1# Dalam tuk pahadar 132 thun harei Dunya urang ngak  1/5 saong “bilan urang ngak” mbang ka 10 thun 2018, Liên đoàn lao động TPHCM bahrau peih bruk taom mbaok urang ngak lac urang bangsa takik. Ini lac sa dalam dom bruk ngak di “Bilan urang ngak mbang ka 10 thun 2018. Dalam nan, danak dak daoh karaoke pacvhreih hu biak rilo adei sa-ai urang ngak hu mbaok dalam var taom gaok.

          2  # Tui nan, Liên đoàn Lao động tỉnh Tây Ninh jeng hu alin  brei  bồn ia ka 40 boh sang urang ngak,  viên chức, urang ngak kan kathaot di  huyện Châu Thành. Yaok  bồn ia hu dung tích 500 lít,  yaom 1 triệu đồng/sa bồn, hu jao ka dom boh sang urang ngak, viên chức, urang ngak dok di bhum njom mbak, njom likhun, min oh hu jien blei bồn ia khik ia pabak ka bruk pandar yaok harei. Hu thau dalam mbang ni, LĐLĐ tỉnh peih bruk brei  200 bồn ia pandar hu yaom  abih tih 200 triệu đồng.

3 # Mintri pato megru bahrau brei thau angan dom  máy tính caik kadung hu ba tame phòng thi mbang pakacah trung học phổ thông pakat negar thun 2018. Hu thau, tui Thông tư ka 04/2018/TT-BGDĐT harei 28/2/2018 di akaok mintri pato megru pasaim, pabak dom paka di Quy chế pakacah trung học phổ thông pakat negar saong xét công nhận tốt nghiệp trung học phổ thông, dom máy tính caik kadung hu adat ba tame phòng thi lac dom máy tính oh ngak văn bản hu saong oh hu thẻ nhớ piah khik dữ liệu. Tui panuac khan di mintri pato megru, mbang pakacah THPT pakat negar thun ini lac meng harei 24 tal harei 27/6/2018.

               4  # UBND tỉnh Bình Phước bahrau tabiak Kế hoạch 79/KH-UBND ka bruk peih ngak đề án “Dong bruk likei kumei samu gauk bhum bhap bini bangsa takik tuk vak  2018-2025” dok dalam tỉnh. Kham merat thun 2025, taong abih urang jakar , công chức ngak bruk bangsa , 50% urang jakar, công chức ngak bruk pagam tal bruk likei ,kumei samu gauk di pakat  huyện, pakat xã song urang hu angan je, urang hata palei naih gheih dalam bhap bini bangsa  takik hu pathau khan ka bruk likei kumei samu gauk song pasram megru, pato pakai ilamu, paglong ilamu peih ngak, pathau khan sarak hukum ka bruk likei kumei samu gauk.

5 # Phó Giám đốc dhar gilang pariak sarak karja tỉnh Nguyễn Sỹ Cường brei thau, Đồng Nai hu Gilang pariak sarak karja Việt Nam buh brei 20 tỷ đồngpiah brei mesraiy blei sang daok, pasiam atau ngak bahrau sang daok. Ini lac danak dak brei mesraiy tui Nghị định 100/2015 di rajaei ngan saong yaom jien laba 4,8%/năm. Gilang pariak sarak karja tỉnh hu peih bruk pato pasram ka dom urang jakar  dom phòng giao dịch ka bruk brei mesraiy piah samar peih bruk brei ka urang hu mesraiy.

          Patui di ni dom khau tin dunya

6  # Thủ tướng Ấn Độ Na-ren-đa Mô-đi (Narendra Modi) hu mbang nao rivang  Trung Quốc dalam akaok bilan  5 ni piah jhul pakhang talei pambuak di 2 ga. Dalam mbang nao rivang ni, tui kuhria Thủ tướng Ấn Độ hu mbang taom gaok song Chủ tịch Trung Quốc Tập Cận Bình di nyaom biai pakat glong không chính thức. Ấn Độ song  Trung Quốc oh hu jalan palih ruah halei karei langiu di bruk patui jalan pambuak talei rohim suai lavik, jhul pakhang bruk ngak kein lagaih song patagok haong gauk.

           7 # Dom gah daong di dunya sanya lac dalam thun ini meda daong 4,4 tỷ USD ka urang gaok kan kandah dalam bruk mesruh metak di Syria. Panuac sanya nan hu ba tabiak dalam nyaom biai dui atah 2 harei di Brussels (Bỉ), hu mbaok labaih 80 taneh ia di dunya gam saong dom cơ quan, dom kapul nyaom daong brei di dunya. Yaom jien sanya daong ini biar jang yaom 6 tỷ USD hu ba tabiak dalam nyaom biai dreih yau nan di thun bloh jeng yau yaom 9 tỷ USD bo LHQ caong hu piah daong ka bhap bini di Syria saong dom urang tị nạn nduac tapa dom taneh ia jaik taphia nan.

         8  # Tổng thư kí Liên hợp quốc An-tô-ni-ô Guê-tê-rết (Antonio Guterres) bahrau hu panuac len án  bruk  tong bom tame sa pasak tut angan bầu cửa di  Áp-ga-ni-xtan. Dom urang metai dalam mbang tong bom nan di Ca-bun ( Kabul) tagok takik di abih 57 urang song labaih 100 urang karei njauk rambuac. Kol IS brei sap lac drei peih bruk tấn công ni./.