#  Harei 5-9, Akaok Quốc hội Nguyễn Thị Kim Ngân haong Kapul urang ngak bruk hu mai bui sambai haong gru pato, haong anek saih sang bac Trung học phổ thông Chuyên Lê Quý Đôn (Bal Vũng Tàu) dalam harei tame thun bac bahrau. Dalam harei nan, gam haong gauk labik dalam negar, 429 sang bac saong 9 pasak pato pakai thường xuyên dalam tỉnh Bà Rịa - Vũng Tàu hu peih ngak adat tame thun bac bahrau 2016-2017.

#/ Jeng dalam harei nan, yaok ribau anek saih ban sit ĐN, dalam nan hu labaih 500 anek saih sang bac TH  cơ sở Hoàng Sa, di  quận Sơn Trà, boh sang bac  camereip hu angan palao Hoàng Sa di VN chreih chrai yam tame thun bac bahrau. Sang bac  Trung học cở sở Hoàng Sa hu  khu hiệu bộ, khu sang 3 tal song 14 balik bac, 8 balik bộ môn song balik  chức năng.

# Sở Pato Megru tỉnh Sóc Trăng brei thau, thun bac 2016-2017, Sang bac Trung học phổ thông Bangsa gam bac gam daok Huỳnh Cương hu labaih 600 anek saih lac anek kamuan bhap bani bangsa Khmer tui bac; dalam nan, hu 200 adei bahrau hu palih ruah tame tal 10. Daok pak Trà Vinh, Sở Pato megru tỉnh bahrau ba tame pandar sang bac Bangsa gam bac gam daok pakat 2-3 Tiểu Cần saong Sangbac Trung học cơ sở Bangsa gam bac gam daok Càng Long. Thun bac ini tỉnh Trà Vinh hu labaih 650 anek saih bangsa Khmer tame bac dalam dom baoh sang bac bangsa gam bac gam daok. Kuhria abih tỉnh hu labaih 1.700 anek saih tame bac, rilo jang 105 anek saih dut haong thun bac bahrau.

#/ Ban sit  Cần Thơ hu panuac khan ka danak dak peih nyaom biai pambuak bruk di dom puk palei VN- Pháp mbang ka 10 hu rah tabiak meng harei 15 tal harei 17/9. Nyaom biai hu labaih 500 urang lambaok ka karja puk palei, kapul nyaom, DN, urang ilamu di 2 negar VN pháp. Nyaom biai hu 5 mbang ginum biai ka dom kadha pambuak bruk: kinh tế, du lịch; pato pakai, Y tế , môi trường, biến đổi khí hậu, ngak nong, ngak ikan, patagok đô thị, ilamu song inem krung

# Peih bruk panduan salih janih phun pala laghaih haong tua riya pandiak bhang, jaij di ini utang nong labik aia taba Gò Công tỉnh Tiền Giang hu peih pronng bruk pala phun thanh long angaok taneh padai, tuk akaok mereip mboh hu kein laba. Tal urak ini, bhum aia taba Gò Công hu jaik 500 ha phun thanh long, pataom tame di dom labik bhian njaom mbak tapen kraong, tapen tasik di huyện Gò Công Tây, bal sit Gò Công saong Gò Công Đông. Urak ini, huyện Gò Công Tây patagok hu labaih 300 ha thanh long di xã Đồng Sơn. 

#/ Meng harei 5/9 gah thanh tra giao thong di tỉnh Tiền Giang peih bruk salih labik ngak bruk tui QĐ, bổ nhiệm di Chánh Thanh tra Sở Giao thông - vận tải tỉnh. Tui nan, gah thanh tra giao thong di dom kapul dahlau deih tok khik veik 1 urang, dok veik hu salih tal labik karei. Ngan song dom chức danh đội trưởng, đội phó, tuk vak pagam song puk palei bahrau lac 2 thun, thanh tra viên lac 1 thun. Bruk salih tapa puk palei dong ka gah thanh tra giao thong hu maong mboh praong, atah, pasram megru paglaong ilamu ngak bruk, klah nyaih bruk  cả nể, cục bộ abih di nyu nan lac meda rah tabiak tiêu cực dalam bruk ngak.

 # Tal urak ini, negar drei hu 3 urang njaom vi rút Zika pak Khánh Hòa, Bal raya Hồ Chí Minh saong Phú Yên. Taphia di nan, hu sa urang negar langiu njaom vi rút Zika hadei di tuk nao du lịch mai veik meng dom negar, dalam nan hu  Việt Nam. Mentri Y tế pandar Akaok Ủy ban bhap bani tỉnh, bal tacei pato patagok bruk pacang caga jit ruak kayua vi rút Zika, ruak pandiak tabiak darah; peih ngak khang bruk pametai anek loăng quăng (bọ gậy); taong phạt hành chính dom kapul nyaom, manuac urang oh peih dom jalan ngak pacang caga jit ruak di puk palei.

          Patui di ni dom khau tin dunya:

8/ Taduan panuac daa di Thủ tướng Cộng hòa Dân chủ bhap bini Lào Thông-lun Xi-xu-lít, harei 6/9, Thủ tướng rajaei Nguyễn Xuân Phúc ba akaok kapul urang pakat glaong rajaei VN tabiak truh HN, tagok jalan hu mbaok tame nyaom meyai pakat glaong ASEAN mbang ka 28 – 29 saong dom nyaom meyai pakat glaong pambuak bruk di ban ine Vientiane, Lào. 

# Kapul khik caga takai tasik Italia bahrau brei thau, hu duah mboh 15urang metai saong daong hu labaih 2 ribau 700 urang nhập cư langiu tasik Libi di harei 5/9. Tui gah cảnh sát tasik, dom urang nhập cư hu nao tapa tasik angaok dom sruh gilai sit atau meng gilai cao su sit sit sot, quá tải, biak nguy hiểm. 

#/ Truyền thong Thái Lan brei thau, hu 2 urang kamei metain di tỉnh tỉnh Chiang Mai, gah barak negar ni njom vi rút Zika, patagok urang njom vi rút Zika di tỉnh ni jeng 11 urang. Dom urang ngak prong tui iek jit ruak di tỉnh Chiang Mai brei thau, sa urang kamei metain 6 bilan song sa urang kamei metain 9 bilan hu dut iek dương tính song vi rút Ziks di puac adit bloh. 2 urang ni dok di huyện Xan Xai Lu-ang (San Sai Luang) – labik dahlau nan hu 9 urang njom Zika dalam sa bilan tapa