# Harei 31/8, dom sang bac đại học, cao đẳng hu tamat blaoh bruk taduan mek harak tut angan pilih ruah pabak mbang ka 1 tapak di sang bac. Tui kuhria mboh di Mentri Pato megru, dalam mbang tut angan ini, labaih 48 ribau thí sinh hu tut angan pilih ruah tame jaik 81 ribau mbang sang bac ngan haong labaih 144 ribau hatai caong khin. Tapa nan brei mboh biak ralo thí sinh tok tut angan pilih ruah pabak tame 1 sang bac duy nhất saong kuhria rah tapa yaok thí sinh toktut angan 3 nguyện vọng dalam abih tih 6 nguyện vọng dom adei hu brei adat tut angan. 

#/ Di Tuyên Quang, piah dong ka bhap bini bhum atah bayah, bhum urang bangsa takik patagok KTXH, tani tanat rai duik, dak harei dak paglong akaok sahaneng, patruh eik patrun kathaot, meng ni tal thun 2020, tỉnh Tuyên Quang hu buh jien tabiak labaih 450 tỷ đồng patagok jalan điện trung áp, hạ áp piah pabak ka labaih 200 puk, palei. Danak dak jeng hu caik labaih 105 bilai biến áp song công suất abih tih jiak 6.500 KVA, hu labaih 7.300 boh sang hu pabak brei điện bahrau.

# Pak huyện biên giới Tân Châu, tỉnh Tây Ninh, Nhà xuất bản Giáo dục pambuak haong Sở Pato megru tỉnh Tây Ninh alin brei tapuk, pandap bac ka dom anek saih  anek kamuan Việt kiều Campuchia sang kan kandah. Pak ini, dom jabat hu alin brei 350 pok pandap ka anek saih kan kandah di 18 sang bac tiểu học. Dom anek saih nan lac anek kamuan di dom baoh sang Việt kiều Campuchia mai daok veik di Việt Nam, sang kan kandah, oh hu harak  khai sinh min jeng hu karja palei jak ba, palaghaih tame sang bac. 

#/ Salam uan harei Quốc khánh 2/9, di Cần Thơ - Công ty cổ phần jru Hậu Giang peih bruk nao takai kayua urang kan kathaot. Ni lac bruk ngak meng kan di Jru Hậu Giang piah pataom iek veik dom bruk ngak ka urang ruak kan kathaot tapa dom thun ngak bruk ni. Hu thau, thun bloh Kadung jien dong ka urang kan kathaot di jru Hậu Giang taduan hu 1 tỷ 900 triệu đồng. Meng kadung jien ni gam song pok jien labaih 8 tỷ đồng hu công ty jru Hậu Giang buh tabiak yaok thun piah samar dong ka rilo urang hu rai duik kan kandah.

# Harei 31/8, Chi cục raong glang saong Thú y tỉnh Đồng Nai hu ba am cuh klak 16 drei pabui laka cambuai tapaok kakau. Dom harei anak tal, Chi cục raong glang saong thú y tỉnh Đồng Nai meda pambuak bruk haong dom gah chức năng peih bruk pasang iek ruak laka cambuai tapok kakau angaok tapol pabui di xã Gia Tân 3, huyện Thống Nhất; taphia di nan, pathau khan, jak ba dom baoh sang raong glang peih bruk puh ramik van ro, pruh jru pametai anek ruak. 

#/ Tỉnh Trà Vinh dok padang ngak 3 danka dak pasiam veik 3 jalan ar pacang tapen tasik, tapen krong Cổ Chiên piah caga ia sua, glut jaleih taneh dalam bilan hajan ribuk, saong yaom jien abih tih labaih 1 tỷ 600 triệu đồng meng kadung jien pacang caga bala meng langik tasik, 3 danak dak hu pasiam veik lac, jalan ar pacang tapen krong Cổ Chiên di huyện Càng Long, pacang ia sua di xã Đông Hải, huyện Duyên Hải, patagok ar pacang di di palei Bào, xã Hiệp Thạnh, ban sit Duyên Hải. Ni lac 3 jalan ar pacang praong di abih bhian glut jaleih dalam bilan hajan ribuk song ia ndik ia sua, ngak khat lihik tal bruk ngak mbang pala drak song rai duik di bhap bini.

# Kapul đấu kiếm Việt Nam meda nao pakacah giải vô địch Đông Nam Á 2016 peih tabiak pak Singapore meng harei 3-6/9. Giải đấu hu labaih 150 kiếm thủ dalam khu vực hu mbaok tame pakacah 12 bộ huy chương cá nhân saong đồng đội likei kumei di dom nội dung kiếm 3 cạnh, kiếm tacaoh saong kiếm liễu. Pak  giải ini Việt Nam hu mbaok 24 vận động viên di taong abih dom janih pakacah.

Patui di ni dom khau tin dunya:

#/ Thứ trưởng Ngoại giao Trung Quốc Lưu Chấn Dân (Liu Zhenmin) harei 31/8 ndom lac dom talei pambruk di negar ni song dom negar dalam ASEAN dok yam tame tuk vak siam mekre di abih. Tui ong Lưu, mbang nao rivang anak tal di Thủ tướng Lý Khắc Cường hu dong ngak brei  siam jang talei pambuak  bruk ASEAN-Trung Quốc, pachreih patagok bruk ba drei tame Đông Á song khik ramik sron mbon, tani tanat dalam khu vực.

# Bahrau ini, hadei di mbang taom gaok Tổng thống Mê-hi-cô pak bal ine Mê-xi-cô Xity, ứng cử viên Tổng thống Mỹ di Đảng Cộng hòa Đô-nan Trăm (Donald Trump) sanya lac meyah hu ngak Tổng thống ong meda pasiam veik bruk nhập cư meng dom jalan ngak khang. Urang tỷ phú umo 68 thun ini brei thau meda padang sa “lực lượng đặc nhiệm chuyên trách” piah khik ka pahu lac, urang nhập cư suan adat hukum, abih di nyu lac kaol kanjah jhak oh brei tame negar ini. Ong Trăm brei thau, Ủy ban Di trú Mỹ njauk hu dom jalan ngak brei ngak dahlau saong salih bruk nhập cư oh daok njauk haong urak ini.

 #/ Harei 31/8 Tổng thống lâm thời Brazil Michel Temer (Mi-chen Tê-mơ) chính thức tagok ngak tổng thống hadei di tuk amuk Dilma Rousseff (Đin-ma Rút-xép) njauk bãi nhiệm dalam sa mbang luận tội dalam harei di Thượng viện. Rajaei di ong Temer pan bruk meng ni tal abih nhiệm kỳ urak ni di amuk Rousseff di bilan 12/2018.