ  nghĩa Việt Nam, lac bruk ngak biak hu makna.

2/ Patui dom jalan ngak piah pasiam bruk ba thực tập sinh VN tapa NB, cục khik iek urang ngak di negar langiu (mintri lao động TB saong XH) barau hu harak payua dom doanh nghiệp ba urang VN nao ngak bruk di negar langiu tui hợp đồng ka dom asal kadha. VN hu pambuak bruk ba menuac tapa NB ngak bruk meng thun 1992. Min, karei jang dom taneh ia karei, NB oh taduan urang ngak phổ thông bo taduan urang ngak tui jalan thực tập sinh kỹ năng.

3 ** Viện Hàn lâm Khoa học saong Công nghệ Việt Nam bahrau brei thau bruk pilih pok brei Giải thưởng Trần Đại Nghĩa thun 2016 ka 2 công trình khoa học. Nan lac công trình “Ilamu ngak tinh quặng pasei, thép saong pandap padang ngak oh am cuh meng gluh bhong” di Tiến sỹ Vũ Đức Lợi, Viện Hóa học (Viện Hàn lâm Khoa học saong Công nghệ Việt Nam) saong Tiến sỹ Nguyễn Văn Tuấn, Công ty Cổ phần thương mại Thái Hưng; Công trình “Pandar công nghệ tiên tiến ngak tabiak vắc xin pacang caga ruak ka manuac” di Giáo sư - Tiến sỹ khoa học Hoàng Thủy Nguyên saong aruah Giáo sư – Tiến sỹ khoa học Đặng Đức Trạch, Viện Vệ sinh Dịch tễ Trung ương.

4/ Di ban Đà Nẵng “Diễn đàn khoa học công nghệ mbang ka 2” hu peih tabiak di đại học Duy Tân, ini lac harei parang iek công nghệ saong pambuak đầu tư brei ka sinh viên, urang ruah duah khoa học ranaih umo sapng kapul khởi nghiệp. Tapa nan, 10 sản phẩm, sáng chế gheih abih di sinh viên dom sang bac đại học Duy Tân, kinh tế, Hoa Sen saong Đại học Bách Khoa hu parang iek, yaih khan anak đại biểu. Dalam nan hu dom ý tưởng, sản phẩm pachreih hu ralo bruk sangka di dom ayut sinh viên, chuyên gia saong daonh nghiệp.

5 ** Lễ Nghinh Ông - lễ hội meng kan di urang Lo – bahrau rah tabiak pak bal sit Phan Thiết, tỉnh Bình Thuận. Lễ raok atah atah labaih sa mbaik jalan, patui taok gauk nao tapa dom canah jalan dalam pasak bal sit. Nao tal halei, kapul urang raok jeng hu mikva dang tapen dua gah jalan uan raok biak sambai. Lễ nghinh ong brei mboh hatai caong khin di urang Lo ka taneh ia siam mekre, menuac sia khang kajap,hajan siam, ngin laghaih, ngak mbang hu ginup meda, gul pataom Yuan – Lo angaok bhumi Phan Thiết.

6/ Melam 28/8, di ban raya HCM, 30 urang siam binai dalam taneh ia hu pataom gauk pakacah mbang chung kết bruk pakacah hoa hậu VN thun 2016. Hadei di dom mbang pakacah ao tah, ao menai ia, ao dạ hội saong pakacah ndom puac, mban peih bruk hu brei thau saong pok vương miện hoa hậu VN thun 2016 ka Đỗ Mỹ Linh. Mban peih bruk pakacah hu jao vương miện yaom 2,2 tỷ đồng saong 500 triệu đồng jien thưởng ka hoa hậu Đỗ Mỹ Linh.

7 * Jaik 14 tuk harei 28/8, sa bala mblung aia rah tabiak pak palei Khe Giao, xã Ngọc Sơn, huyện Thạch Hà (Hà Tĩnh), ngak ka ong Hoàng Văn Thủy saong anek kamei Hoàng Thị Cẩm Tú metai. Makna lac dalam tuvak pathram caluai ka anek, ong Thủy janal takai laik tame aia dalam. Mboh ame mblung aia, kamuan Tú gam prew manuac urang mai daong, gam duah jalan daong veih ame. Yau nan min, bruk daong oh jeng, dua anek ame metai kayua mblung aia.

Patui di ini dom khau tin dunya:

8/ Nyaom meyai pakat dunya Tô-ki-ô mbang ka 6 ka patagok châu phi harei kabroi hu tamat di ban ine Nai-rô-bi di Kê-nia, ngan saong bruk NB sanya daong 30 tỉ đô la Mỹ patagok cơ sở hạ tầng di châu phi dalam 3 thun tala. Nyaom meyai ini hu mbaok di 34 urang dang akaok châu phi saong labaih 10 ribau đại biểu. Paok jien ini hu dui atah 3 thun meng thin ini, dalam nan hu 10 tỉ ka dom dự án cơ sở hạ tầng, hu peih ngak tapa talei pambuak bruk saong gilang pariak patagok châu phi. Abih tih đầu tư tapak di NB di châu phi lac 1, 24 tỉ đôla Mỹ dalam thun 2015.

9 ** Harei 28-8, sa sruh radiah buýt pajeng 42 urang tableik angaok jalan cao tốc pak labik tự trị bangsa Choang Quảng Tây, gah Meraong negar Trung Quốc, ngak ka 10 urang metai, 32 urang njauk rambuis. Gah daong padam khuah hu ba nao tal labik nan piah daong ka urang njauk bala.  Hu thau, bala rah tabiak tuk radaih buýt  angaok jalan nao bal Nam Ninh, pasak tỉnh Quảng Tây. Radaih buýt ginuh khang tame dải phân cách gah hanuk blaoh tabaleik trun ribaong tapen jalan.

10/ Biar harei 28/8, Xinh-ga-po brei thau hu 41 urang njom virút Zika kayua jamuok njom ruak dalam taneh ia kaik bo oh pambuak tal tuai nao DL. Dalam dom urang ini hu 36 công nhân xây dựng urang negar langiu ngak bruk dalam công trường di An-du-nin (Aljunied), gah selatan Xinh-ga-po.Dahalau di nan, harei kabroi mintri y tế Xinh-ga-po brei thau urang njauk ruak akaok meti dalam nội địa, jeng lac di labik An-du-nin.  Karja hu peih bruk duk iek drah ka 124 urang, ralo meng lac công nhân xây dựng. Dalam 41 urang hu dương tính, ye 34 urang hu thit ruak./.