# Melam 15/11, Thủ tướng raja-ei Nguyễn Xuân Phúc saong hadiuk di gait gam haong kapul urang lambaok pakat glaong Việt Nam hu mai tal Hà Nội, tamat siam mekre mbang nao hu mbaok dalam Nyaom biai pakat glaong ASEAN mbang ka 33 saong dom nyaom biai pakat glaong pambuak pagam tal tui panuac daa di Thủ tướng Singapore Lý Hiển Long. Dalam tukvak 3 harei, Thủ tướng Nguyễn Xuân Phúc hu danak dak ngak bruk samar drah di dua gah saong rilo gah. Thủ tướng Nguyễn Xuân Phúc jeng hu panuac caong dom negar, meng dom bruk ngak cambaih laih, pachreih tui dom jalan ngak ini di ASEAN. Nyaom biai pakat glaong ASEAN mbang ka 33 hu jao chức Chủ tịch ASEAN ka Thái Lan.  

# Patui danak dak mbang nyaom ka 6, harei ni ( 16/11) , Quốc hội ginum biai di  hội trường ka dự án hukum pacang caga kanyah jhak di alak ,bia song dự án hukum pasiam veik  , pabak dom paka di hukum  Đầu tư công. Tui dom  urang QH, dự án hukum pacang caga  kanyah jhak di alak, bia pasiam veik  dom tavak tavaiy, cong kandah , hukum ka bruk pacang caga kanyah jhak di alak  bia urak ni song samu gauk di dom  quy định hukum ka bruk sản xuất, pablei salih alak mbia. Dalam nan tagok bruk khik ramik  ngak alak thủ công, salaih bahrau labik palei salih, salih bahrau thủ tục hành chính, khik ka siam pren yava di bhap bini. Taphia di nan hukum hu batabiak khang jang ka tuk vak pablei, labik pablei song ngak catang jang dom paka meyaih khan alak, bia. Meng  Dự án hukum pasiam veik , pabak dom paka di hukum  Đầu tư công, dom urang QH hu panuac ieu njauk pataom tame pasiam veik, pabak dom quy định pagam tal  03 nyaom  sarak, dalam nan nyaom sarak hu quy định chung, nyaom sarak ka bruk khik ramik dự án, nyaom sarak ka bruk  khik ramik kế hoạch đầu tư công.

# Pahadar 36 thun Harei Gru pato Việt Nam 20/11, Trung ương Hội Liên hiệp Thanh niên Việt Nam pambuak haong Mentri pato megru, Mentri Lao động Thương binh saong Xã hội saong Tập đoàn Thiên Long peih ngak danak dak “Klah rabha gam haong cei gru anai gru”  2018 piah pok meyaom dom gru pato daok pato anek saih jaoh jo dalam cơ sở pato pakai biak karei, pasak daong patagok pato pakai hòa nhập saong pasak bảo trợ xã hội. Di danak dak, 48 kreh camin gru pato hu pok meyaom. Brei panuac di danak dak, Phaok Thủ tướng Vũ Đức Đam ndom lac: dom cei gru, anai gru abih di nyu lac gru pato hu pok meyaom harei ini nan lac dom urang meda nghị lực, kiên trì saong hu hatung hatai siam gheih. Tapa kareih camin dom cei gru, anai gru, labaih 1 triệu cei gru nai gru dalam negar tuk halei jeng hu iek prong saong kham merat  yam tapa kan kandah piah rik daong tame bruk pato pakai menuac ngak ka taneh aia.

 # Tui kết luận mbang nyaom ka 31, meng harei  12 tal harei 14/11, Ủy ban Kiểm tra Trung ương thi hành kỷ luật dom urang jakar. Pasang iek, thi hành kỷ luật dom  vi phạm di ong Tất Thành Cang, Ủy viên Trung ương Đảng, Phó Bí thư Thường trực Thành uỷ thành phố Hồ Chí Minh  ngak suan nguyên tắc tập trung dân chủ song  quy định di Thành ủy ka bruk khik ramik , pandar drap ar di  dom  doanh nghiệp di sở hữu Đảng bộ Thành phố.  Pasang iek, thi hành kỷ luật dom urang  hu pagam tal  Dự án Tổng Công ty Viễn thông Mobifone blei 95% cổ phần di  Công ty cổ phần paNG iekdunya (AVG). Thi hành kỷ luật ong  Chu Hảo, Giám đốc - Tổng Biên tập Nhà xuất bản Tri Thức, urang dahlau deih ngak Ủy viên Ban cán sự đảng, Thứ trưởng mintri Khoa học song Công nghệ, dahlau deih ngak  thành viên Hội đồng Trung ương Liên hiệp dom nyaom ilamu  Khoa học song Kỹ thuật Việt Nam. UBKT Trung ương quyết định thi hành kỷ luật tui jalan khai trừ tabiak truh  Đảng  ong  Chu Hảo .

