1# Biar harei 29/9 di Hà Nội, Mintri Tài nguyên saong Môi trường peih bruk pathau khan ka môi trường negar tukvak 2011-2015.  Tapa nan, brei thau, taong yaom bruk môi trường taneh, ia, không khí, đa dạng sinh học saong dom bruk môi trường praong dalam tukvak tapa. Abih di nyu nan lac bruk ô nhiễm môi trường daok tagok khang.

2/ Hadei 9 thun peih ngak danak dak brei mesraiy ngan saong anek saih, sinh viên. Gilang pariak sarak karja hu daong ka yaok triệu anek saih, sinh viên dalam baoh sang kan kathaot, baoh sang jaik si kan kathaot saong baoh sang gaok kan kandah hu mesraiy jien bac daa saong padang mbang ngui. Tal urak ini, abih tih jien brei mesraiy di danak dak labaih 56 ribau tỷ đồng, jien daok mesraiy urak ini jaik 21 ribau tỷ đồng ngan saong labaih 3,3 triệu mbang anek saih, sinh viên hu mesraiy jien bac daa saong padang mbang ngui.  

3#Piah daong bhap bini gaok kan kandah kayua môi trường tasik, Ủy ban bhap bini tỉnh Quảng Bình hu peih bruk parabha labaih 5.500 tấn brah meng gilang khik piah di taneh ia. Bruk ngak nan piah daong ka bhap bini dom bhum tasik Quảng Bình yam tapa dom kan kandah di anak meta, tani tanat raidiuk. Tui nan, labaih 3.000 tấn brah nan hu ba brei dom labik gaok kan kandah kayua môi trường tasik. Mbang ka 2, tỉnh brei labaih 2.500 tấn brah daok veik di bilan 11/2016.

4/ Labaih 90% bhap bini ban ine njauk hatai tuk peih ngak dịch vụ brei harak chứng minh nhân dân. Ini lac tỷ lệ njauk hatai hu bhap bini ban ine taong yaom glaong abih dalam tukvak langyah harak gar hành chính di HN, hu brei thau di var ngak bruk harei 28/9 di UB bhap bini ban HN saong kapul pasang iek, taong yaom di dom jabat TƯ ka bruk duah thau bruk njauk hatai di bhap bini, di kapul nyaom brei ka bruk ngak di jabat hành chính karja.

5# Mesup 29/9, di ban sit Buôn Ma Thuột, tỉnh Đắk Lắk, mBan tacei jalan Tây Nguyên peih nyaom biai pok meyaom urang jakar puk, palei, tổ dân phố bhum Tây Nguyên. Mai pataom mbaok, hu jaik 200 urang lambaok ka jaik 50.000 urang jakar puk , palei saong labaih 5,5 triệubhap bini dom bangsa daok dalam dom tỉnh Đắk Lắk, Gia Lai, Kon Tum, Đắk Nông saong Lâm Đồng. Tapa nan, urang hu ginum biai, klah rabha ilamu pambak praong urang naih gheih, pachreih ba bhap bini hu mbaok tame bruk pakacah gauk anit taneh ia, pakhang bruk jum pataom dom bangsa, ba gauk patagok kinh tế, xã hội, khik kajap quốc phòng, an ninh, paglaong raidiuk mbang ngui daok dang ka bhap bini dom bangsa bhum Tây Nguyên.

6/ Piah dak harei dak pasiam bruk pacang khuah saong padam khuah, ban raya HCM brei peih dom dự án pasiam, peih praong bruk thông tin liên lạc, padang cơ sở dữ liệu saong phần mềm duh ka bruk khik iek, tacei jalan padam khuah saong daong urang njauk bala. Tal thun 2020, ban raya hu 258 radaih padam khuah dom janih gam saong mac njuk, kapal padam khuah angaok kraong, ca nô daong urang njauk bala saong caik barau labaih 6 ribau 800 trụ ia padam khuah, abih di nyu nan lac pandar công nghệ barau dalam bruk báo khuah samar.

7#Pa-uan  Sene Dolta di bhap bini Khmer,  mBan tacei jalan Tây Nam bộ kayua ong Nguyễn Trung Hiếu, Phó mBan saong dom urang dang akaok tỉnh hu mai rivang, alin pandap ka dom ong bhik, dom urang jakar hưu trí, baoh sang sarak karja bangsa Khmer daok dalam tỉnh Sóc Trăng, Kapul hu mai rivang, alin pandap ka baha Som Rong (phường 5),  baha Khleang, baha Mahatup (chùa Dơi) di ban sit Sóc Trăng, baha Prek On Đơk, di huyện Mỹ Xuyên; rtivang, alin hadiah pandap brei kapul jum pataom ong bhik anit taneh ia tỉnh Sóc Trăng saong sang bac Bổ túc ilamu Pali trung cấp Nam bộ.

Patui di ini dom khau tin dunya:

8/ Harei 28/9, tamat mbang pakacah tangin gheih Hiệp hội dom taneh ia Đông Nam Á (ASEAN) mbang ka 11 di Malaysia, kapul Việt Nam mek hu abih tih 10 huy chương ameh di 6 bruk, nan lac bruk bảo trì mac CN glaong, cơ điện tử, điện tử,  Thiết kế kỹ thuật Cơ khí, Xây gạch saongTự động hóa công nghiệp. Langiu di nan, dom anek saih VN daok mek hu 5 huy chương pariak, 4 huy chương ban saong 15 chứng chỉ bruk ngak naih gheih, Tapa nan, VN dang ka 3 toàn đoàn.

9#  Biar harei 28/9, sa mbang jaleih ceik khang di ban Lệ Thuỷ (Li Shui) tỉnh Chiết Giang,  Đông Trung Quốc  lam lihik labaih 40 urang daok pak labik nan, labaih 20 baoh sang jeng lam lihik atau tayah tayac. Kuhria tal 11 tuk jalan pandiak 29/9, gah  cứu hộ daong hu 15 urang, urak ini jeng daok 27 urang lihik, karja pak nan brei panduan ba jaik 1 ribau 500 bhap bini nao tal labik siam mekre.

10/  QH Mỹ brei tapa saong pok tagok Tổng thống Mỹ Ba-rắc Ô-ba-ma dự luật kadung jien pacang cakak bruk rajaei njauk kreik pabah mbang di puac adit ini. Dự luật brei kinh phí takik harei daong dom jabat liên mban Mỹ khik kajap bruk ngak meng harei 1/10 tal harei 9/12. Meyah dự luật oh hu gia hạn, dom jabat rajaei Mỹ meda abih jien piah ngak bruk kayua tài khóa liên mban thun ini abih hiệu lực di harei 30/9./.