1 # Hu labaih 720 ha padai thu đông (langiu ar pacang) di tỉnh An Giang njauk khat lahik saong ralo mblang taneh karei daok si njauk aia dauk… Anak bruk aia daok ndik glaong saong mbuan dauk yaok ribau hécta padai thu đông langiu  ar pacang, gah chức năng huyện Tri Tôn gam haong urang nong, daok samar jak ba manuac urang pasiam veik ar pacang; samar yuak dom mblang taneh padai bahrau tasak, yaom lac trun năng suất, trun chất lượng padai, min piah plaih aia sua lahik abih. Kan kandah urak ini nan lac ralo labik aia ndik tame tal takai hamu ngak ka bruk  yuak padai meng mac gaok ralo kan kandah; dalam tuk yuak padai meng tangin daok kurang urang yuak yaom lac hu bayar yaom pah glaong.

        2 # VinaPhone brei ba danak dak “Cặp đôi” 091-081 tabiak darak pasa  dalam dom harei tal.  Meng danak dak ni, dom thuê bao đầu số 091 di VinaPhone meda tut angan tame sim số 081 hu 7 số cuối trùng lắp. Piah hu ngak pô cặp số “Cặp đôi” di VinaPhone, Tuai meda truy cập blah chonso.vinaphone.com.vn, peih ngak dom thủ tục tut angan tui tacei pato  song taduan  sim hadei di harei 25/9. Thuê bao cặp đôi 091-081 hu brei saoh 2.000 minite ndom nyai sa bilan song gauk. Bruk Ưu đãi nan hu pandar dalam 2 thun, meng di tuk tut angan tame gói cặp đôi. Meng thun ka 3 nao, pok jien bayar ni lac  10.000 đồng.

        3     # Tui Sở pato megru bal Cần Thơ, kuhria tal urak ini, bal hu labaih 280 sang bac mek hu chuẩn, meblaih labaih 60%. Dom sang bac ini urak ini hu ngak salah blaoh cơ sở vật chất, trang thiết bị ka thun bac bahrau. Taphia di nan, dom sang bac saong labik pato megru karei dalam bal jeng samar peih ngak njauk tukvak. Yau nan min, di dom labik jeng daok dom công trình daok dalam tukvak ngak jaik blaoh. Kayua yau nan ye, Sở pato megru hu tacei pato dom labik pato megru njauk sangka tal bruk rami ramik sang bac, tal bac ka nyu laghaih piah grap tanat saong pabak ka bruk pato megru.

    4 # Thun bac bahrau 2018- 2019, huyện biak kan kandah  Kon Plông, tỉnh Kon Tum hu  19 sang bac bangsa gam bac gam dok, dalam nan hu  10 sang bac Tiểu học song  9 sang bacTrung học cơ sở hu abih tih labaih 2.100 anek saih bán trú. Bruk njauk uan tabuan lac, dalam thun bac bahrau ni tong abih sang dok, labik mbang huak di dom sang bac hu padang ngak khang kajap song hu ginup pandap pand. Bruk lac labik mbang huak, ndih daok di dom adei anek saih hu gah pato megeu tỉnh iek glang tani tanat daok ngak chreih chrai ka tong abih amaik ame song dom adei anek saih yam tame thun bac bahrau

5  # Bruk pok giải thưởng “Bùi Xuân Phái - Vì tình yêu Hà Nội” mbang ka 11 thun 2018 bahrau hu peih ngak di Hà Nội. Giải thưởng prong - Vì tình yêu Hà Nội” hu pok brei ka ong Nguyễn Bá Đạm (SN 1922). Ong hu mong yau ayut sahabat di urang cih Bùi Xuân Phái, hu angan iew lac “kỳ nhân tiền cổ Hà thành”.  Hạng mục “Tác phẩm - Vì tình yêu Hà Nội” thun ini hu pok brei ka tập thơ “Ta còn em” di nhà thơ Phan Vũ saong bộ phim “Mon Hanoi” (Hà Nội di dahlak) di ong Jean Noel Poirer, urang dahlau diah ngak Đại sứ Pháp pak Việt Nam. Giải “Ý tưởng - Vì tình yêu Hà Nội” hu pok brei ka đề xuất khik ramik saong patagok di chỉ Bein Patei di PGS Nguyễn Văn Huy saong dom urang khoa học. Giải “Bruk ngak – brei ka hatai ranam Hà Nội” hu pok brei ka 2 công trình: phố bích họa Phùng Hưng saong bruk alin hadiah brei ka Hà Nội 2 mỏ neo yao klak hu yaom glaonh di ong Quách Văn Địch.

Patui di ni dom khau tin dunya

        6 # Gah padai brah pandap mbang menyum (FAO) Liên hợp quốc hu panuac lac  jit tả pabui châu Phi dok rah tabiak di  Trung Quốc meda pambak tapa dom labik karei di  châu Á. Dalam panuac khan, FAO brei thau Trung Quốc hu am cuh klaak labaih  24.000 drei pabui di  4 tỉnh di negar ni, piah pacang cakak jit ruak njom mbak. Dom drei pabui njom ruak hu duah mboh di rilo labik atah di gauk labaih  1.000km, nan ye  jit ruak mbuan si pambak tapa jalan tapen negar.

    7    # Mbang akaok meti dalam 50 thun tapa, 1 ứng viên phi hành gia daok dalam tukvak pato pakaii di Jabat Hàng không Vũ trụ Mỹ (NASA)  likau tabiak truh danak pato pakaii ini. Nan lac ứng viên Robb Kulin (umo 34 thun), 1 dalam 12 thành viên di tal phi hành gia thun 2017 di NASA, likau padeih kayua lý do cá nhân meng harei 31-8. Hu jeng urang nao tagok lingik nan lac  caong khin di ralo menuac, tuk NASA brei thau bruk palih ruah phi hành gia di thun 2015, hu labaih 18.000 đơn tut angan hu payua tal. Min 99,9% manuac urang ứng tuyển oh tame hu meng dhi pilih ruah camereip, tỷ lệ tame hu tal pasram phi hành gia NASA tok samu 1/78 dut haong Đại học Harvard. 

8  # Jabat hacih saat pandap mbang song jru tavoa Hàn Quốc (MFDS) brei thau dalam dự thảo pasiam veik sa binah Luật Ðặc biệt ka bruk khik ramik hacih saat pandap mbang menyum ka dom adei hu asar kadha oh brei pablei  cà phê di dom sang bac di Hàn Quốc. Urak ni dom janih pandap hu hàm lượng caffeine glong oh brei pablei di dom  sang bac di  Hàn Quốc. Min, cà phê  yaok harei dok hu pablei di dom jamriak pablei cà phê dalam sang bac ka gru pato.  Caffeine nyu kích thích hệ thần kinh trung ương, ngak ka glaow akaok nyu tỉnh táo, patrun gleih glar, min nyu hu tác dụng phụ meyah menyum rilo ./.