    # Harei 15/11, TAND huyện Bình Chánh, TP.HCM tabiak tuyên phạt bảo mẫu dalam bruk taong paoh uranaih di sang bac mầm non Ánh Sao Vàng 1 thun 6 bilan guk. Bảo mẫu Trần Thị Hồng Phúc (umo 26 thun) njauk truy tố ka tội taong paoh urang karei. Akaok thun 2018, Phúc tame ngak bảo mẫu di cơ sở mầm non Ánh Sao Vàng, huyện Bình Chánh, TP.HCM. Page harei 25/7, sa uranaih oh menyum sữa saong taglaoh ta-aok,  Phúc mek dép nhựa taong gam gam tame takai saong mek tangin pah tame mbaok uranaih. Hadei di nan, Phúc daok pandar katrei tacei tame cambuai uranaih đe dọa, blaoh mek tangin taong tame mbaok uranaih. Pasak Pháp y, Sở Y tế TP.HCM brei thau, uraniah nan njauk chấn thương phần mềm ngak barah labik má, di akaok gah hanuk. UBND xã Đa Phước hu brei padeih bruk ngak di sang bac mầm non ini. Hadei di tuk rah tabiak bruk ini, Phúc hu bồi thường ka baoh sang uranaih nan 60 triệu đồng.

Patui di ni dom khau tin dunya:

# Tui  hãng tin AFP, di  phiên tòa xét xử trùm ma túy Mexico, El Chapo, dok rah tabiak di Mỹ, dom khau  tin tatuan megei pagam tal jalan pablei salih  ma túy prong di  băng nhóm Sinaloa daok hu blo tabiak. Harei 15-11, di tòa,  sa dalam dom urang  dalam nyaom El Chapo, ong Jesus "El Rey" Zambada, lac urang adei lakei di sa urang pal akaok băng nhóm karei lac Ismael "El Mayo" Zambada urak ni dok nduac duah, brei thau ka dom pok jien prng bo băng nhóm Sinaloa hu klaak tabiak piah khik caga dom pandap cấm hu pajeng meng  Colombia tapa Mexico tal  Mỹ. Dom pok jien "đi đêm" ni  kuhria taeng di ban ine  Mexico City di  Mexico tagok tal  300.000 USD yaok bilan

# Ủy viên châu Âu iek gah pablei salih Cecilia Malmstrom brei thau, Liên minh châu Âu (EU) hu kuhria caga dom jalan cagar veik meyah Tổng thống Donald Trump pandar thuế bahrau ngan haong radaih ô tô di dom negar thành viên liên minh pablei tapa darak pasar Mỹ. Yau nan min, amuk C.Malmstrom jeng ndom lac, EU halan hatian ginum biai sa sanya pablei salih hu giới hạn ka dom pandap panda công nghiệp yau ô tô piah pamaong tal tanut jien je 0% brei ka dua gah.

.# Anak bruk cagar veik biak  khang  di 3 hiệp hội lambaok ka labaih   20.000 po cơ sở pablei salih pandap mbang di Malaysia,  Akaok mintri  Y tế Malaysia Dzulkefly Ahmad ndom lac hukum oh brei jnuk pakao hu batabiak meng akaok thun ta. Tui lambaok di  3 hiệp hội ni, adat oh brei njuk pakao nan ngak kan kandah tal bruk pablei salih pandap mbang dalam nega, min gah rajaei  Malaysia ndom lac, adat nan piah khik iek pren yava di bhap bini, abih di nyu nan lac urang kamei, uranaih song urang taha. Malaysia lac negar hu urang jnuk paka glong di abih  yaom lac rajaei kak je khang janih pandap ni . Yaom pakao di Malaysia tuk halei jeng glong jang meng  3 - 4 mbang dut song rilo negar karei dalam bhum./.