Harei ini, 7/6, labaih 10 rabau urang Cam Islam di VN yam tame bilan eik Ramadan

1# Jabat Ủy ban bhapbini Quận 4, ban raya Hồ Chí Minh barau peih var taom gaok bhapbini Cham tuk tame bilan eik Ramadan thun 2016. Di var taom mbaok, Ông Châu Văn Hai - Phó Trưởng ban bangsa ban raya lambaok ka ban raya payua panuac tadhau yuh tal bhapbini urang Cam hu bilan Ramadan thun 2016 haniem siam jang. Tapa nan, mban bangsa ban raya hu alin yaok sang sa paok pandap yaom 400.000 đồng.

2/ Dalam tuk nan, Ramưwan di Ninh Thuận jaik tamat. Ramưwan lac harei praong abih dalam thun di urang Chăm Bani di NT. Ramưwan lac tuk piah ka urang Chăm daok atah palei mai pataom gauk, ba gauk naogul saong likau ka sa thun barau halan siam ngin lagaih, baoh sang hanem phon. Ini jeng lac tuk piah tuai damuai dalam saong langiu taneh ia mai NT piah rivang me-in, duah thau saong ilamu hadah krah di bhap bini chăm Ninh Thuận.

3# Pachreih tui bilan ngak bruk pacang caga kol tội phạm ma túy saong harei bhapbini pacang caga ma túy 26/6, Bộ chỉ huy biên phòng Hải Phòng pambuak bruk saong Công an huyện Kiến Thụy, peih bruk pathau khan ka pacang caga tội phạm ma túy saong pacang caga kol pablei salih menuac ka bhapbini xã Đại Hợp. Saai Phạm Thị Trâm, palei Việt Tiến, xã Đại Hợp, huyện Kiến Thụy, ban sit Hải Phòng lac :“Nao tame tan ini dahlak jeng hu rilo ilamu piah thau lac urang nghiện piah thau pacang caga saong kakei dom urang dalam sang di drei plaih atah ma túy ”

4/ Thun ini, tỉnh Sơn La hu labaih 10.000 anek saih tut angan tame pakacah THPT. Min hu labaih 70% anek saih tok xét tốt nghiệp THPT, jaik 30% daok veik tut angan gam xét công hận tốt nghiệp THPT, gam xét tame ĐH, CĐ. Tal urak ini, bruk kuhria caga ka mbang pakacah hu tỉnh peih ngak njauk jalan ba tabiak; pasram megru ka urang jakar iek pakacah; chấm thi, khảo sát labik peih pakacah, parabha labik pakacah; kuhria caga cơ sở vật chất duh ka bruk pakacah.

5# Bruk nerak alam môi trường takai tasik gah kreh negar daok di tanut báo động. Yaom lac dom puk palei hu ba tabiak rilo jalan ngak piah pasiam veik min bruk nerak alam mo truong tasik kayua harek tuh tabiak, ia nerak tuh tabiak jeng oh ka trun. Ông Nguyễn Thành, sang daok jaik kênh Phú Lộc, quận Thanh Khê, ban sit Đà Nẵng khan lac : meng rilo thun ini mai, sang ông saong mikva di ini mbang oh bingi, ndih ph var kayua mbau bruk.

6/ UB bhap bini huyện Bá Thước, tỉnh Thanh Hóa brei thau, bala kayua ngạt khí mỏ ameh harei 5/6 di palei Kịt, xã Lũng Cao, ngak 3 urang gaok bala. Tal urak ini, dom gah chức năng samar peih dom jalan ngak daong duah dom urang gaok bala daok gar.

7# Pagaiy harei 7/6, Trạm cấp cứu vệ tinh ka 4 di ban raya Hồ Chí Minh padang di sang iak ruak quận Thủ Đức ba tame ngak bruk. Trạm cấp cứu ini ngak bruk sơ cứu saong pajeng ba urang ruak di quận 9 saong quận Thủ Đức. Bác sĩ Nguyễn Minh Quân, Giám đốc sang iek ruak quận Thủ Đức brei thau: “Mai meng bruk lac Thủ Đức nyu praong saong hu rilo canah jalan praong, bhian gar radaih kayua lac pabah mbang tame ban raya Hồ Chí Minh. Rilo tuk radaih cấp cứu mai tal ye urang ruak metai. Yau nan ye, njauk ngak habal  cấp cứu samar di abih piah samal daong menuac plaih di metai”

 Patui di ini dom khau tin dunya:

8/ Di Sang daoh sit di ban ine Mátxcơva, mintri ilamu, TT saong DL VN pambuak bruk saong mintri ilamu Liêng bang Nga peih dom harei ilamu VN di LBN 2016. Di tuk peih dom harei ilamu VN hu parang iek 35 blah rup cih lụa di 10 tác giả, họa sĩ lac giảng viên sang bac ĐH  mỹ thuật VN ngan saong kadha ka sajarah dak rai, ka rai diuk yaok harei, jeng yau dom phong cảnh siam, hu daong ka bhap bini Nga thau jang ka dom yaom glaong di ilamu VN.

9# Rajaei Pháp brei thau meda buh tabiak yaok pluh triệu ơ-rô dalam Quỹ khẩn cấp piah daong dom urang gaok kan kandah kayua mbang hajan xua trak abih kuhria dalam 100 thun tapa. Tui Thủ tướng Pháp Ma-nu-en Van, yaok pluh triệu ơ-rô hu brei ka dom sang gaok kan kandah di abih. Langiu di nan, rajaei Pháp hu daong jien padai ka urang nong saong labaih 1000 doanh nghiệpgaok kan kandah kayua hajan xua di  tỉnh Sen ê Ma-nơ. 

10/ Dom mbang không kích tame sa drak daok di gah timur Xyri pak dalam harei camereip di bilan Ramadan di urang Islam ngak ka 17 urang metai, dalam nan hu 8 uranaih./.