1/ Taduan panuac daa di akaok Thượng viện song akaok  Hạ viện Cộng hòa Ấn Độ, Kapul pakat glong QHVN kayua akaok QH Nguyễn Thị Kim Ngân pang akaok hu nao rivang Cộng hòa Ấn Độ meng harei 8 tal harei 11/12. Mbang nao rivang cộng hòa Ấn Độ di akaok Quốc hội Nguyễn Thị Kim Ngân hu makna biak prong, ngak brei dalam jang talei rohim di VN song Ấn Độ: ngak brei cambaih laih jang talei pambuak bruk praong, taong abih gah di 2 negar, pakhang saong patagok bruk pambuak gauk di Việt Nam song Ấn Độ.

2/ Urak ini, Đắk Lắk daok tame bilan paik cà phê, caga rok lễ giáng sinh saong tết dương lịch, mban an toàn jalan mbak tỉnh hu tacei pato gah chức năng patagok bruk khik caga, pasang iek, piah patrun bala.

3/ Hội Chữ thập đỏ tỉnh Kon Tum pambuak bruk song kapul, y, bác sỹ halan hatain Hội Chữ thập đỏ tỉnh Đồng Nai song Công ty Trách nhiệm hữu hạn Pouchen hu mai iek ruak brei saoh song brei pandap ka mik va bangsa takik kathaot xã Đắk Na  song xã Đắk Rơ Ông, huyện Tu Mơ Rông tỉnh Kon Tum. Di labik ni, labaih 20 urang jakar, y bác sỹ halan hatain tỉnh ĐN hu iek ruak brei saoh ka 500 urang, ngan song jien jru yaom 50 triệu đồng, alin brei 500 pok pandap yaok pok yaom 500 ribau đồng dalam nan hu brah, khan aow, mì tôm.

4/ Thun 2016, tỉnh Hậu Giang hu parabha brei jaik 14 tỉ đồng daong bhap bini bangsa takik, dalam nan jaik 7 tỉ 500 triệu đồng peih ngak danak dak 135 piah daong bhap bini Khmer di 29 palei biak kan kandah padang ngak 7 công trình jalan mbak palei pala, sa sang bac mẫu giáo saong daong dom mô hình raong pabui, kabau, limo, menuk ada, ikan piah patagok kinh tế patruh eik patrun kathaot.

5/ Peih bruk padang ngak palei pala bahrau gam song bruk paglaong chất lượng bruk tong abih bhap bini jum pataom gauk dak padang rai duik ilamu “ tỉnh Bến Tre taduan hu bruk njauk hatai, pachreih tui di bhpa bini. Mbaok meta puk palei dak harei dak salih bahrau. Dalam thun 2016 ni, BT hu 9 xã mek hu chuẩn palei pala bahrau.

6/ Piah pabak ka bruk blei pandar di bhap bini tuk tết nguyên đán anek sak menuk 2017, di Tiền Giang hu 7 doanh nghiệp tut angan tame khik mepiah, pabak pandap tết ngan saong yaom pandap abih tih labaih 377 tỷ đồng, tagok jaik 32 tỷ đồng duk saong tết nguyên đán thun 2016. Dom doanh nghiệp hu mbaok tame khik mepiah, pabak pandap tết hu dom gilang di tỉnh pasang iek, brei mesraiy takik laba; taphia di nan brei sanya khik kajap chất lượng, ưu tiên pandap VN saong hu sarak khuyến mãi, tani tanat yaom kaom, yaom biar jang yaom darak pasar takik abih lac 50%. 

7/ Piah yaih khan pandap panda kaya nong hacih saat tal bhap bini, tacei ba bhap bini palih ruah pandap siam, meng harei 10-11.12 di Khu đô thị Phú Mỹ Hưng, quận 7, ban raya Hồ Chí Minh hu rah tabiak harei pataom “ Nông trại hajao” song rilo bruk parang iek pandap panda kaya nong hacih, klah rabha ilamu ka dom mô hình ngak kaya nong hacih saat. Tapa nan hu panuac ieu bhap bini kham merat pachreih tui bruk ndom oh song pandap mbang jhak, pamong tal jalan duikRAI hajao, duik rai khang kajap.

Patui di ini dom khau tin dunya:

8/ Đại sứ quán Việt Nam di Campuchia gam saong kapul urang Campuchia asal Việt Nam di tỉnh Cam-pông Chơ-năng barau peih pakak sang bac ka anek kamuan urang Việt daok di huyện Bo Ri Bô. Sang bac nhà bè hu padang ngak angaok Biển Hồ lac labik bac daa saong sinh hoạt di jaik 200 anek saih lac anek kamuan di labaih 600 baoh sang urang Việt. Sang bac padang ngak abih 36.000 đôla.

9/ Akaok mintri pablei salih Thái Lan A-pi-ra-ĐI  daok hu panuac ieu bhap bini pablei brah tapak angaok internet yau sa jalan pablei brah bahrau song cong hu takik di abih 120 tấn brah hu pablei dalam 4 bilan akaok meti tui jalan ngak ni. Cục Xúc tiến pablei salih song Cục patagok DN hu taduan peih ngak bruk nan song angan ieu lac “ Dom urang nong Thái yaih khan thông minh

10/ Jabat khik iek bala tỉnh A-xê, gah pai In-đô-nê-xi-a brei thau, kuhria tal tukvak ini, dom urang metai dalam mbang megei baoh taneh khang 6,4 độ rích-te rah tabiak harei 7/12 di labik ini tagok tal labaih 20 urang. Mbang megei baoh taneh jeng ngak ka yaok pluh urang njauk rambuah, palai pajoa khang cơ sở hạ tầng dalam bhum./.