1/ Hadei di 3 thun peih ngak bruk sang bac tui jalan bahrau, bruk pato megru di ban Đà Nẵng mek hu rilo siam mekre yau, patagok bruk bac eng, khik eng, song paglaong kĩ năng mềm ka dom anek saih, peih tabiak jalan gah ilamu jang yau kĩ năng ka anek saih. Bruk njauk biai di jalan ngak ni lac salih bahrau meng pato pakai tui jalan meng kan tapa pato pakai tui jalan anek saih lac pasak, bac eng, tong yaom eng, gru pato lac urang tacei ba nao gam song anek saih, dong ka dom adei duah thau eng, pabak ilamu dalam yaok tuk bac di sang bac.

2/ Dalam dom harei tapa hajan khang dui atah di tinh Bình Định, ngak khut khat yaok pluh km kraong ribaong dalam mblang hamu, jalan mbak, tui kuhria khat lahik jaik 1 tỷ 200 triệu đồng. Eng xã An Nhơn hu yaok ribau ha taneh pala mai kiểng dom janih. Dalam mbang ia sua ini hu 200/350 ha dom bein mai pala dalam hamu njauk ia sua dauk. Ini lac khat lahik oh takik ngan saong urang pala mai jeng yau kinh tế di ban sit.

3/ Mintri ngak nong song patagok palei pala song Mban Chỉ huy pacang caga bala meng lingik tasik song dong duah urang njauk bala tỉnh  Tây Ninh , Công ty khai thác thủy lợi Dầu Tiếng- Phước Hòa, peih bruk pasram megru pacang cakak  dom bruk kan kandah rah tabiak di binek Dầu Tiếng. Binek Dầu Tiếng lac hệ thống thủy lợi prong abih di taneh ia, padang hu labaih 1,58tỷ m³ ia. Binek prong  labaih 27 ngàn hecta, tapa 3 tỉnh Tây Ninh, Bình Dương, Bình Phước. Dom thun tapa, binek Dầu Tiếng duh ka bruk pruh ia ngak nong, ngak cong, pacang ia mbak njom tame, khik caga môi trường ka Tây Ninh song dom tỉnh jiak tapen.

4/ Tui sở công thương tỉnh  Bình Thuận, tal urak ini hu dom đơn vị pablei salih dalam tỉnh peih bruk khik mepiah pandap tani tanat yaom darak tết nguyên đán anek sak menuk 2017. Tui kuhria yaom jien khik mepiah pandap tuk tết jaik 133 tỷ đồng di dom đơn vị lac: Công ty Cổ Phần pablei salih Bình Thuận, Siêu thị Co.op Mart Phan Thiết, Siêu thị Co.op Mart La Gi, pasak Dịch vụ bhum ceik tỉnh. Hu thau, pandap khik mepiah nan lac brah, diuk, ralo, baoh menuk ada, saradang, ia tasau, menyek, mì tôm, njam patam baoh karaoh dom janih, sara I ốt.

5/ Meng akaok thun tal ni, UBMT negar VN dom pakat di tỉnh Trà Vinh hu jak ba dom kapul nyaom, menuac urang rik pataom, dong ka urang kan, padang ngak palei pala bahrau song yaom jien abih tih jiak 13 tỷ đồng. Meng pok jien ni, UB MT negar VN dom pakat dalam tỉnh padang ngak hu 253 boh sang “Jum pataom”, ngak 230 boh jaman hacih saat ka sang kathaot,  ngak 40 baoh tatua song jalan mbak palei pala.

6/ Gah y tế tỉnh Bạc Liêu daok peih dom jalan ngak piah patagok bruk pacang cakak ruak ka uranaih dalam tuk langik salih bilan, abih di nyu nan lac dom ruak viêm phổi, aih caraoh, tangin takai cambuai, pandiah tabiak drah. Urak ini pasak y tế dự phòng tỉnh daok jhul pakhang bruk pathau khan, kakei bhap bini, amaik ame sangka iek glang pren yava ka uranaih, tui iek ruak kik, dom urang njauk ruak barau, dom sruh jit ruak, patui bruk pato pasram ka urang jakar y tế, bhap bini dalam bruk iek ruak, pacang ruak; khik ginup jru, trang thiết bị y tế, pacang cakak ruak.

7/ Bilan 12 ni, dom janih pandap yau saradang, ia tasau, tapung, ia hani… pabak ka bruk ngak har, kẹo mứt di dom cơ sở sit sot, ba tame ban raya HCM biak rilo. Dom pandap nan, rilo meng oh hu harak gar, oh njauk saong quy định hacih saat pandap mbang, hu duah mboh, chap mek, tong phạt song xử lý. Yaom jien bo chi cục khik ramik darak pasa ban raya HCM mek hu meng bruk pasang iek, taong phạt, kuhria meng akaok thun tal ni, tagok tal 7 tỷ đồng

Patui di ini dom khau tin dunya:

8/ Harei 5/12 hu rah tabiak sa mbang megei baoh taneh khang 6,4 độ rích-te langiu tasik tỉnh Đông Nu-xa Teng-ga-ra, bhum kreih negar In-đô-nê-xi-a. jabat khí tượng saong địa vật lý In-đô-nê-xi-a brei thau, mbang megei baoh taneh rah tabiak di 8 tuk 13 minit mesup ini (tui mong puk palei), pasak di mbang megei ini daok dalam 524 km ala mbat tasik, atah tỉnh Phlo-rê Ti-mu, In-đô-nê-xi-a 120 km mai gah ia san.

9 Dom urang ilamu di sang bac Đại học Men-bơn (Melbourne), Ôx-trây-li-a, bahrau patagok hu sa janih vắc xin akaok meti di dunya pasiam ruak viêm nha chu atau ruak lin tagei. Janih vắc xin bahrau ni nyu ngak lihik atau ngak parun biak rilo bruk pandar jru kháng sinh atau blac raih dom urang ruak viêm nha chu trak.

10/ Vê-nê-xuê-la brei thau hu ba tame pandar di darak pasar 6 janih jien ba-ar saong 3 janih jien xu mệnh giá barau di kreih bilan 12 ini, piah patrun dom tavak tavaiy dalam pandar cai di darak pasar dalam tuk lạm phát daok patagok. Bruk pabak dom mệnh giá barau hu daong ka bruk pandar cai di drak pasar hu siam lagaih jang, saong patrun hu chi phí sản xuất, payua jien, ba mai kein laba ka giglang pariak, doanh nghiệp saong bhap bini./.