1# Di Hà Nội, Mintri Công thương bahrau peih nyaom biai ba tabiak jalan ngak ka thun 2018. Thun 2017 gah Công Thương ngak hu biak siam taong abih bruk. Njauk ndom tal di abih lac bruk sản xuất công nghiệp tagok jang 9,4%. Mbang akaok meti, bruk pablei tabiak negar lingiu di Việt Nam hu yam tapa tanut 200 tỷ USD, tagok jang labaih 21%, lac tanut patagok biak siam dalam tuk bruk patagok gah pablei sal;ih di dunya daok di tanut biar, rilo darak pasar daok brei ngak veik bruk bảo hộ dalam taneh ia, takik bruk blei meng negar lingiu. Thun 2018, Mintri Công Thương brei nao tapak tame dom  bruk praong yau: Peih ngak siam jalan patagok pablei salih dalam taneh tukvak tal thun 2025 saong ba tabiak jalan tal thun 2035.

2 # Thun 2018, mintri  Tài nguyên song Môi trường daok brei padang ngak pasiam gah thể chế, pok tagok Quốc hội pasang iek, brei panuac ka  dự án hukum pasiam veik, pabak dom paka di hukum taneh riya;  saong pok tagok Thủ tướng rajaei patabiak sa  1 nghị định, 1 quyết định di  Thủ tướng rajaei piah padang jalan jhul patagok bruk pataom hamu taneh ka ngak nong tui jalan ngak prong. 

 3# Di sang bac Đại học Kinh tế- Đại học Đà Nẵng, Thành đoàn, Hội Liên hiệp dam dara ban sit Đà Nẵng pambuak bruk haong Báo Tiền Phong peih harei pataom brei darah hu angan "Harei adit bhong" mbang ka X thun 2018 saong pataom iek veikl bruk pathau khan, jak ba brei darah thun 2017. Ngan saong kadha "Brei darah daong menuac- Suan yava di ayut saong dahlak", labaih 1.200 dam dara urang đoàn dalam ban sit Đà Nẵng hu brei darah, tui kuhria pataom mek hu jaik 1.000 đơn vị darah. 

  4 # Khat lihik kayua ribuk 12 song ia sua gam gam, pambuak song yaom saradang dalam negar dok trun beir dok ngak ka urang pala tabau Phú Yên gaok kan kandah dalam bruk pablei tabau. Urak ni yaom saradang dalam taneh ia trun tagok meng 11.000-11.500đ/kg, ngak ka bruk pala saong pablei tabau dalam negar gaok kan kandah.

 5# Tỉnh Quảng Ngãi bahrau tabiak bruk daong, pok meyaom,khen thưởng sang, palei, xã, huyện tabika truh kan kathaot di bhum ceik tỉnh Quảng Ngãi, tukvak 2016-2020. Tui nan, sang kathaot bhum ceik meyah tabiak truh kathaot gam gam dalam 2 thun hu daong 10 triệu đồng yaok baoh sang, sang jaik si kathaot lac 5 triệu đồng sa baoh sang. Lingiu di nan, tỉnh Quảng Ngãi daok hu daong 200 triệu đồng ka palei tabiak truh kan kandah saong 1 tỷ đồng ka xã tabiak truh bruk biak kan kandah.

Patui di ni dom khau tin dunya:

 6 # Iran bahrau tah klak panuac ieu bahrau ni di  Mỹ ka bruk brei adat ka thanh sát viên negar langiu nao tal dom  cơ sở quân sự di negar ni, lac tui thỏa thuận hạt nhân hu angan Jalan ngak haong gauk di taong abih gah  (JCPOA) bo  Iran song Nyaom  P5+1 (lac Anh, Pháp, Nga, Mỹ, Trung Quốc song  Đức) hu mbaoh tangin di thun 2015.

 7# Tổng thống Pa-le-xtin Ma-mút Áp-bát brei thau, ong tok taduan sa ủy ban di dunya dang tabiak ngak trung gian ka dom bruk ginum biai siam mekre haong Ixraen, oh taduan brei Mỹ dang tabiak ngak bruk nan.Panuac di Tổng thống Áp-bát hu ba tabiak dalam mbang nyaom haong dom urang jakar pakat glaong di Pa-le-xtin dalam mbang ginum biai Hội đồng trung ương Pa-le-xtin, jabat tabiak bruk gaong abih di urang Pa-le-xtin.

8 # Tui kuhria mboh di  Ủy ban y tế song kế hoạch hóa boh sang Trung Quốc,  thun 2017 Trung Quốc hu jiak  700 ribau mbang urang njauk dom ruak njom mbak ngak ka 2 ribau 198 urang metai. Dalam nan dom ruak njom mbak  di nyaom B hu ruak bạch hầu, ruak  cúm, ruka gila, ruak ho gà, lao phổi... ngak ka rilo urang metai di abih, lac  2 ribau 187 urang ./.