# Pa-uan harei peih thun bac bahrau 2016-2017, akaok negar Trần Đại Quang hu payua harak tadhau ayuh dom anai gru, cei gru, urang ngak bruk gah Pato megru, dom urang ngak maik ngak ame saon dom anek saih, sinh viên. Akaok negar Trần Đại Quang caong khin dom anek saih, sinh viên patui jalan pachreih bac megru di bangsa, raong ba hatai caong khin dak padang rai diuk dak harei dak siam jang ka rup drei, ka baoh sang saong ka rahra, kham merat pathram megru, mek hu ralo siam mekre dalam bac megru, roh duah ilamo, piah harei hadei tui jalan di ame sa-ai dak padang taneh aia dak harei dak kaya meda, siam mekre.

          #/ Jeng dalam mbang ni, UB MT negar VN ban raya HCM hu jao 200 pok jien bac song 200 sruh radeih juak ka dom adei anek saih bangsa Chăm hu rai duik kan kandah dok di ban raya.Phó Thủ tướng Trương Hòa Bình mai hu mbaok song brei panuac, Phó Thủ tướng  cong khin dom adei anek saih hu taduan pok jien bac song radeih juak nan, hu mbuan lagaih jang tuk nao bac daa, buh rilo pren yava jang dalam tuk vak bac megru

# Anak bruk anek saih tiểu học saong mầm non tagok rilo, thun bac bahrau ini, tỉnh Đắc Nông  daok pambuak bruk haong jaik 350 gru pato piah oh njauk pato ca 3. Dalam nan, hu 100 gru pato pambuak bruk bahrau saong 250 gru pato pambuak veik hợp đồng meng dom thun dahlau. Ong Nguyễn Văn Toàn, Akaok  Sở Pato megru tỉnh Đắc Nông brei thau:

Băng: “Urak ini Sở Pato megru ga haong Sở Nội vụ tham mưu ka Uỷ ban Bhap bani tỉnh langyah bruk ramik veik kapul nyaom gru pato piah langyah bruk gah biên chế; dom labik labaih tapa dom labik kurang.

#/ Dom harei tapa, tỉnh Ninh Thuận hu peih bruk ka anek saih yam tame thun bac bahrau 2016 - 2017. Di huyện Thuận Nam, labik hu rilo khat lihik di abih dalam mbang pandiak bhang meng bloh, yaom lac dok rilo kan kandah, min mik va di bhum pandiak bhang kham merat kuhria caga ka anek bhik di drei hu nao bac. Rilo sang bac di bhum pandiak thu hu buh jien tame pasiam veik, padang ngak bahrau, ngak ka labik bac daa hacih saat, siam mekre piah ka cei gru song anek saih sahanAng hatai, bui sambai yam tame thun bac bahrau. Anai Trần Thị Hảo, Phó hiệu trưởng sang bac Tiểu học xã Vụ Bổn, huyện Thuận Nam, tỉnh Ninh Thuận brei thau:

Dom adei hu rai duik kan kandah, mbuan si klak bac, min sang bac hu pambuak bruk biak siam, bhian pambuak song amaik ame, karja puk palei jeng yau Kapul amaik ame anek saih bhian nao rivang, jak ba dom adei.

# Thủ tướng Raja-ei bahrau hu Quyết định ka 1722 brei adat peih ngak danak dak bruk ngak negar Patrun kathaot khang kajap tukvak 2016 – 2020. Danak dak ba tabiak jalan ngak cambaih laih rik daong patrun baoh sang kathaot dalam negar meng 1% - 1,5% sa thun (daok dom huyện kathaot, xã kathaot trun 4% sa thun; baoh sang kathaot urang bangsa takik trun meng 3% - 4% sa thun) tui tanut kathaot maong tui rilo gah pandar ka vaktu 2016 – 2020. Danak dak hu peih ngak grauk labik dalam negar; njauk brei ngak dahlau bruk ba jien padai di Danak dak ka dom huyện kathaot, xã kathait (xã biak kan kandah labik bãi ngang tapen tasik saong pulao kaoh; xã biak kan kandah bhum urang bangsa takik saong bhum ceik, xã tapen negar, xã an toàn khu) saong puk palei biak kan kandah.

