#/ Ban Cần Thơ bahrau padang rilo kapul nao rivang tangi sua boh sang sarak karja song urang buh pren yava ka taneh ia dok dalam tỉnh tuk pahadar 69 thun harei Thương binh, Liệt sĩ. Hu 720 pok pandap hu jao brei, yaok pok hu yaom 500 ribau đồng. Saai Võ Duy Thanh – thương binh 2/4, dok ngak bruk di gilang tapukban Cần Thơ lac

Bruk metai lihik dalam mesruh metak lac biak prong, drei duik dalam siam mekre lac haniem phol prong abih di drei. Dom pakat karja yau MT negar bloh Đảng Karja caik hatai sangka tal sarak tani tanat meng nan patagok bruk ngak di drei. Drei brei ngak tui hukum piah ka anek taco oh gam tame tệ nạn XH, padang rai duik ilamu bahrau, kham merat yam tagok.

# Dự án sang mac nhiệt điện Long Phú lac bruk pambuak gauk ngak di rajaei VN saong Liên bang Nga, hu mbaoh tangin pambuak bruk di tập đoàn Dầu khí taneh ia VN saong liên doanh tổng thầu Power Machines – PTSC. Tui bruk ba tabiak, tổ máy ka sa di sang mac hu ba tame vận hành thương mại di thun 2018 saong tổ mac ka dua hu ba tame vận hành  thương mại di thun 2019. Bruk ngak salah bloh saong ba tame pandar oh lac rik daong khik kajap an ninh năng lượng ka taneh ia bo daok rik daong salih bahrau kinh tế di tỉnh Sóc Trăng jeng yau di bhum Tây Nam Bộ.

# Harei 25/7 di tỉnh Quảng Trị rah tabiak lễ bế mạc harei patom ilamu nghệ thuật 5 negar Việt Nam, Lào, Campuchia, Mianma, Thái Lan thun 2016. Mban peih bruk hu jao 27 huy chương ameh ka dom kadha gheih di harei patom ilamu. Tapa 8 harei rah tabiak harei patom ilamu nghệ thuật 5 negar Việt Nam, Lào, Campuchia, Mianma song  Thái Lan thun  2016 (meng harei 18 tal harei 25/7), 21 đơn vị, song labaih 900 nghệ sĩ diễn viên hu parang main 218 kadha nghệ thuật pok meyaom taneh ia palei negar, anek menuac di yaok bhum palei, taneh ia, pok meyaom talei rohim di dom negar.

# Di HN, sở ilamu, TT saong DL Hà Giang saong cty Mắc-Ken-Gi & Com pa ny Việt Nam hu mbaoh tangin pambuak bruk tư vấn, padang quy hoạch đầu tư patagok DL công viên địa chất toàn cầu Cao nguyên patau Đồng Văn saong ban sit Hà Giang tal thun 2025, pamaong tal thun 2035.

# Bilan Hè thu, dom DN  di tỉnh Đắk Lắk hu dong ka mik va dom bangsa takik pala dom janih pajaih tabau bahrau yau K95, K88, K92, K84, K833. Ni lac dom pajaih tabau lagaih song taneh riya langik tasik brei kein liba, chữ đường glong. Urak ni, dom puk palei di tỉnh Đắk Lắk hu peih bruk quy hoạch dom bhum pala tabau, palagaih ka dom DN ngak saradang pambuak bruk song mik va dom bangsa takik dong phun jien, tabau pajaih, vật tư, tuk vak pala, thu hoạch song blei tabau phun piah tagok jien mek tame ka mik va bangsa.

# Kapul pasang iek Chi cục vệ sinh an toàn thực phẩm tỉnh Bình Phước pambuak bruk saong công an tỉnh Bình Phước saong dom jabat chức năng  pambuak tal hu ngak bruk saong lambaok cty LISHENG di khu công nghiệp Minh Hưng - Hàn Quốc, huyện Chơn Thành, tỉnh Bình Phước piah pasang iek, ngak cambaih laih bruk yaok pluh urang ngak di cty ini njauk jru mek hadei di tuk huak var jala. Hu thau, ini lac mbang ka 2 cty LISHENG rah tabiak brik njauk jru mek pandap mbang. Tui duah thau, bruk mbang huak di cty ini hu pambuak bruk saong gah langiu lac cty Happy Spoon, hu jabat ngak bruk di Đồng Nai. 

#/ Giải vô địch radeih juak địa hình pakat negar  song radeih juak địa hình ranaih umo pakat negar 2016 hu peih tabiak di Hòa  Bình, pachreih hu labaih 200 Vận động viên di  9 kapul hu mbaok. Giải đấu kayuaTổng cục Thể dục Thể thao, dom kapul Mô tô – radeih juak Việt Nam pambuak bruk song sở ilamu Thể Thao song Du lịch tỉnh Hòa Bình peih ngak piah patagok paglong thành tích thi đấu ka dom VĐV  radeih juak địa hình VN, duah mboh song pato pakai dom VĐV naih gheih hu mbaok dom giải đấu dunya . Hadei di tuk tamat giải vô địch trẻ, giải vô địch radeih juak địa hình pakat negar 2016 meda rah tabiak meng harei 28-30/7.

Patui di ini dom khau tin dunya:

# Tổ chức Hiệp ước Bắc Đại Tây Dương ieu lac NATO hu panuac brei thau, kol IS daok duah jalan padang angan di Áp-ga-ni-xtan meng dom bruk tấn công tame urang ngak praong pakat glaong atau bhap bini di taneh ia Nam Á ini. NATO  barau ini  njauk gauk brei dui atah bruk hu mbaok gah quân sự saong khik kajap bruk hu mbaok dom urang lin  di Áp-ga-ni-xtan. 

#/ Mỹ bahrau brei peih tabiak guk sa  vũ công ba lê dahlau deih, urang ni lac menuac di bol lin Nga, njauk chap kreih di sang guk quân sự Mỹ di vịnh Goa-ta-na-mô (Guantanamo) (Cuba) dalam 14 thun tapa, ngan song cáo buộc pagam tal dom gah phiến quân. Ni lac urang guk Nga puac di abih hu chap kreih di sang guk ni. 

 # Rajaei Ba Lan brei thau taneh ia ini meda pataom cảnh sát saong bol bala piah khik kajap an ninh ka Harei pataom dam dara công giáo dunya hu peih tabiak di ban sit K-ra-câu di Ba Lan harei 26/7 ini. Kuhria tal urak ini hu jaik 400 ribau tín đồ meng 185 taneh ia hu tut angan hu mbaok tame bruk ini. Dom urang peih bruk caong khin harei pataom thun ini pachreih hu jaik 1,5 triệu tín đồ công giáo di dunya./.