1 # Khu Công nghiệp pandar Công nghệ glaong Cần Thơ hu padang ngak angaok mblang taneh labaih 244ha. Mục tiêu di Đề án nan lac jhul pakhang patagok saong pandar hu hiệu quả công nghệ glaong dalam gah ngak nong, piah dak padang bruk ngak nong cakrok patagok tui gah hiện đại, ngak tabiak pandap panda prong, hu năng suất, chất lượng, hiệu quả, abih di nyu lac hu pren meriak gauk glaong. 

2/ Tui ong Ngô Văn Tuấn, Giám đốc Sở Công Thương tỉnh Tiền Giang, thun 2017, tỉnh buh tame 550 tỷ đồng patagok lưới điện duh ka bruk patagok kinh tế - xã hội dalam tỉnh. Meng phun jien nan, Tiền Giang peih ngak 38 công trình, hu  384 km jalan talei trung thế; 2.698 km jalan talei hạ thế, abih tih dung lượng trạm lac 16.815 KVA.     

3 # Tui Mentri ngak nong saong patagok palei pala. Kuhria tal abih bilan 4/2017, taong abih mblang taneh ngak padai Đông Xuân bhum Taneran kraong  Cửu Long hu yuak kuak blaoh. Tui harak khan rah tapa, năng suất padai dalam bhum thun ini mek hu 62,7 tạ/ha, trun 1,5 tạ/ha (samu 2,4%) dut haong vụ Đông Xuân dahlau saong trun di jaik abih dom tỉnh dalam bhum kayua pambak di langik tasik. 

4/ Tok dalam tukvak panak, puac bilan 4, akaok bilan 5 ini, di dua huyện M’Đrắc, Ea Súp saong ban sit Buôn Hồ, tỉnh Đắk Lắk hu ralo sruh jit cúm menuk ada, ngan saong jaik 1.000 drei ada njauk ruak. Gah chức năng hu ba nao am cuh klak taong abih menuk ada di dom baoh sang hu jit, pruh jru pametai anek ruak labik raong glang, pasang iek catang bruk pablei salih, pajeng ba menuk ada. Gam saong nan, patagok pasang iek bruk raong glang, pasang iek jit ruak saong klauk pacang cakak pabak ka menuk ada.   

5 # Pak tỉnh Đắk Nông bahrau mboh sa sruh jit cúm menuk ada H5N1, karja puk palei hu tacei pato gah chức năng samar padam jit saong pacang cakak hu njaom mbak prong. Sruh jit hu duah mboh di xã Đức Xuyên, huyện Krông Nô, ngan haong 4 ribau drei menuk ada njauk ruak, mboh ralo lac ada.

6/ Tui Chi cục raong glang saong Thú y tỉnh Kon Tum, tỉnh barau hu jit laka cambuai tapaok kakau di athur raong, njauk caik hatai lac jit daok njom mbak meng limo tapa pabui. Sruh jit laka cambuai tapaok kakau di tapon athur  di palei O, xã Ya Xier, huyện Sa Thầy. Tal urak ini hu 54 drei limo di 20 baoh sang bhap bini njauk ruak, dalam nan hu 3 drei metai.

7 # Tui ong Huỳnh Văn Thuyết, Akaok hợp tác xã Raong pala kaya ikan dalam aia saong ngak tabiak sara Chợ Bến, xã An Ngãi, huyện Long Điền, tỉnh Bà Rịa-Vũng Tàu, thun ngak sara bahrau thun 2016-2017, sản lượng sara di hợp tác xã biar jang dut haong tukvak ini thun dahlau meng 40% - 50% kayua pambak di langik hajan suan bilan, không khí la-ar. 

Patui di ini dom khau tin dunya:

8/ Di tỉnh Rattanakiri, Campuchia Công ty Hoàng Anh Mang Yang hu peih bruk pahadar 10 thun pala phun cao su di CPC. Hadei di 10 thun peih ngak dự án pala cao su di tỉnh Rattanakiri, Công ty Hoàng Anh Mang Yang pala hu jaik 7 ribau ha phun cao su ngan saong yaom phun jien buh tame ngak abih tih 65 triệu đo la Mỹ. meng ini tal thun 2020, Công ty Hoàng Anh Mang Yang hu ba tame kuah mek katak 4.200 ha cao su; sản lượng kuah mek tal thun 2020 lac 3.900 tấn saong sản lượng pataom blei lac 1.200 tấn.

9 # Liên hợp quốc brei thau, mesruh metak saong bala iek lapa daok ngak ka labaih 2 triệu uranaih di Nam Xu-đăng njauk klaak sang danaok nao, ngak tabiak mbang khủng hoảng urang tị nạn prong abih Châu Phi kuhria meng bala diệt chủng Ru-an-đa thun 1994.

10/ Nga, Iran, Thổ Nhĩ Kỳ barau mbaoh tangin tame sa bản kanal, njauk gauk brei dui atah tukvak bhum patrun căng thẳng di Xy-ri hu hiệu lực dalam takik di abih lac 6 bilan. Lệnh oh brei par di 4 labik patrun căng thẳng jeng hu pandar ngan saong kapal haok quân sự, dalam nan hu Xyri piah pacang khủng bố./.