#/ Pathau khan di Cục Cảnh sát giao thông – Mintri  Công an bruk radeih phaoh gauk harei 4/9  dalam negar rah tabiak 30 mbang ngak ka 13 urang metai, 20 urang njauk rambuac, taong abih  jeng lac radeih phaoh gauk angaok jalan mbak, daok jalan krong song jalan pasei oh rah tabiak bala hagait. Gah Cảnh sát giao thông dalam negar hu langyah labaih 7 ribau 46 mbang vi phạm trật tự an toàn giao thông, gilang pariak karja mek hu 1 tỷ 171 triệu đồng. Yau nan 3 dalam 3 harei padeih lễ Quốc khánh, dalam negar rah tabiak 71 mbang, ngak ka 33 urang metai, 59 urang njauk rambuac. Jalan krong ribong puk palei oh rah tabiak bala halei. 

# Dalam klau harei paeih lễ Quốc khánh 2-9, xã pulao Tân Hiệp - Cù Lao Chàm, bal Hội An, tỉnh Quảng Nam taduan raok labaih 9 ribau mbang tuai damuai dalam saong langiu negar mai rivang ma-in du lịch sinh thái saong njuk tasik. Jaik 150 sruh ca nô cao tốc, ghe gilai công suất prong di 40 doanh nghiệpngak mbang gah du lịch peih nduac gam gam meng 9 tuk page tal 12 tuk kreh pandiak. Mai meng ngak siam  bruk an ninh trật tự saong tacei pato rami ramik tuai damuai, pak dom bến thủy nội địa Cửa Đại, bến Sông Hội nan ye oh rah tabiak bruk ùn tắc. Tuai damuai nao mai siam mekre, mbuan laghaih, dom labik dịch vụ mbang huak, giải trí, labik padeih padei angaok xã đảo Tân Hiệp - Cù Lao Chàm hu niêm yết yaom kaom, oh cai rah tabiak bruk  tagok yaom bal glai bal klo. 

Patui di ni dom khau tin dunya:

#/ # Thủ tướng Thổ Nhĩ Kỳ Bi-na-li Yin-đi-rim (Binali Yildirim) brei thau , rajaei meda buh jien tabiak labaih 10 tỷ li-ra (3,4 tỷ đôla Mỹ) ka bruk pasiam veik  bhum Đông Nam  negar ni. Labik hu rilo urang Cuốc dok njauk palai  pajoa trak kayua dom mbang mesruh gauk di gah RajaeI song dom phiến quân. Thủ tướng Yin-đi-rim brei thau, pok jien nan hu buh tabiak piah padang ngak sang dok, dom bimon song sang iek ruak bahrau, gam song bruk pasiam veik dom inem krung sajarah dak rai khut tayah kayua mesruh gauk.

# Tapa duah thau hatai saneng bhjap bini di Hãng tin Reuters saong Công ty roh duah Íp-xót ba tabiak harei 4/9 brei mboh ứng cử viên tổng thống Mỹ di Đảng Cộng hòa, tỷ phú Đô-nan Trăm hu tapa mbaok ba akaok 1% dut haong urang di Đảng Dân chủ Hi-la-ri Clin-tơn. Tui dom mbang duah thau hu peih ngak meng harei 26/8-1/9, 40% cử tri tiềm năng hu buh phiếu ka ong Trăm, dalam tuk tuk 39% buh brei amuk Clin-tơn. Taphia di nan, 20% manuac urang hu sua tangi buh phiếu phản đối gam dua ứng cử viên. 

         #/ Bahrau ni, mintri Y tế Malaysia hu panuac khan lac urang ruak camereip njom virus Zika dalam negar metai kayua biến chứng ruak boh hatai. Tui mintri Y tế, urang ruak ni hu pren yava oh siam kayua ruak boh hatai, tagok drah, ruak thận song gout dahlau di tuk hu dut iek y tế harei 30/8 tuk hu dom triệu chứng pandiak glong, pandik cơ song chraoh aik. Urang nan metai di harei 3/9 kayua dom biến chứng ruak boh hatai, oh lac kayua virus Zika./.