1# Tui pasang iek di kapul ngak bruk di mintri pato megru di 3 huyen hu ralo anek saih bangsa takik di Gia Lai lac Mang Yang, Đăk Đoa saong Đức Cơ, lac hu meng 32 tal 35% dom anek saih bangsa takik bac abih tan bac 9 gilac mai pala drak, oh tui bac pakat 3 saong bac bruk ngak. Makna praong di bruk ini lac urang di bhum bhapbini bangsa takik oh ka sahneng mboh hu yaom glaong di bruk pato megru thường xuyên saong pato megru chuyên nghiệp.

          2 # 9 urang dok di  xã Co Mạ, huyện Thuận Châu, tỉnh Sơn Labahrau tame sang iek ruak  cấp cứu kayua mbang bimao glai. Hu thau, dom bimao bo dom urang njauk bala mbang dalam var kreik pandiak  harei  5/6, hu saai  Hạng Seo Lưu (xã Tả Ngải Chồ, huyện Mường Khương, tỉnh Lào Cai) mai rivang gauk gar di palei Po Mậu, xã Co Mạ, paik meng glai Co Mạ  ba mai ngak ia bai ka abih gauk  mbang. Urak ni, 5 urang daok hu cấp cứu di Khoa hồi sức tích cực chống độc song  2 urang hu cấp cứu di  Khoa iek ruak di  sang iek ruak Đa khoa tỉnh Sơn La. 2 urang hajual jang  hu cấp cứu di sang iek ruak Đa Khoa huyện Thuận Châu.

3#Bair harei 6/6, Sở Thông tin saong Truyền thông tỉnh Lâm Đồng brei thau, hu pandar dom gah mạng di động khóa dua chiều 28 thuê bao di động pambuak tal bruk tín dụng đen dalam ban Đà Lạt. Ini lac bruk piah trun takik bruk ngak di dom băng nhóm, kol brei jien mesraiy mek laba trak daok tamuh khang di ban sit Đà Lạt, ngak ka urang bhapbini dut hatai saong ngak jhak tal an ninh trật tự di puk palei.

          4 # Meng thun  2015 tal ni, meng ngak samu gauk dom jalan ngak, Đồng Nai hu dong ka labaih 1.500 boh sang urang bangsa takik tabiak truh kan kathaot.  Ong Phan Trọng Hữu, Phó Ban tacei jalan patrun kan kathaot  tỉnh Đồng Nai , piah patrun kan kathaot khang kajap dalam mik va urang bangsa takik ,  tỉnh Đồng Nai peih rilo jalan ngak yau : Pato bruk ngak, pasiam, padang bahrau sang , dong patagok gah ngak nong, peih ngak danak dak ka sang kathaot, jiak si kan kathaot hu mesraiy jien. urak ini đồng nai hu 11 ribau sang kathaot, jaik si kathaot, trun  meteh dut song thun  2015.

5# Urak ini yaom kaom ngak nong pandar công nghệ glaong di Tây Ninh meblah tỷ trọng 11%, rilo pandap hu chất lượng glaong pablei dalam taneh ia saong taneh ia lingiu. Dalam tỉnh hu labaih 35 rabau ha phun pala, mboh rilo lac: kandiuk, darang, pa-ok pandar công nghệ pruh ia patak pataom, laba rilo jang 2 – 5 mbang duk saong dahlau. Kayua ngak rilo bruk daong, pachreih doanh nghiep, menuac urang buh tame gah ngak nong công nghệ glaong yau nan ye urak ini Tây Ninh pachreih hu 57 dự án ngan saong jien đầu tư abih tih labaih 2.100 tỷ đồng.

             # Patui di ni dom khau tin dunya:

             6 # Harei  6/6, mnitri Năng lượng Thái Lan peih mbaok adit  Năng lượng khang kajap  ASEAN 2018, piah ba tame pandar  năng lượng thay thế pabak ka bruk pandar năng lượng dak harei dak glong, song piah patagok năng lượng tái tạo  hu 30%. Urak ni di  Thái Lan dok tagok bruk  năng lượng tái tạo song salih bahrau  tuk vak  2015-2022  piah tui samu bruk patagok di dunya

7# Gah di cư dunya (IOM) brei thau, harei 6/6 jabat ini hu brei nao veik palei negar 233 urang di cư meng Yê-men mai Ê-ti-ô-pi-a. Yaok thun, yaok rabau urang Ê-ti-ô-pi-a tapa tasik nao tal dom bán đảo Ả-rập piah caong duah bruk ngak siam jang. Dom urang di cư Ê-ti-ô-pi-a di  Yê-men bhian dang anak bruk cưỡng bức lao động, hu tuk daok gaok kol pablei salih lậu saong tội phạm karei mek khik.

             8 # Sa kapul roh duah  ka  Triều Tiên di  Mỹ hu angan lac  “38 độ Bắc” ba dom thaot binguk bahrau thaot tapa vệ tinh brei mboh, Triều Tiên hu palai klaak sa bệ phóng tên lửa hadei di tuk khan lac padeih dom mbang  thử hạt nhân song  tên lửa đạn đạo dI bilan  4 thun ni. Min, kapul  roh duah  “38 độ Bắc” hu panuac lac oh thau cambaih bruk palai klaak  bệ phóng nan, lac kayua  Triều Tiên padeih danak dak  tên lửa atau hu hatai sahaneng  padang ngak dom cơ sở dreih yau nan di anak tal ./.

Ái Nghiêm/VOVTPHCM