1/ Tổng cục Thủy sản  di mintri ngak nong song patagok palei pala bahrau tacei ba tuk vak palao rong hadang ia lợ thun 2017 ka dom puk palei, piah patrun khat lihik kayua bala meng langik tasik, jit ruak. Dom tỉnh meng Khánh Hòa tal Bình Thuận rong hadang sú palao pajaih meng bilan 3 tal bilan 8/2017, rong hadang thẻ takai patih palao pajaih meng bilan 2 tal bilan 9/2017 ( dom tỉnh yau Ninh Thuận, Bình Thuận meda rong tal bilan 12/2017). Ngan song dom tỉnh Đông Nam bộ rong hadang sú palao pajaih meng bilan 2 tal bilan 7/ 2017, hadang thẻ takai patih meng bilan 2 tal bilan 8/ 2017.

2/ Harei 6/12, di dom tỉnh bhum kreih negar hu hajan khang. Ia sua di kraong Trà Khúc, kraong Vệ di tỉnh Quảng Ngãi tagok jiak tal tanut báo động 3, ia sua di dom kraong di Thừa Thiên Huế, Quảng Nam tagok veik. Hajan ia sua dom harei tapa ngak ka 15 urang metai, dalam nan tỉnh Quảng Nam 3 urang, Quảng Ngãi 5 urang saong Bình Định 7 urang. Bruk dauk dalam, rah tabiak khang di tỉnh Quảng Ngãi. Abih di nyu nan lac dom huyện Ba Tơ, Minh Long, Tư Nghĩa, Nghĩa Hành, Sơn Tây, Sơn Hà, Bình Sơn.

3/ Piah jhul samar bruk peih ngak Nghị định 67 di rajaei ka dom sarak patagok kaya ikan, tuk vak anak tal tỉnh Thanh hóa daok khik bruk dong pasiam veik tui định kỳ ka dom kapan kanduk pasei ngak bahrau tui sarak 67 song dong jien pajeng ba pandap panda ka dom kapan dịch vụ hậu cần tong chap atah boh taneh hu công suất jamriak meng 400 CV tagok tal abih thun 2020, saong patrun bruk daong pajeng meng 10 mbang tabiak tasik dalam sa thun trun dok 4 mbang tabiak tasik dalam sa thun

4/ Tỉnh Thừa Thiên - Huế daong ka bhap bini hu pandar dịch vụ y tế ka bruk dự phòng, cấp cứu, iek ruak saong paglaong pren yava, rik daong peih ngak jayah dom bruk di chiến lược tasik VN tal thun 2020. Tui nan, tỉnh pakhang mạng lưới y tế lagaih saong bruk khik caga, iek glang pren yava bhap bini bhum tasik, taphia di nan paglaong  bruk cấp cứu, pajeng ba, iek ruak, pacang cakak JIT ruak saong DOM ruak kik di bhum tasik; pabak ilamu ka bhap bini bhum tasik eng drei meda khik caga pren yava, thau sơ cấp cứu saong ba urang gaok bala nao tal dom labik cấp cứu bhum tasik.

5/ Tỉnh Phú Yên dok peih ngak danka dak pala takik di abih 500 ha tangei lai bilan đông xuân 2016-2017 di angaok taneh ngak padai takik kein liba. UB bhap bini tỉnh Phú Yên hu mbaoh tangin  pambuak bruksong kapul  InVivo NSA Vietnam (Pháp) song  Công ty Trách nhiệm Hữu hạn Kinh doanh - Xuất nhập khẩu Vạn Thắng. Tui nan di 2 xã Hòa Tân Tây , song  Hòa Quang Nam,  huyện Phú Hòa, urang nong pala iek phun tangei lai di angaok taneh prong labaih 27 ha, dalam nan  hu dom  pajaih CP111, CP333, NK67, NK7328. 

6/ Mblang radaih miền Tây hu ba tabiak jalan ngak piah duh ka tết nguyên đán anek sak menuk 2017. Tui nan, yaom harak tabung glaong tagok oh tapa 40% duk saong yaok harei saong mblang radaih hu peih pablei harak tết meng harei 7/1/2017. Tukvak duh tết nguyên đán thun 2017 di mblang radaih miền Tây lac 20 harei (dalam nan hu 10 harei dahlau tết saong 10 harei hadei tết), cambaih laih lac meng harei 18/1/2017 (lac harei 21/12 tui saka ia bulan) tal abih harei 6/2/2017 (lac harei 10/1 saka ia bulan).

7/ Meng harei 11 tal 14/3/2017 di tỉnh Điện Biên hu peih lễ hội bingu Ban thun 2017 song harei pataom ilamu thể thao du lịch. Lễ hội bingu Ban lac bruk ngak ilamu yaok thun di tỉnh, dong khik ramik song patagok ilamu di bhap bini dom bangsa tỉnh ĐB. Tapa nan, mban peih bruk cong khin jhul pakhang dom bruk ngak piah dui pachreih, pambuak bruk du lịch, ba ĐB jeng sa labik du lịch prong di taneh ia dalam dom thun tal.

Patui di ini dom khau tin dunya:

8/ Dalam mbang nyaom harei 5/12, Nga saong TQ hu quyết định taih klaak sa dự thảo nghị quyết di Hội đồng Bảo an Liên hợp quốc ka sa lệnh padeih cuh 7 harei di ban A-lép-pô di Xyri. Yau nan, ini lac mbang ka 6 Nga pandar quyền phủ quyết di drei ka bruk srau kadau di Xyri meng tuk rah tabiak bruk mesruh metak di taneh ia Trung đông ini.

9/ Rajaei Thái Lan daok kuhria daa Nhật Bản gam buh jien tame ngak dự án jalan pasei cao tốc yaom 500 tỷ Baht (samu 14,2 tỷ đô la) tuk sa kapul pakat glong di NB nao rivang Băng Cốc di PUAC bilan 12. Thủ tướng Thái Lan Pra-dút Chan-ô-cha hu panuac lac 2 negar meda buh jien tabiak padang ngak jalan atah abih tih 673km

10/ London meda buh tabiak 770 triệu bảng Anh dalam tukvak 2016-2020 piah pachreih bhap bini di London nao mai meng radaih juak. THỊ TRƯỞNG London Xa-đích Khan brei thau, ini lac sa dalam dom kham merat piah ba London jeng ban siam mekre, hacih sa-at. Taphia di nan, London daok hu sarak padang dom dự án tui mô hình Hà Lan pataom sit, di dom bhum langiu ban, piah patrun sap radaih nao mai  di dom jalan labik bhap bini daok./.